افتحي المجلس لظيوفك والبخور بيولع من نفسه لهم بدون جمر ولاتعب ومايشوفونه فكره جهنميه

1. جربوا وقولوا لنا النتيجه

السلام عليكم ورحمة الله وبركاته
كيفكم ان شاء الله بصحه وعافيه الجميع
صار موقف لاحدى الاخوات وحبيت انقل لكم موقفها
بسم الله الرحمن الرحيم
صار لي موقف غريب من فتره بحكيه لكم
اتصلوقال بسرعه جهزي قهوه وشاي معي زملائي بالعمل بندخل شوي ناخذ اوراق ونتقهوى بسرعه ونطلع
وانا قريب من البيت
طبعا يالله لحقت اجهز القهوه والشاي وهو داخل مع زملائه...
والمجلس مابعد بخرته استحيت منهم خصوصا انهم اول مره يدخلون البيت على الاقل نستقبلهم بالريحه الزينه
قلت يالله حصل خير ماباليد حيله
المهم طلعوا بعد نصف ساعه تقريبا ودخلت المجلس والاقي ريحة هالبخور منتشره
قلت معقول واحد منهم مبخرته زوجته قبل مايطلع والريحه عالقه فيه وصبغت البيت شكله بخور زين وريحته فتاكه
المهم يوم شفت القهوه واضعف قدامها راسي مصدع واجلس اتفنجل <<اي اتقهوى
والاحظ ريحة البخور تزيد اول شي كذبت نفسي بس بعدين تاكدت خلاص الريحه طلعت برا المجلس
قلت يمكن انه مبخر المجلس بمبخره جديده او شي واجلس احوس ادور مصدر هالبخور حتى الكنب دورت تحته مافيه شي ابدا
والريحه بازدياد ويجي الشيطان يوسوس لي
قلت يمكن هذي ريحة (بسم الله الرحمن الرحيم) اخواننا اهل الارض اكيد عرفتوهم ماهنا غيري انا واياهم بالبيت
واطلع طيران واتصلواقوله السالفه وضحك
قال روحي شوفي الثريا اللي بالمجلس واروح اشوف والقى كسرة بخور على اللمبه ومع حرارتها خصوصا انها ملونه مو بيضاء وحاره
والبخور مولع
يوم طفيت الثريا طفى البخور
وبعدها اعتمدت هالطريقه على طول لازم الثريا احط فيها بخور تحسبا لاي طاريء
اذا جاكم ضيوف ولعوا اللمبه والبخور يتولى الباقي بلا جمر ومباخر بلاهم
غير ان الريحه تروح لكن فوق الثريا ماراح تطفى مثل الجمر والريحه ياسلام منتشره بكل الحته
ملاحظه؛
حتى الاباجوره اتوقع تنفع نفس الشي رغم اني ماجربتها لان بالبيت عندي ثريات وعبيتهم وما احتجت اجرب الاباجوره
هذا سري اللي مخبيته عن الكل بس مو عليكم حبيباتي
مثل ما استفدت منكم ان شاءالله اكون افدتكم

جربوا وقولوا لنا النتيجه

بنات تكفون كل وحده تدخل الموضوع سوء ردت ولا شاهدت الموضوع تدعي لي ولها با المثل
اللهم اني اسئلك باني اشهدك انت الله الذي لا اله الا هو عليه توكلت وهو رب العرش الكريم اللهم ياحنان يامنان يابديع السموات والارض ياحي ياقيوم اسئل الله العظيم رب العرش الكريم تعجبل بنصيب ليتك قربي وتجمعها با الانسان الي تبيه وتصلح فيما بينهما وتجمع بينها في خير وعلى خير