افكار للكوشة العروس و9

1. والعروسه تمشي وراها الى ان تصل الى الكوشه .


2. الكوشه:


3. واخيرا :الفكره او الحركه الى نزلت فيها العروسه....


4. زفة الفراشات الخمس


5. اللي تحب تكون عروس الفراشه هاكم زفه الفراش ياعرايس......

افكار..للكوشة العروس
1
الكوشه عباره عن حديقة فيها فراشات معلقة في الجدار وازهار كثيره
وكرسي العروس على شكل مرجيحة ثابته وعليها ورود وعلى يمين العروسه كرسيين
صغار وعلى اليسار نفس الحكايه
اما الزفه يدخلون اربع بنات صغار عمرهم سبع سنوات لابسين اجنحة فراشات وماسكين
عصيان على شكل قلوب ولهم زفه خاصة عباره عن صوت ماء وعصافير ويمشون الى ان يجلسوا على الكراسي الصغيرة الي جنب الكوشه وبعدين تكون عند الكوشه بنت لابسه جناح
فراشه أبيض لان الاي قبل لابسين اجنحة ملونه اما الفراشه البيضاء ماسكه صندوق على
شكل فراشه وداخل الصندوق مسكة العروسه وبعدين تمشي على الجسر الى ان تصل
الى بداية الجسر بعدين تدخل العروسه من البوابه وتمشي الى بداية الجسر ثم تفتح الصندوق
وتأخذ مسكتها وتلف الفراشه البيضاء ومعها الصندوق فيه ورد وتنثر الورد على الجسر

والعروسه تمشي وراها الى ان تصل الى الكوشه .

2
بالنسبه للطريقه ازفه بالبدايه ممكن تخلون الزفه تبدا قبل دخله العروس بصوت رياح قويه وعواصف وبرق ورعد ...ثم دقات ساعه....ثم صوت خطوات واضحه وعاليه جدا ...ثم صوت فتحة الباب ...وهنا يفتح الباب لعروسه كي تدخل في زفات بالبدايه يحبون يحطون شعر وهذي اول ماتدخل العروس من الباب وتظل واقفه الين مايخلص الشعر ....ثم تبداء زفتها ..في فكره شفتها تكرت مرتين ..وهي يوضع كوب عصير طوله متر او متر ونص ويكون ملين عصير معين ويكون في مصاصا اول مايدخل العريس والعروسه يشرب هو ثم تشرب هي بعده من نفس المصاصه ((حركه جديده))...ممكن العروس واثناء مشيتها يجي طفله صغير وشايل معه سله مليانه ورد ويرمي العريس والعروس الورد منها على الحضور .....طبعا لازم قبل دخول العروس تترسون لهم الممر ورد تغطون فيه الارضيه او الممر اللي بتمشي فيه العروس
وممكن انك تجيبن ((مادري ايش اسمها))((اللي يرتكز عليها الرسام ويرسم فوقها تجيبن مثلها بس تكون حلوه او تودينها لاحد يشتغل عليها بالوان تتناسق مع الوان الكوشه وتجيبين دفتر
فخم وهذا عشان صاحبات العروسه وقرايبها يكتبون لها كلمه وتضعينها عن باب دخول القاعه
واذا جت العروسه تحطينها بالكوشه عشان اول ماتطلع الكوشه هي وعريسها يكتبون كلمه الختام لهذي الليله
وممكن تجيبين واحده ثانيه قبالها وتحطين عليها صوره مكبره للعروسه مع العريس يوم ملكتها ((خطوبتها او صوره حلوه لها مكبره ))
وعلى فكره الحين نازل موضه الكوشه الهندي ممكن تسوي الكوشه وتلبسون اذا جت العروسه لبس هندي وتسون رقصه موحده انتي وبنات العيله قبل دخول العروسه .
الشخصي ببعض الزفات اللي عجبتني بالترتيب:
1-راشد الماجد جدد اغنيه قديمه لفريد الاطرش ((دقوا المزاهر جنان ))خلاها كلمات خليجيه بنفس اللحن وروعه ((اسم الاغنيه احلى ليله))
2-عبد المجيد عبد الله ((محروسه)) شي راقي وحلوه
3-محمد عبده ((الحمام واليمام)) شي تحسينه ملكي قمه الروعه
هذي بعض الافكار لدخلة العروس وان شاء الله تعجبكم
============================== =======
==
فكرة جديدة لزفة العروس وهي ان تكون مراحل تطور ونمو العروس من يوم طفلة هذة الفكرة شفتها في احد الاعراس يعني قدام العروس يكون خمس بنات
الاولى صغيرة ولابسة فستان
الثانية اكبر وبادية تلبس ملابس اكبر
الثالثة في المرحلة المتوسطة ولابسة لبس المدرسة
الرابعة عباية وشيلة مع كتب جا معية
الخامسة لابسه لباس تخرج
والسادسة العروس
ويكون الدخول تدريجي الاولى الثانية والثالثة الرابعة الخامسة .. العروس ويوقفون لين نقطة ويروحون وتظل العروس وتروح على الكوشة وحدها
جربوها بتعجبكم
=========================
الفكره تم تنفيذها بعرس وحدة
اولا القاعه بشكل عام وبعدين الكوشه واخيرا الزفه او الحركه..
القاعه:الطاولات كانت مرتبه بشكل منسق وجميل لون الشراشف كان ازرق وعلى كل طاوله وفى المنتصف , كوب على شكل فاز..كبير..وطويل... تقريبا (40سم)(مخروطى)وبداخله ماى وسمكه ذهبيه..

الكوشه:

الكوشه كانت على شكل احجار بحريه والمرجان والطحالب البحريه..وعلى السقف كانوا معلقين اسماك حوالى(15 سمكه على مسافات متباعده.. الكرسى وهذا كان احلى شى.. لانه الكرسى كان مصمم بشكل حلو بحيث اسفل الكرسى مصمم على شكل حوض سمك.. على فكره ترى الاسماك الى فالحوض حقيقيه ..وطبعا الاسماك المعلقه لزينه..عن تصدقون بعد انها حقيقيه

واخيرا :الفكره او الحركه الى نزلت فيها العروسه....

قبل لا تنزل العروس طبعا اطفؤا الاضاءه وظهروا اربع بنات لابسات لباس الحوريات بشعورهم الطويله... وكانت الفساتين باللون الابيض... ونزلوا من نفس المكان الى راح تنزل منه العروسه مع اصوات البحر ..... وعلى الممر كانوا الحوريات يقعدون ويمسكون ايادي بعض ويتحركون بشكل الارجوحه ما ادرى اذا الصوره واضحه بس علشان يخلون الواحد يتخيل انه بالبحر..وبعد ما يصلون عند الكوشه يقعدون على كرسى العروسه... وبعدها تصعد بنت خامسه بيدها صدفه كبير..بداخلها مسكه العروس...
والحين تطلع العروسه مع قصيده باسمها واسم المعرس... وتمشى وبيدها نجمة... تمشى لين ما توصل عند البنت الى حامله الصدفه الكبيره تسلم عليها
(تبوسها وتحط النجمه بالصدفه وتاخذ المسكه.. وتكمل شويه بعدين الحوريات الاربع وحده ورى الثانيه تقوم وتبوس العروسه وتروح.. وما يبقى غير العروس على الكوشه
============================== ==
دخلو اول شيء طفل وطفله ماسكين يد بعض بعدهم طفل ماسك ثلاث مخدات من الاصغار مربوطين فوق بعض ومربوط فيها بلونات وبعدها طفله ماسكه عربه فيها قفص عصافير وقدام القفص شموع معطره
ويوقفون على المسرح
بعدها تجي العروس وتقص حبل البالونات وتطفي الشموع وتبطل القفص ويطرون العصافير

زفة الفراشات الخمس

تصمم القاعة والكوشة وتزين بالفراشات وتزف العروس على انغام اميرة الورد ( لان هذه الاغنية فيها ذكر الفراشات ( وهي متوفرة بدون موسيقى ) ويكون امامها 5 بنات بزي فراشات يباع في الاسواق يرقصون ويحركون اجنحتهم والعروس تتبختر وتمشي حتى تصل للكوشة ويمكن ان ترش العروس الورد اثناء زفتها او يرش عليها الورد
يابنات حابه أفيدكم بأفكار جديده شفتها بالزواجات (ترى زواج واحد اللي أعجبني)ههه
والله يابنات أن الناس سموا الزواج ألف ليله وليله واللي يقول عرس شيوخ من الترتيبات اللي فيه طبعا تصميم القصر كان غابه لاكن اللي عجبني بعد ماتجمعوا الناس تقريبا كل الكراسي فل طفوا الانوار وسلطوا الكشاف على البوابه تخيلوا مين طلع من البوابه خوات العريس وحريم أخوانهن يعني عائله العريس بس بدون عجايز عمركم شفتوا أوسمعتوا بزفه أهل العريس (طبعا كان مع العارضات مصممتهن) المهم
صفن طابورين الخوات وأخر شي حريمهم وقدام كل طابوروأخره فيه عارضه لابسه خليجي ومعاها سيف يعني أربعه العارضات ودخلوا على أغنيه (ياهلا بريح الحبايب ياهلا بريحه هلي)أظنها أغنيه لعبد المجيد اذا ماني غلطانه ويصفقن مع الاغنيه خوات المعرس وبعد ماوصلوا لنص الممر كان من ضمن تصميم القصر فيه منصتين رقص يمين وشمال بين الطاولات
الفرقه راحت يمين ورقصوا على منصتهم وخوات المعرس راحوا لمنصه اليسار يرقصون بعد ماخلصت الاغنيه ظلن واقفات بالمنصات الطرفين واشتغلت الاغنيه الثانيه( وسعوا الملعب للعذارى يرقصون) ورقصن عليها بس العارضات بالسيوف وخوات المعرس على منصتهم يصفقن لهن بعدين جن العارضات ومسكن وحده وحده من خوات المعرس ويدورن عليها وهي ترقص بوسطهن والله يابنات هالحركه خطيره واعذروني اذا ماقدرت اوصف الفكره زين لاكن والله رجت الصاله رج وللحين الناس تتكلم عنها وفيه حركات كثيره بالزواج نفسه اذا اعجبكم موضوعي كملت وعندي أفكار للزفات والملكه وللزواج لاني أحب الغريب والراقي وأسجل بالمخ وأي حاجه أنا حاضره (ماخليت زواج ماحضرته خ أمزح) يابنات أنا بريه من اي وحده تاخذ الاغنيه وتسويها موسيقى تقدر تخليها ايقاعات بدون موسيقى اللهم اني بلغت اللهم فاشهد (وتابعوا تفاصيل الزواج في الداخل)0
أكملكم زفات العروستين اللي في الزواج وش أكتب وش أخلي هو جمال العروستين ولا زفاتهم زفه العروسه الاولى قبل ماتطلع طفوا الانوار وسلطوا الضوء على البوابه وتشتغل أغنيه اليسا (بستناك) ويطلعن أربع عارضات يرقصن عليها لابسات نفس لبس أليسا اللي بالفيديو الفستان الابيض وبظهره جناح ريش وماسكات بكل يد ريش والله مادري وش اسمه المهم الرقصه حلوه وحركات مع بعض العارضات بعد ماخلصن راحن العارضات للبوابه يستقبلن العروس اثنين على اليمين واثنين شمال وطلت علينا العروس بالطله الملكيه على أغنيه( أجمل نساء الكون) عاد مادري من اللي يغنيها لاتسألوني وكل ماتمشي يمشوا معها العارضات ويرتبون فستانها أكيد فهمتوا والشريط مو بس هالاغنيه لاكن بس هاالاغنيه حفظتها لانها مناسبه للعروس وعلى فكره كانت العروس تمشي مثل مشيه عارضه الازياء لاكن على خفيف بدون مبالغه يعني تمشي خطوتين بعدين تميل على جهه وتحط ايدها على خصرها فيه ناس قالوا جريئه لاكن يحقلها هي وهالجسم الخرافي وبعدين وصلت المنصه واذا تبوني أكمل العروس الثانيه قولولي
أكملكم زفات العروستين اللي في الزواج وش أكتب وش أخلي هو جمال العروستين ولا زفاتهم زفه العروسه الاولى قبل ماتطلع طفوا الانوار وسلطوا الضوء على البوابه وتشتغل أغنيه اليسا (بستناك) ويطلعن أربع عارضات يرقصن عليها لابسات نفس لبس أليسا اللي بالفيديو الفستان الابيض وبظهره جناح ريش وماسكات بكل يد ريش والله مادري وش اسمه المهم الرقصه حلوه وحركات مع بعض العارضات بعد ماخلصن راحن العارضات للبوابه يستقبلن العروس اثنين على اليمين واثنين شمال وطلت علينا العروس بالطله الملكيه على أغنيه( أجمل نساء الكون) عاد مادري من اللي يغنيها لاتسألوني وكل ماتمشي يمشوا معها العارضات ويرتبون فستانها أكيد فهمتوا والشريط مو بس هالاغنيه لاكن بس هاالاغنيه حفظتها لانها مناسبه للعروس وعلى فكره كانت العروس تمشي مثل مشيه عارضه الازياء لاكن على خفيف بدون مبالغه يعني تمشي خطوتين بعدين تميل على جهه وتحط ايدها على خصرها فيه ناس قالوا جريئه لاكن يحقلها هي وهالجسم الخرافي وبعدين وصلت المنصه واذا تبوني أكمل العروس الثانيه قولولي

اللي تحب تكون عروس الفراشه هاكم زفه الفراش ياعرايس......

ياعروس لازم يكون معاك بنات كتاكيت صغار مو مره سن 12 سنه اربع بنات تخلينهم يلبسو فستان زهري عالجسم ممكن انتي تفصليه لهم ساتان عالجسم وتجيبي فراش وتعلقيه عالظهر من ورا فيهم وتطلع كنها فراشه....... طبعا تكون اغنيه زفتك ((((((اميره الورد))))) لمحمد عبده ... واذا تحبي تضيفي قبل الاغنيه تنبيه مثل اجراس أو أطفال يقولون وصلت العروس أو أي شي..
وتخلي داخل مسكتك صندوق صغير مو باين للناس لان المسكه كلها مغطيها الورد وتوزعي على الورد بطريقه عشوائيه لمبات يولعن ويطفن العروس اللي سوتها لقت عند صاحب المحل فراشات صغيره يولعن ويطفن على بطاريه وزعهن على الورد وما شغلتهن العروس الى لما دخلت القصر وفيه عقد لولو زي الحبل بسيط تشدينه ينفتح لك الصندوق وتحطي داخله فراش حقيقي """طبعا تخلي فتحه بالصندوق صغيره علشان يتنفس الفراش"""
يدخلوا البنات قبلك ويمشون عالاغنيه بحركه خفيفه لين يوصلونك للكوشه وبعدها تعطي الناس وجهك والكشاف مسلط عليك وتفتحي الصندوق وتطيري الفراش وتشتغل بعدها اغنيه لمحمد عبده كمان(في هودج الماس والكرسي ذهب..اميره الزين اميره العرب) وتجلسي بالكوشه ...........
راح أوريكم صوره المسكه اللي سوت مثلها بالضبط لاكن اضافت عليها الصندوق وعقد اللولو (يابنات بس اللي يشد الصندوق مو طويل) واضافت على الورد الفراش اللي يولع ويطفي مسكتها روعه بمعنى الكلمه لو تودين الصوره لصاحب محل المسكات وتفهمينه الفكره ان الصندوق مايبان وبه فراش هو يتفنن لك بالمسكه
ملاحظه هامه يابنات قبل لاتسوين الفكره احصلي على الفراش وخوذيه من المحل بنفس يوم الزواج بالاتفاق
وبس وافضل شي تخلين الزفه بدون موسيقى
دعوتكم لي بالتوفبق والنجاج
وللامانه منقول