افيدوني بالتجهيز

مرحبا برنامج العرايس الشامي عرض عليه ب500 ريال عباره عن( زيت بياض الجسم والمناطق الحساسه+ كريم بياض الوجه والرقبه+ كريم بياض الركب والأكواع+ مقشر للركب والأكواع+ كريم بياض الإبط+لوشن طبيعي لنعومه الجسم+ صابونه الغار+ ليفه مغربيه)0568838499

هلا قلبي انا بساعدك زواجي كان قريب وتوني رجعت لااهلي اسلم عليهم
انا جهزت لنفسي ولختي كان معاي بنفس اليوم
شوفي قلبي
جيبي من كل شي خمس او سبع انا اخذت من الملابس كل شيء سبع
ملابس النوم والبيت
<بجايم طويله.بجايم برمودا.شورتات. قمصان قصيره , وقمصان وسط.واهم شيء ملابس الدلع حقت قبل النوم فاهمه علي اكيد>
كثري ملابس داخليه <كلوتات وسنتيانات>جيبي طقم حتى عشان بتلبسينها اذا تبين كذا بس
جيبي ملابس للطالعات الي هي الزيارات اي شيء تبينه بس خذي معاه شنط وحذاء دلعي نفسك لك الحريه باالعدد
وبناطيل وبرمودات اذا صرتو تطلعو تتمشون في شهر العسل
خذي لك فستان ناعم وقصير اذا تبين تلبسينه بعد الحفله طبعا اذا ماراح تروحين بفستانك اذا كنتو راح تسافر بعد العرس
هذي تكفيك وزياده كمانه والله باالنسبه للملابس
خذي لك 2حذاء وشنطتين للطلعات في شهر العسل
طبعا ملابس الزيارات خذي لك منها بشهر العسل 2احتياط اذا بتسافرو وماراح تحتكو بااقربكم بس اذا راح يكون عزايم وزيارات خذيها كلهاا
خذي لك مجموعات في شهر العسل خذي ثنتين بتكفيك وزياده واذا رجعتي من شهر العسل عند الهلك خذي الباقي اكيد بتروحين لبيتك
خذي لك فواحات للبيت
خذي خمريات للشعر والجسم
طبعا مكياجات
واستشوار وفرشته
خذي <شبصات بكلات >اشياء دلع لشعرك طبعاا
اكسسوارات
خذي لك مكينه شعر وحلاقه
وياالغلا اغراض الصيدليه<فرشه .معجون.امواس.مزيل عرق.غسول سبياميد.كريم مرطب ليدينك ورجولك.غسول بيتاسبت هذا حلو مره يريحك كثير بعد الدخله واوجاعهاا يخفف عليك والله>
طبعا هو في شهر العسل بيدلعك وبيجيب لك ملابس وعطر بيسوي كريم ههه
هذاكل الي عندي وان شاء الله اكون افدك
اي سؤال انا حاضره غلاتي

مشكوره يا قلبي الله يعين
يالله بنات تجاربكم

شوفي الرابط اللى في توقيعي راح تتميزي باذن الله
الان خصم 30 % حتي 10 رمضان لايفوتك

.............

فيه ناس لازم يشتروا دي الأغراض وشوفي انتي اذا تحتاجي او لا :
صندوق فيه شراشف صلاة وسجادات
طقم الحمام المناشف والروب والشباشب لكي وله
شرشف السرير ولحافه الساتان لزوم الكشخة يوم الدبش
مريلة مطبخ وقفازات ومناشف ومساكات حق الثلاجة والبوتوجاز
غير كدة الأخوات افادوكي

تفضلى لقيت بمنتدي
طيب الحين نجي لاغراض الزواج عموما بعد مافصلت اول الايام:
الفساتين:
-فستان الزواج..
-فستان الملكه اذا فيه از الزواره..
-فستان فخم لانه مؤكد راح تعزمين على مناسبه وحتى ان كانت مو خاصه فيك انتي عروس بنفس الوقت والانظار عليك..
-فستان سهره بسيط وناعم.. راح تستفيدين منه على مرور الوقت..
-تيور هادي..
الجزم+ الشنط:
اكبر غلط انك تشترين شنطه مخصصه لفستان
لا
اشتري شنطه+ جزمه بالوان حياديه واساسيه وراح تستفيدين منها العمر كله..
للسهره:
-ذهبي-فضي-اسود-احمر..
للعزايم والمناسبات العاديه:
اسود-ابيض-بني او بيج- شنطه مكس<<تجمع كل الالوان بشكل هادي..
للسوق:
سوداء-بيضاء وتكون عمليه جدا بعيدا عن الزينه..
وبرضو تحتاجين جزمه سبور مريحه سواء للسفر او طلعات السوق والمجمعات ...الخ..
الاكسسوارات:
-دبلة الماس فخمه+ساعه للسهره والمناسبات..
-طقم ناعم او خروص (حلق اذان ) الماس فخم وطويل برضو للسهره..
-دبله عاديه ..الماس هادي او زيركون..للاستخدام اليومي..
-تعليقه (سلسال) ناعم للاستخدام اليومي والمناسبات البسيطه..
-اكسسورات بيت ناعمه:
وانصحك بمحل اكسسورايز
تحتاجين :
-خرص (حلق) ناعم للبيت عند زوجك..
-اكسسوارات شعر (الورد حقهم مرره حلو مع قمصان النوم) ستايل جنان..
-خلخال<<يحبونه الرجال..
نجي لقمصان النوم وهذي مهمه:
-اول شهر:
لازم تكون طويله ومعاها روب ونصيحتي خذي الروب منفصل..
-قميص ابيض او سكري طويل لاول يوم..
-قميص لثاني يوم + الروب..
-قميص لثالث يوم يفضل لون نقيض وهادي (سماوي هادي (البحري))
وبعدها البسي بدون روب
وخذيها مني ماتحتاجين اكثر من 3 قمصان لاول اسبوع لانه مايفرق فيها كثير
وبعدها تقدرين تستخدمينها بدون روب..
-قميصين قصيره بس مو مرره..
-بيجاما حرير حلووه..
ونصيحه لاتشتري اكثر لحد ماتعرفي ذوقه هو
بعدها اطلعي معاه واشتروا..
ملابس البيت:
الاساسيات:
- بنطلون جينز (فاتح + غامق)
-بنطلون ابيض..
-شورت جينز+تنوره قصيره..
هذي اساس كل لبسك..
بعدها خذي درزن بديات
وافضل تاخذين بديات مو غاليه مرره وتنوعين يوميا بدال البيجاما
وانتبهي تاخذين الوان غامقه
خليها كلها فاتحه وصارخه (اورنج-فوشي-تركواز.....)
-3 فساتين بالكثير وخليها ضيقه ودوري الموديل الي يناسبك..
*******************
:
-المكياج عموما:
-لمعه تخلط مع الاساس للسهرات..
-كريم اساس خفيف لاتاخذين ثقيل..
-بودره حره لاتاخذي مضغوطه مو كويسه..
-بلاشر (حمرة خدود) وافضل شي تاخذي العلبه المتدرجه الي تبدأ من الخوخي لحد الاحمر عشان تختاري التدرج الي يناسبك..
-روج وخذي 3 الوان اساسيه ممكن تتخفف (احمر-وردي-بني)
-جلوس (ملمع شفايف) بلون حيادي شفاف يمشي مع كل الارواج..
-علبة شادو (ظل).. وبامكانك تاخذي علب صغيره والوانها اساسيه..
-ماسكارا
-كحل (اسود-ازرق فاتح)
-لمعه لؤلؤيه تحت الحاجب<<تغير مكياج العين 180 درجه للاحلى..
-فرش مكياج
(فرشه كبيره لتوزيع البودره على الوجه-فرشه وسط للبلاشر-فرش صغيره للمحدد والروج)
-سبراي مثبت للمكياج..
وبسس
شنط المكياج:
-شنطه كبيره تحفظين فيها كل مكياجك مع ان الافضل يوضع بالثلاجه..
-شنطه صغيره تحطين فيها الاساسيات ودائما معاك ويفضل لونها ابيض عشان تمشي مع كل الشنط..
استخدامات روعه تغنيك عن بعض القطع الي مالها داعي:
-علبة الظل :
بامكانك عن طريق استخدامها
تستغنين عن البلاشر + الروج للمناسبات
بس عليك انك تبللي الفرشه بشوية مويه وتستخدميها للروج
هذا يضمنلك يبقى على شفايفك ساعات اطول ويعطيك الدرجه الي تحبينها
وللبلاشر استخدمي فرشه عريضه حطيها على الطل وانفضيها يطيح الزايد
وابتسمي وحطيها على خدودك وانتي تبتسمين..
وانصحك من كل قلبي تاخذي دورة مكياج قبل زواجك..
********************
للبشره:
لازم تعتنين ببشرتك وتعودي قبل ماتنامين تحطين كريم مرطب للبشره وللعين..
-كريم بشره<<<افضل شي جربته للان يولاي للعنايه الليليه..
-كريم عيون<<ميزته 2*1 مبيض تحت الحين ومرطب (وايت بيرفكت) صغير ولونه ازرق
للشعر:
-استشوار شعر..
-كريم..
للجسم:
الة ازالة الشعر....براون كويسه..
او
حلاوة شعر..
-كريم جسم<<<اروع شي نعومه وريحه موت (زبدة االجسم من بودي شوب) واختاري الريحه الي تعجبك
وحطي في بالك راح ترتبط في خياله ريحتك دائما يعني خليها ريحتك المميزه دائما..
عطور:
- تحتاجين عطرين رسمي وقوي للمناسبات- هادي مرره للبيت..
-دهن عود او مخلط..<<انصحك ب (كشخه من العربيه للعود) خفيف لوحده وناعم ورشي فوقه اي عطر ويطلع واو..
-الويز...لانه حطي في بالك انك اول الايام مره بتستحين مرره وماراح تقدرين تطلبين منه
خذي (عاديه-للاستخدام اليومي "carefree")
****************************************
((تجهيز العروس من ال" أ"...إلى ال"ي"...!شامل لكل شيء!))
اول ما تفكرين وتجهزين فيه هو ((فستان الدخله))وتحسبين حسابه والمسكه اهم شي
وثاني شي الميك اب ونصيحه تختارينه قبل يوم الدخله باي وقت تقدرين عليه
لان باليوم راح يكون فيه توتر وخووف((طبعا الميك اب)) وثالث شي تفكير بشراء قميص النوم
لاول يوم اي ليله الدخله وطبعا لازم يكون غير واكيد لونه ابيض وخلي السعر
باي ان كان ان شاءالله.....!!
((الملابس الداخليه))
-ملابس مريحه للنوم شفافه وخفيفه.
-ملابس داخليه للطلعات والدوام.
-ملابس خاصه بالدوره الشهريه.
-أطقم حمالات الصدر للبيت غير مبطنة.
-أطقم حمالات الصدر خاصه للسهرات.
-كلوتات انفرادية ألوان متعددة.
ماركات الملابس الداخليه
ايتام شانتيل وافضل للعرايس منها الاطقم الفخمه
التل او الدانتيل المشغول والالوان
الاسود والعودي والباذنجاني
لاسنزا
نعومي
البي اتش
لاسنزا للمقاسات الصغيره وشانتيل للمقاسات الكبيره
وفيه أشياء حلوه مو ماركه لكن خامتها ممتازه
وافضل حمالات الصدر اللي تشد الصدر الكبير هي
PUSH UP
موجوده عند كل الماركات..... انتي بس قوليلهم هذي الكلمة
بس حتى البوش اب في اكثر من نوع
((ملابس النوم))
طقمين ارواب
قمصان طويلة بدون ارواب عدد ((..))
قمصان قصيرة عدد((..))
بجايم حريري عدد((..))
بجايم قطنيه عدد((..))
كورساج + ستوكنغ اللي تجي فيها الشراريب و بعدين يشبكونها في الكورساج من فوق عرفتوها؟ عدد((..))
متوفره عند ((نعومي))
((ملابس البيت))
أقمصه قطنية طويلة عدد((..))
أقمصه قطنية قصيرة عدد((..))
أطقم شورتات قطنية+جينز عدد((..))
تنوره قصيره عدد((..))
تي شيرت عدد((..))
بناطلين عدد((..))
فساتين قصيره عدد((..))
بودي عدد((..))
........
((ملابس خروج))
يفضل شراء الملابس الجاهزه ولاتكثرين من الخياط لأنه حظوظ
ولاتكثرين من فساتين السهره الثقيله خلي واحد للصباحيه والثاني احتياط
والباقي فساتين زيارات وتيورات
واللون البرتقالي والفوشي حلو مع الذهب يحلي العروس باالأضافه للفضي اذا كان معاه كريستالات فضيه
والعنابي
والوردي
والكحلي
والسماوي
والاحمر
اذا كان داخل عليها الذهبي
باالنسبه للموديلات لاتروحين لمصمم لأنه بياخذ على الرسم مع ان الرسم عادي ويقدر اي احد يرسمه
عندك اقرب مكان عنده مجلات خذي مجموعه من المجلات المعروفه
((سيدتي- الجميله-كل الاسره-زهره الخليج-اسرتي-لها))
تلاقين فيها عروض أزياء تناسبك وقمه في الأناقه والذوق وبعد جديده وتوفر عليك اختيار لون
ونوع القماش احلى من مجلات الأزياء الخاصه لمسات وغيرها نقي لك منها مديل فستانين واحد
للصباحيه وواحد احتياط وخيطيهم عند اي مشغل تثقين فيه
اما ملابس الزيارات راح تلاقين في السوق تيورات كشخه ومناسبه لمقاسك
وجاهزه من غير ماتعذبين نفسك في المشغل ومشاكله
وبعد راح تحتاجين جلابيات للأستقبال أو اذا كنتي ساكنه مع اهل زوجك
باالأضافه للتنانيرالجينز والأسود اللي تناسب كل تي شيرت ولاتنسين مديل
اللف منها كلها أنوثه ممكن تفصلين لك كم وحده تلبسينها لما تطلعين مع
زوجج نزهه أو مطعم وبناطلين حلوه لشهر العسل وبرمودات اشكال روعه ورهيبه.
((الذهب))
لاتكثرين لأنه راح يجيك هدايا سواء من اهلك أو من اهل زوجك او رفيجاتج
اخذي لك طقمين أبيض واصفر واذا كنتي ماتحبين الذهب الأصفر
لاتكثرين منه لأن حلاته يوم الصباحيه اذا جيتي بتسلمين على اهله وبس
فاحلى شي يكون ذهب أبيض والماس ساعه حلو واساور مع الساعه وطقم ناعم خواتم
((العبايات))
فصلي لج عبايتين على الراس وحده تكون خاصه للطلعه لاي مكان
ووحده تكون خاصه للمناسبات وتكون فيها شغلات حلوه والمسيار
ووحده على الكتف مع الملفع والبسي في البدايه عبايه الكتف.
((الشناط))
الموضه في الشنط المشكوكه
راح تلاقين أشكال حلووه وروعه وخذي لك ثنتين عمليات
لما تطلعين مع زوجج....
وهذه ماركات شنط حلوه
*!*فندي و جوتشي و كريستيان ديور و لويس فيتون و جيفنشي و
الكارتير و الشانيل بولغري تورنتو *!*
((اغراض الحمام))
-طقم روب
-عدد من الفوط
-شامبوهاتك وصوابينك المفضله
-كريم حمام زيت<< ضروري بتدعين لي
-شفرات حلاقه واختاري نوعيه جيده وماتسبب لك حساسيه وتخلصي من الشفره فور الأستعمال..
-رغوه حلاقه فيه رغوه حلاقه باالتوت لونها موف تلاقينها في السوبر ماركت تقريبا
ويجي معها شفره كهديه لكن الرغوه روعه وريحتها تجن
-كريم صنفره.
-أسكينول منظف للبشره.
-فرشاه +معجون.
-مطهر غسول للفم هذا تستخدمينه بعد ماتفرشين جدا منعش وريحته منعشه.
-حبيبات بنكهات معطره للفم موجوده باالصيدليات.
-رغوه للجسم:أحلى الرغوات:
((صانسليك- B5 وتجي معاه ليفه ناعمه جدا-)).
وبعدممكن تستعملين رغوه نونو الخاصه باالأطفال تخلي جسمك ناعم جدا.
-حلاوه لأزاله شعر الجسم واحلى حلاوه مجربه هي :شهرزاد لونها موف وغطاها أبيض.
-غسول للمنطقه الحساسه صابون سائل في الصيدليات بثلاث نكهات يعتبر غسول للمنطقه
جدا ممتاز وصناعه فلبينيه فيه بالتفاح والفراوله والنعناع.
-مقصات ومبارد الأظافر.
-شموع +ولاعه.
-فواحه بحجم الكف.
-واختاري انواع متعدده من الزيوت العطريه اللي تستعمل مع الفواحه اختاري اللي يناسب
ذوقج راح تعطي الحمام ريحه حلوه.
ولاتخلينها فتره طويله مولعه علشان مايسير الحمام مخنوق ربع ساعه تكفي.
-علبه ديتول.
-اعواد قطنيه.
-فوط صحيه.
-فازلين
7
7
7
((علاجات))
-بندول.
نصيحه
بعض العرائس ياخذون معهم حبوب منع الحمل مع التجهيز وهذا غلط خليها على الله
وبعد انجاب أول طفل فكري فيها أنج ماتعرفين طبيعتج هل أنتي قادره على الأنجاب أو لا..
أو راح تحملين بسرعه أو لا..وفيه ناس تعودت ارحامهم على حبوب المانع لأنهم اخذوها
من البدايه وصارو يعالجون منها....
وكل وحده تختلف عن الثانيه فيه ناس ماحملت الا بعد سنتين أو سنه
وفيه ناس من أول شهر ونادرا ماتسير..ونصيحه لاتفكرين ابدا بحبوب منع الحمل
لأنها تخرب البشره والنفسيه وكلها تنعكس عليج.....
((الجزم))
-شباشب أنيقه للبيت.
-صندل مع فساتينج مشكوكه وناعمه.
-شباشب مشغوله.
-صندلين للطلعه مع زوجك يعني عمليه.
-وشباشب للحمام.
((العطور))
هذه بعض العطورالرائعه
العربيه
مسك لزج يجن عند ((عبد الصمد القرشي))
عطورات أجمل كلها حلوه
خاصه عند اجمل عطر(أحبك)العود يهبل
*العطورات الفرنسيه...
*ريميمبر مي*
*آديكت من كرستيان ديور*
*الترا فيوليت*
*هابي هارت من كلينك*
*مادنس madness من شوبارد*
*فان كليف*
*تندر بويزن من كريستيان ديور*
*لاكوست*
*No5من شانيل*
*إليزابث أردن*
*عطر الشيخ*
*قوتشي*
*فيرساتشي*
*إيتيرنتي لوفي*
*مونتيل*
*لانفان*
*باكو رباني*
*212*
*بلجر*
is
*نوا*
*كوكو شانيل*
*ألور*
*لوليتا*
نصيحه...
لما تاخذين عطر اخذي معه الكوليكشن كامل لان راح يكون
السعر فرق بسيط منتي خسرانه بالعكس راح تستخدمينه بعدين وتحتاجينه.
وهذه عطورات تنفع للنهار
-عطر دريم
-أنانيا فيه عند بودي شوب
-المسك من بودي شوب
-أوشنس من بودي شوب
-مون فلورمن بودي شوب
((المفارش))
-اختاري أثنين فقط
-واحد أبيض وواحد مشجر
واخذي معها قماش شيفون تقريبا مترين بنفس لون المفرش وارميه
على طرف السرير.أو علقيه على تاج السرير يعطي منظر حلو للمفرش
وممكن تضيفين عدد من المخدات المربعه للمفرش يوجد مخدات مفرده باالوان
متعدده تعطي منظر جذاب للسرير وتزيد من فخامه المفرش
((ماكياج))
-ماكياج الصباح
اختاري كريم اساس خفيف تلقينه عند ماكس فاكتور وبودي شوب
اما الأرواج والجلوسات اللي تناسب النهار تلاقينها عند((بودي شوب))
-مكياج الليل
ماكياج الليل لازم يكون اكثف من النهار
باالنسبه للأساس احلى شي
ماك..جفنشي....كريستيان ديور ويجي ضغاط يعني نفس البخاخ ..
كانيبو...فور ايفر
((وابتعدو عن *نينارتشي* يطلع قشور ويخلي وجهك كأنه مصبوغ))
الأساس الستيك عملي جدا وخليه في شنطتك للطواري بس تمررين الأصبع بشكل سريع
عند اللزوم..وخصوصا شهر العسل راح تحتاجينه في السفر
كونسيلر فور ايفر تجيك علبه وفيها خمس الوان أخضر لأخفاء حبوب الشباب وان شاء الله
ماتحتاجينه اذا سويتي تقشير..وفيه البني والبيج ثلاث درجات لتغطيه الهالات حول العيون
..كريولان واختاري الأصفر والبني والبيج البيج اذا كان فيك حبه ظهرت فجاه ولونها احمر
فاقع لا سمح الله والأصفرعلى جسر الأنف والبني على جوانب الأنف.
-كريم اضاءه
ريفلون..ماك..كريولان
-بودره اضاءه ماك..((بودي شوب))
-بودره بلمعه مافيه نفس ريفلون خذي كل الثنتين البيضاء والبرونزيه
-الكحل كريولان لانكوم وكحل القلم الجاف من جفنشي خطير
-الشدو كريولان ..فور ايفر ..ماك..وشارمل متوفر للاستخدام بماي وبدون ماي
ووخذي علبه كبيره فيها جمميع الالوان.
-البلاشر اخذي ماركه.
-مثبت الماكياج بخاخ من ((جفنشي.أو فور ايفر))
-المناكير خذي هذه الالوان ((اخذي الالوان اللي تناسب ايدج وتطلع لون ايدج
واهم شي لا تنسين اللونين هذولا((ابيض+شفاف))لانهم يناسبون لجميع المناسبات اقصد الصبغه الفرنسيه.
-الماسكارا هيلينا روبنشتاين ..بروجو..نيفيا..(IsaDora )<<بصراحه هذي الماركه انا اعرفها
واستخدمها للامانه ونصيحه اختاري الفرشه اللي تناسب رمشج لانها تطلع عينج صح ..
-الأرواج
نيفيا
شانيل
جفنشي
شسيدو
لانكوم
كريستيان ديور
فلور
-مزيل ماكياج
-ميلك للبشره
-كريم مرطب للبشره
-غسول للبشره كلين آند كلير
-شنطة مكياج عشان تحفظين اغراضك فيها من الضياع وعشان يكون حملها سهل
((اكسسوارات))
اختاري اللون الفضي والملون مع ملابس البيت
نظاره شمسيه
بعض اكسسورات الشعر للتغيير
عدسات ملونه لاتكثرين لبسها في البدايه علشان مايتعود على شكلج فيها
ويفضل لبس العدسات بين فتره وفتره للتغيير فقط...
واذا كنتي تبين تلبسين عدسات مو مشكله البسي بس شفاف تعطي لمعه لعينج
في البدايه ومنظر روعه.
توكات"بنس للشعر"
كثري منها لانها راح تعطي لشكل شعرج وشكلج منظر يهبل واخذي على اشكال
ورد وغيرها واخذي مقاسات صغيره وكبيره وحلوه لاكانت تلمع واخذي الوان
البرمودات والبجايم والقمصان اللي خذيتيهم.
و موتجيبين ميكي ماوس وارانب خلاص كبرتي*_^
اخذي فيها كريستال كثير بحيث انج لا لبستيها تبرقين من بعيد
((الأجهزه))
-استشوار عدد لا تقولين شعري ناعم ما يحتاج لا لابد تحتاجينه لتجفيف
الشعر بعدالاستحمام.
-فير لتلفيف الشعر
فيه فير على غاز يجن تحطينه بشنطتك اليدويه وتكوين فيه الخصل اللي
قدام اذا كنتي من النوع اللي يحب يحط خصل مستقيمه على الوجه.
-يستحب ويفضل أن تشترين الجهاز اللي هو الأستشوار البخار حق حمام
الزيت راح يفيدك كثير
اول الزواج خصوصا ان زوجج راح ياخذ اجازه وبيقابلج 24 ساعه
وماتقدرين تحطين زيت لمده 4 ساعات اما استشوار البخار حطي الزيت
واجلسي نصف ساعه تحته
واستحمي..
-مبخره
((متفرقات))
-كتاب الطبخ
-كتاب طبخ من كتاباتك المختاره
-خيوط+ابر+مقص
-أكياس معطره للملابس
-مصاصات العصير<<حتى مايخرب الروج
زيت السمسم <<<ياما من الشعر الجاف اللي بتشوفينه على الأقل
رطبيه لو 10 دقائق بزيت السمسم
-علب لحفظ اغراضك داخل الأدراج
-صندوق مجوهرات
-صناديق تلاقيها تقدرين تلبسينها على لون الغرفه باللي تبين
وتحطين عليها شغلات ويصير شكل الصندوق يهبل
وتقدرين تحطينه باي مكان بحيث يكون داخله ملابسج الداخليه لان
صعب ترتيبها وقمصاان النوم..
-كاميرا علشان تصورين لنا رحلتكم في شهر العسل
-لبان فيه لبان ايراني ممتاز عند محلات البخور داخله عسل وفيه
نكهات متنوعه
ملاحظه العلكه تشوه منظر العروس لا تعلكين قدامه الا بذرابه
-سجاد وشراشف للصلاه
*شنو راح تجيبين لأهلك وأهل زوجك من شهر العسل
احسن شي جيبي لهم من الجلابيات لكل وحده
وفيه جلابيات معها ملافع حلوه *
*وانت بشهر العسل لا تفكرين باهلج والهدايا فكري بزوجج اول شي وبعدين
لج وله وبعدين اخر شي الهدايا وفكري اول شي تشترين هديه ولمنو
له هو زوجج*
((نصائح))
-اهتمي بتثقيف نفسك عن امور الزواج
تجنبي كثره الثرثره عن اهلك لحد ماتعرفين شخصيته ويبيلج سنتين
علشان تعرفين
احذري من كثره الحديث عن تفاصيل حياتج قبل الزواج.
تعودي على تدليعه ببعض الكلمات علشان ماتستحين بعدين
عوديه على نفسك يعني اذا كنتي في منطقه اهلك لاتكثرين من الذهاب لهم
اول الزواج علشان يتعود عليك ويسير مايستغني عنج
لاتكثرين من المسجات له تسيرين لزقه وبيطفر
اذا بغيتي أي شي من السوق لاتستحين ترى الحيا ماراح ينفعج
وبيتعود الرجال على قله الشراء وبعدين اذا طلبتي شي راح يتكاسل ولايهتم
بأغراضج لأنه ماتعود من البدايه يشتريها
وطبعا مو كلهم كذا لكن اضمن لج لانج من البدايه تبتدين ماتستحين من الطلب
وخلج ذكيه اذا لمحتي حاجه تناسبه في السوق قولي خذ هذا احس انه مناسب
عليك حيل يعني خلج بين طلباتج ومستلزماته وراح يتعود على المصاريف
الله يعينه ويوفقه لاتجيبين سيره الأنترنت له وانك كنتي تقضين اغلب وقتج
عندالجهاز لأنه بيتضايق..****!!!
*نصيحه*
لو تطبعين هالصفحه وتاخذينها معاج بالتجهيز يكون افضل وبتكونين
مرتاحه عشانج
ما راح تنسين شي وحددي اللي خذيتيه واللي لا*

يسلمو الف شكر

ام سارونة
الف شكر عسى ربي يرزقك ويوفقك في حياتك ويبعد عنك النار يارب