اقرب واسرع ركن بالبيت ممكن يتصور اشتراك بالمسابقه

السلام عليكم ورحمة الله وبركاته
طبعا الصوره عباره عن لوحه وسبب اختياري لها انها من صنع ايديني حتى البويه المستخدمه للإطار الاخضر والقاعده الحمراء والخلفيه الصفراء كلها عملتها بالبيت ماعدا تقطيع الواح الخشب استعنت بنجار اكيد
هذي عملتها ايام العزوبيه في مسابقه تابعة للجامعه والحمد لله حصلت على المركز الاول طبعا المشاركة كانت بأكثر من عمل 5 تحديدا والتقييم تم على الخمس اعمال جميعها تم بيعها ماعدا هذه اللوحه ووحده ثانيه احتفظت فيهم لنفسي ومن حسن حظي لما جاء وقت تجهيز بيت الزوجيه صادف ان فرش البيت مطابق لألوان اللوحه تماما بالفعل شي غريب وحمدت الله ان احتفاظي وتعبي فيها ماراح هدر
طبعا هي موجوده في استراحة الدرج (( السلم)) وهي المساحه اللي تكون بين نهاية سلم وبداية اللي بعده
كنت اتمنى انه مسموح بوضع اكثر من صوره علشان احط لكم الموقع الفعلي لها وصور مقربه للشغل الموجود عليها بدقه
لكن نحترم شروط المسابقه واكتفي بهذي الصوره
اتمنى تعجبكم وذوقي يعجبكم او بالاصح مخيلتي في صنعها تعجبكم
الله الله بالردود السنعه