اكتشفت حقيقة خطيبي

السلام عليكم و رمضان كريم يا فراشات
أنا في مشكلة و حيرة ما يعلم بيها غير الله و مالي بعدو غيركم تساعدوني و تنصحوني شو أعمل و أملي فيكم كبير
أنا عمري 24 سنة و مخطوبة من سنة و نص و باقي على زواجي حوالي 3 شهور
خطيبي انسان مثقف و ابن عائلة محترمة و بيحبني و موظف, بس من يوم الخطوبة شفت أنو بخيل و هداياه كتير بسيطة و قليلة جدا في فترة سنة و نص, و حتى الخطوبة ماكانت في المستوى, و موضوع بخلو سبب مشاكل بينا
بس من يومين صارحني براتبو الحقيقي اللي ماكان بدو يقولي عن قيمتو, و اتفاجأت انو أقل بكتير من اللي كنت متوقعاه, هو يشتغل في وظيفتين و مجموعهم ما يكفي , ما صدقت في البداية بس رحت و اتأكدت من الموضوع
لما عرفت بالموضوع عذرتو لأنو ماكان بيجيب هدايا و أشياء ثمينة , بس من جهة ثانية أنا مصدومة و معصبة منو لأنو ماصارحني من البداية و كان يقول أنو قادر يعيشني في أحسن مستوى و حتى لما إجو أهلو يخطبوني قالو أنو مرتاح ماديا
أنا بحبو و هو كمان بس ما بعرف اذا كنت بقدر أعيش في المستوى اللي رح يعيشني فيه , احنا رح نعيش عادي و مستورين بس أنا اتعودت على أشياء في بيت أهلي أكيد رح انحرم منها معو, بس والله بحبو و هو اتحملني كتير و ما رفضلي أي طلب إلا الطلبات المادية اللي كان مقصر فيها , بس تركني أكمل دراستي و ما اعترض على شغلي و أنو راتبي إلي وحدي, و قلتلو بدي أعيش مستقلة عن عايلتو و وافق بس رح نعيش في بيت إيجار, و دايما يعاملني باحترام و ما عمرو قال كلمة مو محترمة لي
بس هو موضوع مستواه المادي اللي ماصارحني فيه و كان دايما يقول أنو قادر يعيشني في مستوى رفيع
كيف أتصرف والله أنا بحاجة لنصيحة و توجيه , أتمنى مساعدة لأنو ما إلي حدا أحكيلو
شكرا حبيباتي و تقبل الله صيامكم