اكره ابوي واتمنى له الموت

ايه اكرهه ياناس انا مطلقه وعندي بنت لكن المشكله اني ماني قادره اربي بنتي زي مابي او الجدول اللي اسعى له يتنفذ يدخل ابوي بتربيتي لها حتى الطفله كبرت وبدت توعي وتحس ان مالي كلمه عليها وربي حتى النوم اذا جاء وقتها ياخذها مني اكلها شربها وربي كل شي لبسها وش اذكر بس وياما عانيت في تعليم الحمام جلست سنتين اعلم وكل باسبابه
ياناس بالطقاق خله يوقف معاها زي مايبي ويدلعها على كيفها ويعصيها علي كفوه البنت وتنجاز هي وياها السؤال هينا ليش حارمني من الزواج حسبي الله عليه حسبي الله عليه الله بيني وبينه يقول اقعدي ربي البنت راوحوا علي احسن الرجال والعمر يمشي والمشكله مافيه اي نتيجه
وين اربيها وربي ولا شي كنت احلم فيه في عيالي صار بالعكس الاشياء اللي كنت احتقرها في العيال المهملين صارت في بنتي لسانها وصخ ماتقدر وحتى شكلها وصخ ومبهذل باسباب جدها وهي طفله ماتفهم مصلحتها ماتبي حتى اغسل وجها يقول خليها بكيفها
خواتي انا قاعد عمري يروح وبنتي الوحيده عاصيتني وربي ماتطيعني في شي وعلى كذا لاتتزوجين اقعدي قابليها
بالله هاذا اي نوع من الظلم وما خفي كان اعظم بس ماودي اتكلم بالتفاصيل
بس ابي مشورتكم هالبنت وشلون اقدر اتعامل معاها مايبردني فيها الا الطق من كثر ماتعاندني وتعصاني وساعات احس بكره لها حسبي الله على من كان السبب