اكمل بقيه قصتي هالمره مع اشعه الصبغه والممرخه

1. السلام عليكم ورحمه الله وبركاته

السلام عليكم ورحمه الله وبركاته

ماادري شنو اقولكم والله عن جديدي اصدمكم والا اسكت والله لحظتها درات الدنيا بوجهي بس اعرف عندي رب كريم الشهر الي فات نويت اسوي اشعه صبغه وسافرت لاهلي بالرياض المهم بعد حوسه ووسطات سويت موعد المهم رفض الدكتور اسويها الا لما يشوفني ورحت له موعد اول وقالي وش رايك نختصر لك المسافه والتعب ونسوي لك عمليه منظار احسن يوضح كل شي ورفضت بشده اسوي عمليه وطلبت اشعه صبغه والحمدلله خذيت موعد وسويتها وحصل الي ماكنت متوقعه حسيت بتعب والم بديت الاشعه لما ركبو الاجهزه والله بكيت وصحت وتذكرت الي تولد ودعيت لك وحده الله يكتب اجرها على الالام الي تحس فيها وبعدها بدؤ يدخلو الصبغه سبحان الله ماحسيت بشي وبعدها رديت للبيت صدق حسيت بالم بس مو زي الالم النفسي الي حسيت فيه والالم الي حسيته اسفل بطني وللحين ماادري شنو النتيجه زين وبحان الله قبله بكم يوم كلمت حرمه كنت تبي امي وسالتني كم لي متزوجه وقولت قربت ادخل السنه الرابعه وسالتني عندي عيال قولت لا قالت ليش وحكيت لها عن حملي مرتين خارج الرحم وعلمتني قصه شاب لها راسي وربي قالت ارعرف حرمه حملت خارج الرحم مرتين وراحت لشيخ وانا معها وطلع فيها سحر وتكلم جني برحمها ساد الرحم حتى الحمل مايدخل داخل الرحم وكانت تصارخ اهي وزوجها والشيخ يقرأ والجني الي برحمها يقول بنات عمه الي سحروها لانهم يبون الولد وبعد فتره من القراءه والمدوامه على الشيخ كانت تجيه من الحفر للرياض عشانه وسبحان الله عقبه بفتره حملت وفرحت والله بس قالت شرط يقرأ عليك انتي وزوجك مع بعض قولت ذا بلا ابوك ياعقاب زوجي مايحب الرياض ولا يحب يطول فيها يعني مستحيل هالشي المهم رحت اخذت نتيجه الاشعه وربي عجزت امسك نفسي بكيت ذاك اليوم من قلب بس حاولت اخفي عن اهلي ولا كان شي صار سبحان الله من سوء حظي كان اخوي جايب عشى من برا اليوم الي قبل الموعد وشكل جاني تسمم غذائي وبس من قمت الصبح الله يكركمك الم شديد بمعدتي واستفراغ واسهال من الفجر شفت الموت وكابرت على نفسي مع اني اون من قوه الالم ورحت للموعد وعندي امل اني مافيه شي ولما دخلت للطيب قالي شوفي دخل الصبغه للرحم بس من راس الرحم عند النبوب مو راضي ماادري وش السبب هل من حملك خارج الرحم مرتيب او من الكيماوي الي اعطيناك او من التهاب صار او من ايش ماندري بس بعطيك موعد عمليه منظار نشوف لو نقدر نفك السدد او مالك امل الا اطفال انابيب حاولت اكابر ماابكي عجزت امسك نفسي قولت يادكتور زوجي رفض اطفال انابيب قال مالك امل الا كذا وذا الافضل الحين لانك باقي صغيره وعملرك بالعشرين ونسية النجاح عاليه وخذي موعد الحين لان مارح يحصل كل شي الا بعد 12 شهر لازم مراجعات وحوسه والين يجي دوركم هنا كمان اسندت الدنيا بوجهي وصبرت وطلعت من عنده واني مكتومه وساكته امي حاولت تخفف علي وتسولف معي وتنكت وتقول مو انتي اول وحده ولا احد يدري وربي ولا ارد بالاخير انفجرت ابكي والله حزنت على امي بالخير سكتت خافت علي وطول مااحنا بالبيت بس تدخل علي بالغرفه تقول كيفك الحين لانها عارفه اني تعبانه من العشى وتقول خلي نوديك للمستشفى لايكون عندك تسمم وانا اقول لا كانت حالتي حاله والله حتى زوجي يدق ولا ارد عليه تعب نفسي وجسدي الله العالم بحالي ذاك اليوم وطلب مني الكتور تحليل للسائل المنوي لزوجي بصراحه استغربت ليش وقال ضروري تجيبه معاك ...؟؟بصراحه ماادري هل استمر معاهم والا اطنش واروح لشيخ يقرأ علي ...؟؟
لعلمكم جبت حرمه تمرخني قالت لي عندي مويه والرحم شوي نازل اتوقع من الاشعه نازل لانه جبتها بعد الاشعه بيومين المهم مرختني وسوت لي برنيه ماادري وش اسمها الثاني اسمعها عند اهل مكه برنيه الي تحط على بطنك شاش ملفوف بوسطه اعشاب وحلبه ومتقع بزيت وتولعه بنار وبعدها تحط عليك علبه زجاج وتكتمه وتبرمه ببطنه تحسي انها تسحب الرحم واعطتني تحاميل وكمان تحميله شرجيه بصراحه حسيت بطني خف لانه كان قبل منفوخ كاني حامل والحين الحمدلله خف حتى كان يطلع مني هواء كثير وانا استخدمها والله يجعل منها سبب لي بالحمل لاني اعرف وحده تزوجت قبل بسنه ونص وماحملت ابد ولا خلت مستشفى بالرياض وبجده والطايف الا راحت له وعقبه راحت للحرمه ذي وسبحان الله حملت بسببها والحين ذي ايامها الله يسهل عليها وبعد وحده لها 16 سنه ماحملت وحملت على يدها بعد الله ووحده لها 9 سنوات وحملت هالايام الله يتتم لها وكانت هالحرمه بعد الله سبب بحملها وبصراحه قالت لي الممرخه مستخحيل يكون سدد باالانابيب وعندك التبويض ممتاز كيف تجي ذي !!!!
بصراحه والله محتاره افكر اقرأ البقره واكثر الاستغفار والصدقه واشوف لي شيخ يقرأ وكمان استمر على علاجات وتحاميل الحرمه واترك المستشفيات فتره واشوف وش الله يكتب واحيانا افكر اسوي هالشي واستمر على المستشفى بس المشكله الشهر الجاي موعد دخولي المستشفى للعمليه شنو نصيحتكم لي وربي محتاره ونفسيتي زفت وربي .....