الأسبوع كان غير

كح كح السلام عليكم
والله ياني ماخذة برد كحة ومعاطس من يومين الله يستر بس
اللي خايفة يجيها شي تضف فيسها من هنا واللي تبي تجلس تجيب حلا معها وتلبس ماسك واقهويها
ياهلا والله ياهلا باللي جلسن بزاويه المجلس قربن قربن يابعد حيي وشبكن ياملا العافيه قربن وش خايفات منه
فايروساتي من النوع اللطيف زيي ماتخوف ركيكه== ===(رقيقة) ونعومة ماتأذي...
والله يااني من اسبوع وانا كل يوم ورا يوم وانا على طرف زواج اه يالرسميات والمجاملات ذبحتن
لازم لازم احضرهن شي من طرف اهلي وشي من طرف اهل زوجي
اخ يارقيبيتي تكسرت من الرقص
اه ياعويناتي تأذن من المكياج
اه يابشرتي الركيكه حبحبت من الكريمات
خلاص خلاص الزواج الجاي مااعودها... صاحبات المشاغل ذولي .... امكيج نفسي ابرك
اقولكم سالفه عنهم
قاعده الفلبينو تمكيجني
حسيت ان مالها نفس
انا اعرف اسمها
واقعد ارفع وازجر فيها
يوه انتي ايدك خفيفه ماشاءالله شغل انتي نظيف واقط عليها من هالكلام العنقليزي
بما اني اعرف اتكلم انقلش>>>احلفي مبروك
وهي تجيب حيلها الأخت وتمط الكحل يمين وتمط يسار وتحط من هالألوان
وبنفسي قلت والله شكلها انفعلت ووصل راسها السقف
وخفت الصراحة تطلعني مهرج
قلت هيه ياعمتي الله يسلمك مو مره عاد
اول زواج جيته وانا متحمسه
طبعا لأنه اول زواج احضره من بعد القحط اللي عشناه قبل الأجازة
مشتاقه احضر زواج واشري فستان واتزين واتكشخ
والشوق الأكثر اشوف الجمعة والزحمه...
ابي اتشفى=ذابحني الفضول
ابي اشوف الفساتين والمكياج والرقص
مين احلى وحده
تصدقون اني رحت وسافرت للرياض علشان اجيب فساتيني كل هذا خوف ان وحده تصير مثلي
اتعقد انقهر تجيني سكته قلبيه وانا بمكاني لو وحده تصير بأي زواج زي فستاني
المهم حضرت الزواج الأول ومحسوبتكم ماعمرها رقصت
اقصد
كنت ارقص وانا صعنونه ومن بعد مادخلت الجامعة اعتزلت الرقص>>>اوخص يافيفي عبدو
المهم كنت اول من اعتزالي لمهنة الرقص اذا جاني احد يطلبني ارقص اقولهم مااعرف ,من زمان عن الرقص,لاتحرجوني
بس جاء هالزواج واصرت ام زوجي ارقص
واصرت
واصرت اكثر
وكل ماارفض يزيد اصرارها
مدري شفيها علي ذيك الليله
تقل حالفه الا ارقص
جتني صديقتي=توها متزوجه
قالتلي ياخبله ارقصي لاتزعل عليك
وانا برقص معك
طلبنا اغنيه خاصه من الطقاقات وبدت تغني الطقاقة
جيت بطلع المنصه=بتاعت الرقص مدري وش يقالها
المهم برقص مدري وش اسوي
صديقتي بدت ترقص وانا لسه مدري أي رجل احط او أي رجل احركها
ياليل
وش اعمل وش اسوي
لعنبو ابو ابو الأحراج
وش الدبره الحين
مااقدر ارجع
الناس شافوني واقفه يعني برقص
اناظر يمنه واناظر يسره واناظر وراي واللي العيون تناظر فيني >>>مايبيلها عرفو اني برقص
الموهيم قلت تجي زي ماتجي
انط نط شوي واقامز وتخلص السالفه
انا ارقص عادي لحالي بس رقص شرقي دبكات مع نفسي وزوجي
بس قدام الناس وخليجي يوه مااعرف
المهم بديت ارقص وانا ماادري شلون ارقص
وعليهم يالبنفسجي=اللي هي انا
عليهم عليهم ايوه العب العب
وبديت احس ان الطقاقات حمسوني
وجازتلي=اعجبتي
السالفه اللي هي الرقص حسيت انا شي
تهزين وتدلعين قدام اللي معجبك واللي مهو معجبك
حسيت ان رقصي كان حلو >>>بالحيل
واخذ يمين واخذ يسار >>بغت تعمي اللي حولها
وخلصنا رقص
وتقل اني ماكان ودي انزل من المنصه تقل كان ودي بأغنيه ثانيه
مسكت يدي صديقتي ونزلنا
قالت شفيك
قلت هاه جازتلي السالفه اعجبتن ودي ارجع ارقص
قالت هيه انتي اثقلي امشي امشي
صراحه تغير جوي ذيك اليه
وبسبب ام زوجي وصديقتي صرت ارقص بالزواجات اللي بعد الأول
ادري النالس تقول ارحمينا انزلي نبي غيرك يرقص بس انا ماهمني دام الزواج يقربلي ارقص وبكيفي كركركركركر
ومنها اقهر بعض ناس
ماني قايله مين
كركركركركر
وهذي قصة عودتي للرقص =المنافص على المنصه في الزواجات
يعني اللي منكم حضرت زواج وشافت وحده مو راضيه تنزل ويجرونها علشان تنزل وبعد مو راضيه وتبي ترقص
تروها انا