الأشياء الضرورية للعروس لازم ماتنساها وخاصة في شهر العسل

السلام عليكم ورحمة الله وبركاتة،،
مرحبا عرايس،،
هذا موضوع خاص فيكم نتساعد أنا وأنتوا في كتابة الضروريات الي لازم العروس ماتنسى تشتريها مع جهازها ولو كانت صغيرة لكنها مهمة جداً وممكن مع زحمة التجهيزات والضغط النفسي تنسى تحطها بشنطتها
يالله نبدأ،،
ونبدأ بالمهم،،، والمهم جداً
أول شي المصحف+سجادة وشرشف الصلاة+كتيب أذكار!!!!!
شنطة صغيرة خاصة بالأدوية أو الإسعافات الأولية
تحطي فيها
بنادول للصداع وللبرد..
لزقات جروح
مطهر جروح أو مسحات طبية
قطن طبي .
شنطة خاصة بمستلزمات نظافة الفم والأسنان وهذي مهمة
أعواد تنظيف الأسنان (لتنظيفها من بقايا الطعام)
معجون
فرشاة.
غسول مضمضة للفم برائحة النعناع
سكراب لتنظيف اللسان من البكتيريا.
حلاوة معطرة لرائحة الفم.
شنطة خاصة بالنظافة الداخلية
مزيل عرق
غسول للمنطقة الحميمة.
فوط صحية للدورة
وفوط صحية لإستعمال اليومي.
ألة لنزع الشعر للضرورة ممكن يطلع الشعر والعروس بشهر العسل وتتوهق
شامبو+بلسم
رغوة إستحمام+ليفة.
رغوة منظفة للوجة.
لوشن للجسم.
((فية شيء مهم لازم ماتخلو شنطة العروس منه خصوصا بشهر العسل)
معطر جليد الخاص بلحمام (منعا لإحراج بعد إستخدام الحمام )
أدوات التجميل،،
بودرة للوجة 2في 1تكون فاونديشن مضغوط.
بلاشر
كحل
مسكرا
قلوس
فرش للمكياج
عطر
كريم مرطب للوجة وكريم للجفون
مزيل مكياج العيون والوجة والأفضل تشترون مناديل جونسون او نيفيا مريحة للسفر وماتسوي زحمة ..
على فكرة تلاقون هذي الأدوات أغلبها بحجم خاص للسفر ومتواجدة بالسوبرماركت ومعظم الماركات .....
أغراض الشعر والعناية فيه،،
فرشاة
مشط
بكل للشعر
مجفف شعر
مشابك شعر
جل و كريم وموس وسيروم و سبراي للشعر <----إختياري حسب الرغبة اختاري الي تحتاجينة وتحسينة ضروري
،،،،،
الملابس الضرورية الخاصة،،
قمصان
بجايم
توبات وشورتات
روب حمام
فوطة
ملابس داخلية
شبشب
،،،،،
الملابس الخاصة بالخروج،،
حسب ذوقك وستايلك
ممكن،،
بدل
تيورات
فساتين
لبس محجبات+حجابات أو نقابات
شنطة أو شنطتين لليد بلون محايد بيج او أسود أو بني (علشان تتناسب مع جميع ملابسك)
الأحذية أيضا ألوان محايدة ولا تكثري منها.
،،،،
عدد الملابس أختاري حسب المدة الي راح تجلسونها بالسفر وعلى أساسها حددي عددهم
الموضوع منقول لعيونكم
واذا عندكم اضافات لاتترددون