الا مش متزوجه فينك عن الحل الالماسي تعالي هنا ابرد على قلبك وراح تخرجي من عندي مبسوطه

السلام عليكم ورحمة الله وبركاته
كيفكم حبايبي
هذا الموضوع خاص للبنات الا بيشتكوا الى الان من انهم ما اتزوجوا
يا بنات الله يهدي سركم ويريح بالكم فينكم حبايبي عن الموضوع الى نزلناه انا وفداء قبل رمضان
وانا نزلت موضوع ثاني في رمضان
والله حبايبي ماينفع تسكتوا على نفسكم كذا
المفروض تجاهدي الين تعرفي السبب الى منعك من الزواج ايش هوا
ولا تجي تقولي عشان انا مش جميله
لا حبيبتي كلام مايقنع
يامكثر الغير حلوات ومتزوجات من ملاك جمال
راجعي نفسك الف مليون تريليون مره
ليش ساكته
ليش ساكته
ليش متحطمه
ليش يائسه
ليش مستحيه من الناس
شوفي فين الخلل
1- شوفي علاقتك مع الله هل فيها خلل (معصيه معينه تسويها ومصره عليها ولا انتي منتبهه لها
مثل تاخير الصلاة
عدم الخشوع ..........الخ
2- علاقتك بوالدينك
3- علاقتك مع نفسك هل ومقدار الثقه في قلبك لله واهتمامك بنفسيتك ودينك و.........و........
المعاصي القلبيه
والجوارح
ومعاصي السر الا تكوني فيها لوحدك وتسويها
بنات ارجوكم راجعوا نفسكم كويس
يابنات اصل الخلقه انتي وزوجك مع بعض
وربي صادق وهذي الحقيقه
بس كل شي له سبب
اكثري الاستغفار
ادمني عليه
حطي في بالك معادله
شايفه الهوا الا تتنفسيه طول يومك وانتي عايشه
اتذكري ان الهوا حياتك والاستغفار مثله بالضبط وحطي في بالك الاستغفار والهواء= حياتي
وحطي في بالك القلق والحزن والاكتئاب كله بسبب الاهمال في الاستغفار مثل لما تجيكي ضيقه في التنفس بسبب ربوا او غبره او برد وتحتاجي اكسجين عشان ترجعي لتنفسك الطبيعي طيب شفتي الهوا كيف
كمان الاستغفار كذا يودي الفقر والقلق والامراض و..... عشان ترجعي لاصل الخلقه انك سليمه ومعاكي زوجك!!! هذي الحقيقه
التسبيح
هوا كمان مثل الهوا حتى ربنا امر الرسول صلى الله عليه وسلم بيه مره كثير في القران
انا قرات هنا قصتين
عن شخصين كانوا يكرروا اسماء الله الحسنى واحد في يوم وواحد في يومين بس وكل واحد ربي فرج كربه
تخيلوا
واحد بس عشان كرر اسماء الله الحسنى في يوم واحد
والثاني بس في يومين
وربي اعطى كل واحد سئله
طيب تخيلوا اذا سبحتي باسماء الله الحسنى ؟؟؟؟؟؟؟؟؟؟؟تخيلوا كيف الفرج راح يكون
انا متأكده من انه شي ولا في الخيال باذن الله
قولي سبحانك ياودود وبحمدك
والله في نفس الوقت تشعري براحه رهيبه
سويها الان وشوفي
سبحانك ياودود وبحمدك
سبحانك ياودود وبحمدك
سبحانك ياودود وبحمدك
سبحانك يارحيم وبحمدك
سبحانك يامتعال وبحمدك
سبحانك ياعزيز وبحمدك
وكل اسم سبحي بيه كدا
وكل الاسماء ال99 كرريها كل يوم بهذي الطريقه كل اسم 100 مره
والله راح تشوفي الخير
والله
والله
وتدعيلي
في شرط جدا ا ا مهم قبل تنفيذ الحل 1- الصبر والتحمل 2- الثقه في الله واليقين به وحسن الظن به >>>>>> مهمه***
والحل الالماسي للزواج******
بس طبقي طريقة الاستغفار وطريقة التسبيح
سورة البقره وقراءة القران
الصدقه
الدعاء وادعي بالزوج الا تتمنيه
واتجنبي (معاصي القلب-الجوارح-معاصي السر)
ورددي 1-اللهم اني اعوذ بك من كل مانع يمنعني عن الزواج من مرض روحي او ذنوبي او اي شيئ اخر انت تعلمه وانا لا اعلمه اللهم اكفني ما اهمني من امر الدنيا والاخره
2-اللهم اشفني من المس والعين والحسد والسحر واي مرض روحي انت تعلمه وانا لا اعلمه اذا كان في واذا كان يمنعني عن الزواج وان لم يكن في اللهم فعافني وسلمني منه يارب العالمين
والضمان عند الله تعالى
وتعالوا بشروني بكل خير
بس لاتنسوني من دعواتكم لي وامي وابويا واهلي
نصيحه اخيره
حتى مواضيع الغيبه هنا في المنتدى افضل اتجنبيها
عشان تكوني فعلا اتجنبتي كل معصيه
وابحثي عن المفيد دائما
نصيحه <<<<< كل موضوع مفيد احفظيه في ملف وورد واطبعيه حتى غيرك اذا شافه عندك يستفيد وانتي كمان دايما تشوفيه قدامك وتتذكريه وتطبقيه
&&&& بالنسبه للاخوات الا راح يقولوا موشرط تكون الذنوب سبب تاخر الزواج في ناس يعصوا ومهم ملتزمين ومتزوجين ومبسوطين!!!!
انا معاكي في كدا صح كلامك
بس حتى هذي البنت الا اتزوجت ومبسوطه هيا في ابتلاء من الله وربنا يبتلي كل عبد بحسب الا يناسبه
النعمه فتنه
والحرمان من النعمه فتنه
والاولى تحتاج الشكر
والثانيه تحتاج الصبر
وسبحان الله ربنا قال وتلك الايام نداولها بين الناس
وربما تكون هذي البنت الا اتزوجت بدري في اختبار من الله مثلك هل حتشكر النعمه ولا تستمر في المعاصي
وانتي يالا اتاخرتي عن الزواج هل حتصبري على الابتلاء وتحمدي الله ولا لا
وماتدري ربما هذي المتزوجه بسبب استمرارها على المعاصي وعدم شكرها لله ربي راح يزيل عنها النعمه هذي او يبتليها في زوجها انه يكرها او يتزوج عليها او يكون بينهم بغض وانتي اذا صبرتي ربي راح يفرجها عليكي من اوسع ابوابه
وانتوا كلكم سمعتوا قصص الا اتاخروا عن الزواج كيف حظهم ماشاء الله
والا اتزوجوا بدري بعضهم كيف حياتهم الحمد لله الذي عافانا مما ابتلاهم به وفضلنا على كثير ممن خلق تفضيلا
فا اصبري وادعي واستمري على الطاعه خيرا لك
وراح تشوفي كل خير باذن الله
وحطي في بالك مافي احد مبسوط تماما في هذي الدنيا كل واحد في همه
بس ناس تبين نفسها اسعد شي وتمشي حالها
منقول
لا تنسوني من الدعاء بالزوج الصالح الذي يجمع بين كل الصفات الي تمنيتها و بالرزق الكثير الحلال المبارك