الاجسام المضادة والاجهاض افيدوني

السلام عليكم ورحمة الله
انا متزوجة من 4 سنوات، وحملت 3 مرات واجهضت ، واللحين حامل ومعي نزيف , واحتمال كبير اني اجهض،
الاجهاض الاخير قبل 3 اشهر قالت الطبيبة سببه الاجسام المضادة وعطتني اسبرين اطفال وحمض الفوليك استمر عليها حتى بعد ما احمل
اللحين انا حامل ومن اول ما عرفت اخذت مثبت دوفاستون مرتين باليوم بالاضافة لحمض الفوليك والاسبرين اللي انا مستمرة عليه من الأول
ومرتاحة آخر شي ولا اجهدت نفسي ابدا، اللحين وصل حملي 6 اسابيع واليوم جاني نزيف متوسط دم احمر مائل للسواد ، بدون كتل ،، يعني يكمن ينتهي الحمل خلاص
انا تعبت نفسيا ، ما ادري وش السبب ، الفترات اللي بين الحمل والثاني طويلة يعني سنة وسنتين ، يمكن الاخير بس اللي ما طول جلست 3 شهور وحملت
فوق ما انا يتأخر حملي ، اذا حملت اجهضت ، في نفس الوقت سبحان الله الاسبوع السادس
مع اني سليمة من جميع النواحي ، وعملت جميع الفحوصات الممكنة ، وراجعت معظم الاطباء , ورحت للعلاج الشعبي والتدليك ، بس بدون نتيجة
من عندها نفس الحالة ، او تعرف طبيبة شاطرة في حالات الاجهاض المتكرر
الشي الوحيد اللي يريحني القرآن والذكر بس ، هو اللي يطمن بالي ويحسن نفسيتي
الله يعيني على المرحلة الجاية ، ما ادري الجنين نزل او لا ، والدكتورة قالت الكيس موجود بس صغير
تعالي بعد اسبوعين ، ما اقدر اعملك شي ؟
الله يخليكم ساعدوني ولو بالكلام , ابغى احد يواسيني نفسياً على الأقل
الحمد لله كما ينبغي لجلال وجهك وعظيم سلطانك