البيوت الأمريكية

الله يسعدك ويسهل امرك وفكرة حلوة اهم شي عوازل صوت

عزيزتى انا سألت عنة وعرفت انة يكلف مالايقل عن 270 الف هذا غير انة مايجيب لك قيمة عند البيع ف صرفت نظر مالنا الا نحوش زى اشقائنا المصريين الله المستعان

شكرا لكم بالنسبة للأخت الولوف العطوف حلو اذا كان البيت يكلف 270 الف ريال لأنه البيت المسلح العادي يكلف اقل شي نص مليون وبيكون بيت العمر ان شاء الله فمارح افكر ابيعه ان شاء الله
طيب ايش سلبيات البيوت الأمريكية؟؟؟

عساك عل القوة ,,, ربي يجعله منزل مبارك
فكرتك تجنن بس بقولك شي بما انه بيت العمر ابنيه صح ولا تجازفين فيه اضمن لك الي يمشي بامريكا ما يمشي مع جونا خيتو .. الموهيم نصيحتي ابني بيتك بالطوب والحديد عادي يعني بس من داخل سوي نضامه زي ماتحبين ,, بيتنا من داخل صالات مفتوحه وجلسات على بعض مافيه مجالس مسكره ولا باب غير الرئيسي وفيه مطبخ مفتوح ,,, واللهم لك الحمد روعه وكل من دخل تجنن عليه ,,,

كل مكان له بيئته و اسبابه عشان تبني زي امريكا او زي السعوديه
اول شي
البيوت الامريكيه او الاوربيه ليش من خشب؟
لان عدهم برد و الشتاء اطول من الصيف الخشب يحفظ الحراره و الدفو
اما لو بس صار الصيف اللي هي شهرين او 3 اشهر اتشوفي جهنم في بيوتنا في امريكا
لان الخشب يحفظ الحراره و بما انتو بالسعوديه تقريبا طول العام حر و رطوبه فما انصحك بالخشب رح يصير جهنم و خاصة درجة الحراره بالسعوديه مو مثل امريكا اتخيلي كيف رح يكون بيت نار بركان ثائر
ثاني شي لان اكثر الوقت برد في امريكا الحشرات قليله جدا يعني لازم تتاكدي لو كان بيتك خشب ما رح الحشرات تاكله او يصي في شي
ثالث شي يبغالك عازل صوت لالالالالالالالالالازم
رابع شي عيوب البيوت الامريكيه بنسبه لو سويتها بالسعوديه
انتو اكثر جوكم رملي رح تتعبي و انتي تمسحي اما تغسلي البيت بالماء مستحيل لان يخسف مع الوقت
احنا بامريكا ما نغسل البيوت لان كلها سجات موكيت مفروش يعني نكنس في المكنسه الكهربائيه بس تذكري ما عندا غبار مثلك يعني في فرق كبير
هنا بيوتنا خشب كلها لكن مغلف من برا في الحجر في انواع حلوه
انا افضل لا تسوي خشب سوي من مسلح / بناء سمنت بس الشكل الخارجي و الشكل الداخلي
مووديل امريكي و اذا حبيتي الارض خليها خشب اذا حبيتي
اتمنالك التوفييق

وعليكم السلام ورحمة الله وبركاته
كلام الاخت راما صحيح واضيف عليه
البيوت الامريكيه لانها من خشب الحمامات الله يكرمك مافيها تصريف ماء في الارض مانقدر نغسل الحمام الله يكرمك الا بالمسح
وتشيلي هم اي مويه تتراكم في الارضيه لانها تتضر الخشب ومع الايام تطلع ريحه مو حلوه منه ويأثر على سماكة الخشب
وبما انه بيت العمر خليه للعمر مو تصلحي فيه كل شويه
وصح تحسي وانتي ساكنه في بيوت من خشب انك ساكنه في بيت هايدي كإنك في لعبه ماتحسي انك في بيت ومتطمنه على نفسك فيه
واخيرا استخيري قبل كل شيء وربي يسهلك الخير

انا ما اعرف اللي تقصدينه بس سمعت ان فيه بيون مو خشب خشب لكن مناسبة للسكن وهي بديله للبناء
وسمعت عليها ضمان كم سنة ما اتذكر بالضبط
لكن انا عندي لك رأي :
الاول فيهم لو كنتي ساكنة ايجار :
اذا الضمان عليه 10 سنوات وايجار السكن تقريبا 30 الف ... فبهذي العشر سنوات تكونين جبتي قيمة البيت واكثر
فتوكلي على الله وسويه بعد الاستخارة واستشارة اصحاب الخبرة اللي راح يفيدونك بكونه مناسب او لا
واعتبريه ايجار بس ..
الرأي الثاني :
يعتمد على عدد افراد الاسرة ويبي له صبر وطولة بال
اذا كانت الارض كبيرة ومناسبة بالدور الارضي يكون فيه 3 دورات مياه و3 غرف نوم وغرفة معيشة وغرفة استقبال الضيوف ومجلس رجال ومطبخ يكون ممتاز جدا ابني دور واحد بس
وعلى فكرة كثير يسوونها بالذات اذا اطفالهم قليل
وبعد كم سنة ابدي بناء الدور الثاني براحتك المهم تكوني مرتاحة ببيتك
بصراحة البيت الحلال راحة بال
وهالفكرة برأيي مناسبة وافضل من الاولى بدل ماتروج مبالغ على الايجارات بدون فايدة
عندي مخطط بسيط لبيت مصمم بهذي الطريقة اذا تحبين ارسمه لك انا حاضرة بس راسليني خاص لاني ما ارجع للمواضيع
وبالتوفيق لك حبيبتي والله ييسر امرك

كلام الاخت راما صحيح 100% والاخت بهجه القلب كمان
واضيف لو لاقدر الله جاتك العثه اللي تأكل الخشب اش رح تسوي
ومعروف العثه كثيرة في السعوديه ..
رح تدمر البيت عليك لانها لو جات في مكان ماتروح منه ابدن ابدن
وانصحك سويه صالات مفتوحه على بعض احسن
يعني المطبخ حطي نظام امريكي مفتوح على صاله
او استخدمي الطوب الزجاجي
روعه ويخلي البيت مودرن
والغرف لازم تسوي لها حواجز بالجدار عشان تسوي خصوصيه لكل شخص
وحبه حبه ان شاء الله يطلع بيتك جنان بس الله يعينك لازم صبر