التصاقات

جنه
كان ودي افيدج بس ما احب اقرى وما ارد
الله يرزقج يارب ولا تحاتين اي شي يهب من يشاء
وما عليج من كلام الاطبه حبيبتي
تحياتي

الله لايكتبلك التصاقات
خوفتيني انا مسويه 3 عمليات الله يستر

عزيزتي
الالتصاقات اعتقد كانت اول تترتب على العمليات لأنها لم تكن متطورة زي دحين اما الان اغلب العمليات تكون عن طريق جراحة المناظير واعتقد انتي والاخوات اكيد كانت العمليات عن طريق المنظار البطني او الليزر بالنسبة للتكيسات ربنا ان شاء الله مايجيبها ويرزقنا جميعا الذرية الصالحة حبيت اطمنكم وهذه من معلوماتي المتواضعة ارجوا اني اكون افدتكم

انا عندي كيس على المبيض والطبيبة قالت لي لازم تزيليه بالمنظار وانا ميتة من الخوف انه الالتصاقات تجيني من وراه لانه حتى المنظار ممكن يسوي التصاقات

شنو يعني التصاقات
وشنو ضرارها؟؟؟؟؟؟
مشكورين على الردود
والله يرزقكم الذريه الصالحه

حبيبتي لا تحاتين وتتوترين وايد وتوكلي على الله
انا بعد سويت عمليه منظار تكيس من 4 شهور والحمدلله
بس سالفه الالتصاقات والخوف منها كانت قبل مو الحين
الحين الحمدلله الطب تطور وايد وكل شي عن طريق المنظار
اما سؤالج عن الالتصاقات المقصود فيها وبعيد الشر عنج
التصاقات بالانابيب يعني قنوات فالوب او التصاقات الرحم او الحوض
وباختصار الاعضاء الموجوده بالجسم الطبيعي في منطقه الحوض تكون مو ملتصقه
لكن مع كثره الالتهابات ((اللي تنتج عن العمليات القديمه مو الحديثه )) تسبب التصاقات الاعضاء
ومخاطرها تتركز بانها تعيق الحمل بشكل طبيعي وان المصابه فيها يتعين عليها طفل انابيب او حقن مجهري عشان يصير الحمل
لاتحاتين يا قلبي واذا كنتي شاكه سالي الدكتور احسن لج وممكن تتطمنين بانج تسوين الاشعه الصبغيه
والله كريم .. وان شاءالله مافيج الا العافيه ... وربي يرزقج بالذريه الصالحه في القريب العاجل اللهم امين

مشكوره حبيبتي صج ريحتيني بردج علي
الله يوفقج ويرزقج احلى توأم^_^

انا بعد باسويها جريب
وخفت يوم شفت موضوعج
والحمد لله نور القمر الساطع طمنتني وايد
ربي لاتذني فردا وانت خير الوارثين

!! جنة !! والله ما أعرف عن الموضوع ولكن حبيت أدعيلك ربي يرزقك الحمل القريب العاجل غير الاجل
ويرزقك الذرية الطيبة