الجدول الإسبوعي لشعري خلاه عجيب

حبيت انقلكم تجربتي بعد ما استعاد شعري عافيته والحمد لله .....
اول شي .....شعري كان ضعيف جدا ومحروق من سحب اللون والأصباغ ومع الفير خصل كامله احترقت ونزلت من الفير وصار طولها 10 سم ,,,,, بس كانت داخل شعري فتخيلوا شنو بقى من شعري ....؟.؟؟؟؟؟؟؟
وكان خشن ومتقصف وما يطول ...... ما خليت شي ............
قعدت ابكي .... ابي حل بسرعه .................... دورت في النت والمنتديات
لقيت ان الخلطات تعتمد على نوع الشعر بعضها ينفع وبعضها ماتنفع شعري .....
المهم أولا لقيت أن اللجوء لله سبحانه وتعالى أولا ...
الدعاء مع وضع أي خلطه .....
================
(( بسم الله الشافي بسم الله الذي لا يضر مع اسمه شئ في الأرض ولا في السماء وهو السميع العليم ....)
ثم اكثار الصدقات ....... يوميا حتى لو تحطين 100 فلس صدقيني مفعولها رائع ..... مع صدق النيه مع الله
ثم بديت ارتب الأيام حسب فراغتي ..... ما أغير مهما كان .....
وسويت جدول منظم بالخلطات اللي ممكن اتفيد شعري وحسب المده ....
في البدايه استخدمت خلطة الروب مع الحلبه المطحونه تقريبا ملعقتين لتقوية الشعر ساعتين 3 مرات بالأسبوع
لمدة 3 شهور ..... حسيت شعري صار قوي ..... مع زيت العافيه وكوب من الحلبه المطحونه تنقعينها في الزيت لمدة 10 ايام في الثلاجه ثم تستعملينها ...... تقوي الشعر وتثقله وتعيد عافيته ...... هم لمدة
3 شهور مرتين بالأسبوع ساعتين وكنت استعمل خلطة الموز مرتين في الاسبوع لمدة ساعتين للتنعيم والتقصف
وبعدين بديت بالجدول التالي لشعري
الجمعه ......
خلطة الروب :
4م روب- 2م زبده – 1م خميرة- 1م مايونيز- بيضه قليل خل
تخلط وتترك 10 دقائق
ثم تدلك بها الرأس ويلبس بلاستك الروب ساعتين اسبوعيا
أو الخلطه الثانية إذا كنتي مستعجله
البروتين والفيتامين لتقوية الشعر :
المكونات : • بيضه واحده • 1ملعقه زيت خروع • 1ملعقه زيت ذره • 1 ملعقة خل التفاح • 1ملعقه جلسرين كبسولة فيتامين أ
تمزج المكونات مع بعضها وتوضع على الشعر وتلف بمنشفه دافئة ويؤدي استخدامه بصوره منتظمة إلى نعومة الشعر وزيادة كثافته وتماسكه
البروتين وتترك لمده عشر دقائق
==================
الأحد
الحنه ( وهي السر في طول الشعر )
حنة جدتي :::::::
محلب - سدر - - ريحان مطبوخ – رمان – رشوش - جرجير ناشف ملعقتين جوز الطيب قليل 2 كوب من الحنه تقريبا مع ماي مغلي بالمرميه والكركديه والحلبه وممكن قشر الرمان .... ممكن اضافة زيت السمسم او اللوز
8 ساعات على الأقل مرة كل أسبوعين
لتطويل الشعر بسرعه ( تنبت الشعر بسرعه عجيبه ))
جيبي ربطة جرجير ونظفيها عدل وحطيها بالخلاط وحطي فوقها علبة روب حطي فوقهم هالزيوت ملعقتين زيت السمسم ... وملعقتين زيت الخروع .. وملعقتين زيت الزيتون .. وملعقتين زيت اللوز واخلطيهم عدل وحطيهم على شعرج
على فكرة تقدرين تسوين كمية تكفيج حق مرتين وتستخدمين نصها وتشيلين الباجي وتحطينه بعلبة بالثلاجة
تنحط إذا مافي حنه ..... أو بعد الحنه / ساعتين ......
=================
((الأثنين))
خلطه لتنعيم الشعر بسرعه .....روعه ( بعد يوم من الحنه )
بيضة واحدة
2 ملعقة زيت السمسم- 2ملعقة البراشوت او جوز الهند
2ملعقة كريم حمام ( مو بلسم )اللي تحبينه (اذا تحبين تستبدلينه بمايونيز بعد حلو
2 ملعقة مرة منقوعة(اللي تعاني من تساقط الشعر والحكة والحبوب أنا دايما احطها
1 روب / موزة مستويه حيل بقشورها
أو خلطة الموز .....
1)موزه مستويه. )زيت لوز للشعر . ) ملعقتين عسل. ) ملعقتين بن.
) زيت زيتون . ) زيت ذره .
الطريقه:
احضري الخلاط و قطعي الموزه ثم ضعي باقي المكونات على الموزه و اضربيهم حتى يصبح شكل الخليط سميك و يشبه البودينج و من ثم افرغي المحتويات في كوب و استخدميه .
مرة واحدة في الاسبوع ....لمدة ساعتين
ملاحظه
هذي الخلطة للشعر الجاف والمتقصف ممتازه .... إذا كان التقصف شديد تستعمل مرتين مع الاستمرار يختفي التقصف ويصير الشعر حرير ........عن تجربه
=================
ا لأربعاء
استعملي وحدة من الخلطات التاليه كل وحده لمدة شهر ...... أما الجرجير فاستعمليها على طول وفي أي يوم
خلطة لتساقط ( روعه راح تحسين أن التساقط خف )
خلطة توقف تساقط الشعر بسرعه
علبة 1زبادي+م زيت لوز حلو+م زيت خروع+م2حناء(للي ما عندها مانع) او سدر(للي ما تبي تلون شعرها) اخلطيهم وحطيهم ع شعرك
لمدة 3اسابيع لمدة 20دقيقة ممتازه
لتطويل الشعر بسرعه ( تكرر )
جيبي ربطة جرجير ونظفيها عدل وحطيها بالخلاط وحطي فوقها علبة روب حطي فوقهم هالزيوت
ملعقتين زيت السمسم ... وملعقتين زيت الخروع .. وملعقتين زيت الزيتون .. وملعقتين زيت اللوز
واخلطيهم عدل وحطيهم على شعرج
على فكرة تقدرين تسوين كمية تكفيج حق مرتين وتستخدمين نصها وتشيلين الباجي وتحطينه بعلبة بالثلاجة
مرتين في الاسبوع
النتيجه .............................. ... روعه الكل يقول ما شاء الله صار شعرج ثقيل وطال لآخر ظهري
بس قصيت اللي تحت عشان يصير كله ثقيل ........ والحمد لله مستمره على هذي الطريقه
لأن ابي شعري يصير لين الركبه بإذن الله ....
واللي تبي سؤال ممكن تسألني لأني جربت كل شي ...............
للحديث بقيه عن طريقة غسل الشعر واستعمال امبولات وفيتامينات وحمام الزيت بالعسل للنعومه والقوه للشعرالجاف ............؟؟؟؟؟
أرجوا أن أكون افدتكم .....بدال ما تتعبون وادورون في النت