الجرائم التي ارتكبتها في بداية زواجي لاتطووفكم ههه

دوام الحال من المحالـ

14-08-2022 - 09:15 am

مساء\صباح -- السكر والكاادي وعبق الرينااد
بدون مقدمات بدخل بالموضوع مباشرتن
))
اكبر غلطة ترتكبها البنت بحق نفسها
هي
الدلع
خصوصاً يوم كانت ببيت اهلها
واقصد بأنها ماتطب المطبخ ولاتعرف الا اسمه ..
كل شئ على امها او اختها او الخدامه
واذا قالوا تعالي اطبخي
قالت
عندي اختبار
تعبانه
بنام
مااعرف
ماهو وقته .
.
تماما هذي انا قبل اتزوج
كانت اعظم مصيبه اذا امي قالت تعالي اطبخي
تقولون القياامه قاامت علي
وكانت اختي الكبيره عذر لي في كل شئ
يااكم وهقتها المسكينه
مرتن من المراير قالت لي امي روحي سوي قهوه ..
عصبّت وبغيت اقلب البيت فوق حدر
ويوم دخلت المطبخ
هع
هع
لقيت اختي المسكينه قاعده بالطاوله تآكل وتقرأ كتاب
هع
هع
قلت : فلانه امي تقول سوي قهوه ...
قالت : اوكي طيب
ههه
مرّيت من عند امي بروح غرفتي
امي : تعالي وش قلت لك انا ؟
انا : يمه جيت بسوي وحلفت اختي تقول علي الملازيم
ماتسوين شئ
امي : ليه ؟
انا : تقول مستقبلك اهم شئ ...
خ
ياحلوني حلواه
طبعاً هالقصه القصيره اللي فوق مجرد تمهيد لموضوعي الساخن
القادم للساحه وبقوه ..هع هع
دلع الصبايا في بيت اهاليهم , هو سبب تعاستهم في بيت ازواجهم
واقصد بذلك الدلع اللي واصلن حده ماينهضم ..
خصوصاً اذا كانت السالفه تتعلق بالمطبخ ...
انا قبل زواجي ب بضعة شهور
عانيت ضغوطات
كل وحده تمسكني تدخلني المطبخ وتعلمني على الطبخ
وكنت مضضاً اتعلم
والعلم يدخل معي اذني هاذي ويطلع مع الثانيه ...
ههه
تزوجت ذالك الرجل الشمالي (الغريب)
طبعاً هو سمح لي شهرين مااطبخ
وانا سحبت عليه 6 شهور
تخيلوا
والله ماكنت اسوي الا قهوه وشاي وزين اذا شربها كلها
ماغير يجامل قدامي
واذا جيت عاد بتحمس للطبخ
اذرعّ اكمام ملابسي والبس بالطو الطبخ
وحالتي حااله
بالاخير
يطلع اللي بطبخه
اندومي
هع هع
بعد هالفتره جات امي زيارة لبيتي , وشاافت الهوايل
بغت تنتحر
اول شئ غرفتي روضة اطفال
على ان ماعندي اطفال
لكن استروها هع هع
ثاني شئ
المطبخ ورشة حديد هع
جات امي فتحت دولايب المطبخ عل وعسى
تلقى كومة رز
مالقت يؤيؤيؤيؤيؤ
فتحت الفريزر
مالقت ولا قطعة لحم ولادجاج
يؤيؤيؤيؤيؤ
يابنت كيف عاايشه
قلت الله يعز مطعم ابو فلان ماقصروا
خ
وجلست امي فتره اسبوعين وسنّعت اموري
وضبّطت وضعي وسافرت
بدأت انا بسوي فيها اني اعرف اطبخ
فتحت كتاب الطبخ
واو
طبخة الصياديه ( ارز الصياديه بالسمك )
اوتسي (اوكي) هذا عشانا الليله
زوجي : واو شكلي بآكل اصابعي وراه
انا : احتمال تآكل الصحن بعد
>>ياشين الثقه اللي زايدتن عن حدها^_^
وكانت طريقة الصياديه بالمختصر
اني احرق البصل علشان تطلع مرقته غامقه
ثم اصب عليها مويه واتركها شويات
ثم اصفيها وارمي البصل واستعمل المرق ...
محاكيتكم وش سوّت
كان زوجي وقتها طالع برى للشغل وبيرجع
تحمست قمت للمطبخ
قطعت البصل وحمسته بالزيت لين صاح بوجهي وقال خلاص ..
اخذت الماء ومباشرةً حطيته بالبصل وهو حار وفيه زيت
مادريت الا وانا عند باب الصاله
يؤيؤيؤيؤيؤيؤ
دخاخين وبلاوي الله لايوريكم
ماعاد اشووف المطبخ توقعت خلاص البيت احتررق
ومن زود فلاحتي
ماسكة ابريق الماء وواقفه عند باب الصاله
واطالع بالمطبخ من بعيد ومبققه عيوني
>>ياشين الدفاشه
ويوم وقفّت الدخانين وهدأ الجو
دخلت المطبخ وش تتوقعون شفت ...؟
ارضية المطبخ صابها عنقز
هع
هع
منقطة بأسود من آثار البصل المحترق المتناثر
حسيتوا بالكاارثه وحجمها ( اهئ اهئ )
قلت خلني اتدارك الموقف قبل يجي ابو الشباب ويشووف اولتها
رحت كنّست البصل والقدر حطيته بأقرب زباله
>>>ماهمها
فجأه
دخل ابو الشباب
يشوف البيت يحس فيه ضباب . وريحة البصل
منتشره
سألني
تتوقعون وش رديت عليه ...؟
؟؟
؟؟
؟؟؟
قلت : ابد سلامتك بس سمعت الدكتور عبدالباسط يقول
ان تبخير المنزل بالبصل المحترق يُبعد الباعوض مباشرةً ..
هع هع شفتوا الذكاء
اولاً لثقتي ان زوجي مقتنع بكلام الدكتور عبدالباسط
دخلت الدكتور بالسالفه
ثانياً كنا ذاك الاسبوع نعاني من انتشاار الباعوض
فأستغليت الموقف
خ
تدرون وش رد علي :
يقول : اي والله الباعوض ذا ماخلانا نرقد بس تتوقعين ريحته تروح
قلت : ايه ايه عبدالباسط يقول ريحته تروح بسرعه
خ
طبعاً ذيك الليله سألني عن العشاء
قلت : في مقادير ناقصه تو دريت عنها ونسيت اقولك
قال : يوه خلاص هاتي التلفون ادق ع المطعم
خ
موقف *بعد شهر طلب زوجي اني احرق بصل
لان الناموس عيا يرووح
خ
قلت له: عبدالباسط يقول لاتكثرون منه يسبب ربو
هع هع هع
الموقف الثاني
مرتن من المراير , رحت مع زوجي للسوبر ماركت
واشتريت برغل
مشكلتي اني ماقرأت المكتوب على الكيس
لاني اعتمدت فقط على شكل البرغل الخاارجي
وهذي مشكلتي واتعرض لها دايم
المهم رجعت البيت
وعزّمت اسوي سلطه
والبرغل لازم يتنقع بماء قبل تحطينه بالسلطه
طبعاً ماقد سويته بحياتي بس اختي دقت علي وقالت لي
المهم نقعته وضبطته وحطيته بالسلطه
وقعدنا نآكل انا وزوجي
اعترف لكم اني استغربت من الطعم
ماهو زي طعم سلطة اهلي ليه ؟
وكان غير مقبول لا طعماً ولا احساساً
رحت دقيت على اختي
قلت ياربي ماعرفت اسويه
قالت قولي وش سويتي
وعلمتها
قالت ايه طريقتك صح ؟
قلت :: ياربي طيب ليه طعمه مو حلوو
وليه ماتنقع زين ..
المهم قالت شوفي الكيس اخاف يكون منتهي والا شئ ...
اخذت الكيس وفُجعت
اهئ اهئ اهئ
اللي استعملته على انه برغل
طلع مو برغل
تدرون وش طلع
سميد
اهئ اهئ اهئ اهئ
موقف آخر
مره دقت علي امي قالت : اسمعي يابنت
اخوك بكره مسافر ويبي يمر عليك ويسلم ويمشي
وتراني ارسلت معه اغراض لك
وارسلت معه علبة (بزار كبسه) مخلط زين
وطعمه ونكهته حلو وتراه من تخليط حرمه معروفه
وشوي وشوي عليه لاتبذرين ترااه غالي
قلت : اوكي
جاء اخوي وجاب لي الاغراض من ضمنها علبة البزار
ولانها من عمل حرمه فالعلبه مو مكتوب عليها اي شئ
المهم ,, من قلة طبخي للكبسه نسيت البزار
ومرتن من المراير
جو عندي حريم وطبعاً بهار قهوة الحريم مو زي بهار الرجال
انا ابهر للرجال هيل فقط
يوم جو الحريم كانت اول زيارة
اذن فهي اول عمل لي من جيت بيتي
هي قهوة الحريم اللي تحتاج مخلطات قهوه ..
جيت سويت ذيك القهوه السنعه
وبهرتها ب بزار الكبسه اهئ اهئ اهئ
والله يابنات ماكنت ادري انه بزار الكبسه
اهئ اهئ
طلعت القهوه صفراء
وطعمها شين
وماتنطاق
والحريم مااشربوها
اهئ اهئ اهئ اهئ ....
بعد فتره استوعبت اني مبهرتها ببزار الكبسه
ودقيت على امي قلت لها
تدرون وش قالت :
قالت
قالت
لعنبو ذا القلب المنطبع .. كمخه انتي منتي وجه مطابخ
موقف آخر
مرتن من المرات نويت اسوي حلى قهوه
دقيت على بنت خالتي قلت ارسلي لي الحلى
اللي جبتيه مرره يوم كنا بالبيت الفلاني
المهم
بعد لحظاات وصلني مسج
فيه طريقة الحلى ...
ومن ضمن المقاادير مكتوب
فنجان شاهي حليب بودره .....
رحت انا وش سويت
اخذت فنجان
وحطيت ورق شاهي
ثم فنجان ثاني
وحطيت حليب نيدو
هع هع هع هع هع هع هع
في احد يحط ورق شاهي بالحلى ؟
مين لقاها هذي ؟
لاتسمعني منال العالم ثم تعتزل عاالم الطبخ ...؟
والله الحلى يضحك ماينبلع خ
ويوم دقيت عليها
قلت لها : الحلى حلو .. بس احس ورق الشاهي عيّت تدخل مخي
لانها مخربه طعم الحلى وبعدين ياابس الورق
تتوقعين لازم اذوبه بحليب والا اخليه كذا
بنت خالتي :
يابنت من جدك حاطه ورق شاهي
وبعد مناوشات
دقت امي منفجعه
انتي منتي وجه مطابخ لابوتس لابو من اشترى لتس كتاب طبخ
ب 200 ريال
وآخسارتي خسارتاه
والمواقف اكثر ... بس راح اخليها مستوره
علشان ماتنجللطون
ومجمل الحديث ومخلص الكلام
ولا وحده تتزوج اذا هي مو فاهمه بالطبخ
هع هع
واتركوا عنكم الدلع وتعلموا تطبخون
وتعلموا السنع
>>علمي نفستس بالاول
ودلع البنت ببيت اهلها يسبب دمارها في بيت زوجها
طبعاً انا مااربط السعاده الزوجيه بالمطبخ
لكن المطبخ فرع من فروع استمرارية الحياة الزوجيه بهدووء
مو اي زوج يطيق المطاعم
ومو اي زوج يرضيه اكل معين ...
ف علشان ماتطيحون بنفس حفرتي
تعلموا الطبخ قبل الزواج
واتركوا الدلع
والاغلبيه يستحقرون جانب الطبخ
مايدرون انه مكمل .....
وترى البنت تكبر بعين زوجها اذا شااف سنعها بالطبخ
اما انا فأصبحت ربة بيت ماهره
واصبح زوجي يتلذذ بأطباقي
وتنقطع تسبده على ريحة كشنتي
منقول

التعليقات (9)