الجزء الرابع من يوميات المشي على السير الكهربائي لاحول ولاقوه الا بالله

السلام عليكم ورحمه الله وبركاته
اللهم لك الحمد حتى ترضى ولك الحمد أذ رضيت ولك الحمد بعد الرضا
الحمدالله بجد على اللي وصلنا له الحمدالله ايام او شهور قضيناها بحلوها وبمرها وبتعبها وبحزنها وبفرحها..سبحان الله كنها يوم او يومين
صراحه والله ماكان ودي ازعلكم او تاخذون بخاطركم مني خصوصا يوم اقول اخر موعد لنا بتاريخ 29/7
انا قلت هالكلام لان خفت بعضكم خلاص ماعاد يبي يكمل وبعضكم وقف رجيم واكتفى..
عشان كذا انا قلت بقى ان شاء الله شهرين او ثلاثه باقي الكيلوات اللي لي بكملها لوحدي وراح اكمل مشواري وطبعاً مع شهوور اللي راح اثبت فيها وزني الآخير ان شاء الله
لكن اكتشفت اغلبكم انصدم واللي تضايق واللي بكى..
وانا والله مالومكم لان الشهور اللي قضيناها ماهي بسهله نتفارق ابد مهما كان وغير كذا انا كنت مفكره نجتمع في اي موضوع اي شي لكن ماحد عجبه هالفكره..
وعشان كذا غيرت رايي وقلت دام فيه مين راح يكمل وفيه من محتاج مساعده والدعم خصوصا اللي بينا مثل ماقلت لكم راح نجدد القروب بشهر 1/7
وهذا اليوم ينفتح تجمعنا الرابع مشاء الله ولاحول ولاقوه الا بالله
ربي يتمم علينا ياررب
ومارح احدد لكم الى اي شهر او الى اي يووم
الين ماتجيون لي وتقولون ياطيبه يلا قفلي وطفشنا منك ههه
عموما يالغاليات والله عارفه شعووركم ماودكم نقاطع بعض ولا انا ودي اقاطعكم بعد..
وحياكم وكل وحده تدخل برجلها اليمنى
نظامنا يالغاليات نفس الاول ماتغير
الأكل نبتعد عن الدهون ونقلل النشويات قد مانقدر.. ونبتعد عن الحلويات والاشياء اللي تسمن..
ويومنا المفتووح هو يوم الجمعه أن شاء الله
ونمشي سااعتين
الساعه الاولى راح تكون على السير الكهربائي
والساعه الثانيه نمشيها مشي عادي عشان نستغل الوقت ولا نتعب أنفسنا اكثرر
و لاتنسوون اهم شي والله يجزيكم كل خير
صيام الأثنين والخميس >>>كفايه ترفع الاعمال بهاليومين وانتي صايمه شي عظيم...
وبس
وآخير
ياخواتي لاتنسون بعضكم بدعاء خصوصا بظهر الغيب كفايه تدعين لأي انسان الملائكه ترد عليك ولكِ بالمثل
وانا مارح انساكم من دعاائي
واسئل الله العلي العظيم ان ينحفناا من غير شر ويمد علينا بالصحه والعافيه اللهم آمين
والحمدالله والصلاه على سيدنا محمد عليه افضل الصلاه والتسليم..