الحقوني بحل قبل ما زوجي يرجع

حبيباتي اليوم هو ذكرى زواجي وانا مجهزه كل شي من الفستان والشموع والترتيبات وحتى الاناشيد الي راح ارقص عليها ...
اكيد بتقولون طيب وين المشكله المشكله انو حبيب القلب عمره ما افتكر هاليوم ولا عمره جاب هديه في وقتها الا بعد ما انا اذكره او افاجاءه وتكون حلاوتها راحت
طيب وبعدين؟؟؟؟
المشكله كلها مو هنا لاني اعرف انو اكثر الازواج ومو كلهم ابعد ما يكونو عن الرومنسيه الزايده الي تملكها المراءه
مشكلتي حبيباتي انو من امس وزوجي زعلان ما ادري ليش وطول الوقت وهو سب وتجريح والله ماادري اش السبب وكل ما حاولت اهديه او اعرف وش مضايقه هاج
وحتى العيال يا عمري عليهم ماسلموا من سبه الي لم يسبق له مثيل
لا تقولو يمكن شي مضايقه اوالشغل والكلام الذي منو,بقولكم لا ومستحيل لانه امس لما جامن الدوام كان عادي ومسالم ويضحك ومافيه منه وراح نام وبعدها صحي على الحال الي قولتكم عنه...
وربي مقهوره ما جات الاعلى هاليوم ليش ليش ليش
الله يخليكم اعطوني حل اوطريقه تخلي هاليوم يمر على خير لانه حتى راح الدوام ما سلم ولا نطق بكلمه والله ماهي عوايده حتى لما يكون زعلان
قولولي كيف احل هالمشكله لاني خلاص عجزت عن التفكير من البارح وانا افكر
حرام والله حرام ماجات الا على هاليوم خلاص بانفجر من القهر
ادري اني دوشت روسكم مع هالصبح بس مالقيت غيركم افضفض لكم عن همي
اتمنى تتحملوني وتدلوني لاني خلاص ماعاد عندي عقل افكر به.