الحلول العمليه لبعض المشاكل المنزليه

بسم الله الرحمن الرحيم أخواتي الفراشات... هذي المشاركة هي أول مشاركة لي في(( قسم الديكور والمنزل)) حبيت اكتبلكم بعض التجارب العمليه اللي تهم كل ست بيت وتفيدها ان شالله.. موضوعي زي ماهو واضح من العنوان راح أتكلم فيه عن حلول بسيطة تساعدك في التخلص من بعض المشاكل المنزلية ... ماراح أطول عليكم << بسم الله نبدأ الأقمشة : 1_ الأصواف : بإمكانك عزيزتي تجفيف كنزاتك الصوفية بدون مايخرب شكلها بإنك تحطينها بشكل مسطح بين منشفتين (( وحدة فوقها ووحدة تحتها)) وتمررين فوقها بالنشابة الخاصة برق العجين .. يعني كأنك قاعدة تفردين عجينة . 2_ الكنزات السوداء: إذا لاحظتي إن كنزاتك السوداء بدا لونها يبهت فيه طريقة غريبة شوي بس فعالة ورهيبة !! وهي إنك تغسلينها في الموية اللي إستخدمتيها في سلق السبانخ !!!! 3_ ردة الأثواب << اللي هي الثنية اللي تظهر في طرف البنطلون أو التنورة لما تفكين خياطها من تحت << فهمتوني ؟؟ إدعكي صابونة وهي جافة فوق الثنية نفسها بعدها حطي فوقها ورق شفاف ومرري على هالورقة مكواه ساخنة ... إزالة البقع : 1_ الشاي : إذا بقع الشاي على قماش أبيض << ثوب زوجك أو أخوك أو أبوك إدعكيها بماء وصابون ... وإذا ماطلعت ,, ماعنك وعن الليمون يطلع أبو جدها بعدين غسلي القماش بالماء البارد ... أما بالنسبة لبقع الشاي على الموكيت والسجاد ماعليك إلا إنك تمزجين السبيرتو مع الخل الأبيض بكميات متساوية وإدعكيها وشوفي ... 2_ الدم : إذا بقع الدم في ملابسك أول شي تسوينه إغسلي القماش بموية باردة فورآ .. (( إنتبهي لاتغسلين القطعة بالغسالة الكهربائية لأن البقعة ماراح تروح بالعكس بتثبت أكثروبتعدم الملابس الثانية )) متفرقات : 1_الخشب المذهب (( الفريمات المطلية بالذهب )): إخفقي بياض بيضتين << مو تاكلينهم ؟؟ لمن يصير الممزوج لزج بعدها خذي فرشاة الصبغ وغطسيها بعدها مرريها على الخشب المذهب وخليها لين ماتجف بعدين أفركيها بشويش بقطعة قماش ناعمة ... 2_ النشاء : إللي تبغى غسيلها يصير كأنه السحاب ويلمع تحط شوية نشاء على غسيلها مع شوية ملح في آخر غسلة .. 3_ زوجك يدخن وذابحك بالريحة ؟؟ تعالي وأنا إختك أعلمك وش تسوين ...؟؟ ولعي شمعة وحطيها داخل الغرفة << الشمعة تشفط الريحة وفي نفس الوقت تعطيك جو رومانسي << وش تبين أكثر ؟؟ 4_ العطور : إكسري بيضة ونظفي أحد نصفيها وخذي إبرة ساخنة وإثقبي أسفلها وإستخدميها كقمع لزجاجات العطر الصغيرة الرأس << يعني إذا تبين تصبين عطر من قارورة عادية إلى قارورة فتحتها صغيرة مالك إلا هالطريقة ... 5_ الحازوقة أو الفهقة أو الفهيقة أو على قول إخواننا المصريين (( زغطة )) : *سدي فمك << أأأ قصد إذنك وإبلعي كوبآ كبيرآ من الماء .. طبعآ الشغلة هذي ماتقدرين تسوينها لوحدك ... *ركزي إنتباهك على مشكلة معينة قد تكون نتيجتها سيئة وحاولي إنك تحلينها .. مثلآ كيف تمسكين صحن متوازن بطرف أحد أصابعك ؟؟؟ أتمنى أكون عند حسن ظنكم .. وأتمنى إن موضوعي عجبكم .. اللي جربت تقولي وش صارلها؟