الحمدالله انا حامل بفضل الله

انا تزوجت وكنت ادرس ومافكرت بالحمل وبعد كذا خلصت وبرضوه ماحملت
طبعا اول شي استعجلت وازعل كثير لما اشوف الدورة وكل شهر عند الممرخة الفلانية وخذي من الاعشاب لما تشبعي ومافيه سبب معين وحولت بعد كذا عند الاطباء وهذي الادوية اللي تسد النفس والمشكلة اني ما استمريت عند احد معين وصرت عارفة ممرخات ودكاترة البلد الين ماتعبت
وقررت ارتاح لي كم شهر والحمدلله جاني الفرج
وخاصة اني هذي الفترة بالذات ماابغى حمل عشان فرح اختي
ومن هنا اخذت انه التفكير في هذا الموضوع يؤثر على الحمل
فقررت اعمل الاتي:
اتكلت على الله وحده
اتصدق لو بالشئ القليل
احسن الظن بالله وان هذاالتاخير خيرة من الله
الذهاب الى دكتور مختص والاستمرار في العلاج
العمرة بنية الحمل والله اعتمرت والحمدلله الشهر اللي بعده وانا حامل
عارفة طولت عليكم بس والله حابة تستفيدون والرضا الرضا الرضا
بما كتبه الله وخلي كلام الناس على جنب ولاتفكري في كلامهم وارضي بالمكتوب تسعدي
دعواتكم ربي يتمملي على خير واجيب ولد سليم معافى تام الخلقة