الحناء

راجية الرحمه
عليكم السلام ورحمة الله وبركاته ..
ام ما اعتقد يتغير اللون كثيير بما ان شعرك مصبوغ بني .. وانتي بتحطين
حنا ونسكافيه >> وجهة نظري ..
لأني كنت مسويه اشقر هاي لايت خفيف بشعري وعقب 6 شهور تقريبا حطيت حنا
ف غمق اللون و يجي زي البرتقالي المحمر .. >> مدري كيف اوصف لك ههه
انا انصحك اذا تبين العنايه لشعرك تحطين الحناء لأنه عن تجربه لناس من اهلي فاد كثير ..
وما شاء الله شعورهم خيآآآآل وبناتنا بيمووتون وتطلع شعورهم مثلهم ف الطول والكثافه بدل التساقط !
بس اظن انهم يخلطون مع الحنا .. ريحان و (( مشاط )) >> او مدري شتسمونه
انا بعد بودي اني احط حنا بس ابي اتفرغ ع الأقل في الويكند لأني ادرس بالجامعه .. وما افضى ..
وبستمر عليه ان شاء الله .. لأن شعري احسه انتهى من التسآقط ..
وانا لازم اعتني فيه .. >> ياكثر سوالفك
بس صدق ترى لما كنت صغيره كانت امي دوم تحط بشعري حنا .. وكآن
روعه يعني طول وكثافه و بس اهملت وما صرت احط لما كبرت ورحت
الإعداديه وكنت ما احبه ..
>> احسك بتسطريني ع كثر سوآلفي ههه
ام انا اعرف وحده في شعرها شيب جربت (( الكركديه بالنسكافيه )) وطلع احمر غامق ..
بس الحنا مع النسكافيه >> ما عندي فكره .. ان شاء الله البنات بيفيدونك ...
بس توقعاتي راح يعطي شعرك لون بني غامق أو كستنائي >> اتوقع
وايوه ترى الحنا الي نحطه بالأيد نفس اللي نحطه بالشعر .. بس ترى اللي بالأيد
اللي جاهز من عند "الصالون" >> اللي اعتقد اسمه "مشغل" عندكم ...
مضاف إليه ماده .. ما تصلح للشعر لأنها كيماويه .. فلا تآخذين من المشاغل ..
.. انتي روحي للعطار عندكم بتحصلين عنده حنا جاهز مطحون ..
وسويه لعمرك ..
اتمنى اني افدتك .. >> اي هين ما بغيتي تخلصين

هههة انا صابغة شعري من سنة وحطيت علية حنا لانة قليل مرة ماكان كذا
المهم اللون احمر على برتقالي مدري كيف اوصفك
وورطت عندي مناسبة شهر 8 واللون ياوع الكبد يعني مايصلح للعروس بالعامية
اللي تلقى حل تساعدني انا بعد
اتمنى افدتك

والله ما عندي فكره ما لي علاقه مع الحناء احسه يخشن شعري واتوقع يطلع زي ما قالو الاخوات برتقالي محمر

انا بحط عليه النسكافيه عشان يميل للون البني
وعلى طريقه الحناء بالريحان كيف :::::
وشكرا

انا عاد باقولكم عن تجربتى كنت دائما اصبع وماخليت لون او خصل الا وصلحته وكان يطلع جنان...
وشائت الاقدار اني اصبغه هاى لايت وليتني ماصبغت..
احترق وتقطع بكل معنى الكلمة وخشن وشعري اصلا طويل بس من كثر ماتقطع صار طول بعض الخصل على طول اصبعي السبابة وماتتخيلون كيف كانت النفسية وكل من شافني صاح يقول وين شعرك يافلانة الى كان بنضرب فية المثل..
بس الحمد لله بديت اهتم فية صح ماسار يطول زي اول ولاكن الحمد لله وماخليت زيت اوخلطة الا واستخدمته وبصراحة مو ذاك النتيجة... بس لي تقريبا شهرين احنيه مرتين في الشهر الله ما شاء الله صار ناعم وفيه لمعه حتى استغنيت عن الاستشوار وخف التساقط..
حطي على الحنا نسكافيه وكاكاو وخليها تخمر اقل شي ست ساعت وحطيها على شعرك وكمن اخلطي معهاسدر حلبة ومحلب وعشبه الاس والسنبله
وعواتك لي بالذرية الصالحه وصلاح النية

الله يعطيك العافيه حبيبتي
بس لون شعرك تغير الى اي لون اخاف يطلع برتقالي او احمر