الخيانة والرجل والرجل والخيانة

السلام عليكم ورحمة الله وبركاتة
أخواتي مدري من وين أبدا احس ودي أتناقش بموضوعي مع زوجي لكن انا من النوع الي ما احب اتكلم لاني اتعب ؟؟؟
بتكلم في نفس الموضوع الي اتعبني واشوفة عند اغلب الحريم عادي وممشين الحياة
بنات بكل صدق وشفافية الحرمة منا وغيرتها وزوجها الي ممكن يتركها بأي لحظة ويشوف غيرها مع وجود الحب والاحترام بنات كل يوم اقرى موضوع الخداع ووحدة كشفت زوجها بالنت والا بالجوال
لية صار الرجال بدون وفاء مع انة يحب بيتة جاوبوني معقولة المغريات صارت كثيرة في ها الزمن
ام نحن مقصرون لية ضاع الصبر احنا ممكن نفكر بالنار والجنة لكن اغلب الرجال ما يستنا الحور العين وان الله بيعوضة عن النقص الي بالدنيا
المهم انا ابغى اقنع نفسي بعد خيانات زوجي رغم انة لا ينجب الابعلاج وانا صابرة أبسأل كل وحدة فيكم هل تعلمين بخيانات زوجك وصابرة وساكتة عشأن تمشين حياتك واولادك وكمان عشأن ما ترجعين عند أهللك الي ماراح يستقبلونك لانة بالعربي محد فاضيلك؟؟؟؟
بنات الناس لو تطلقتي بيقولون منها العيب هذا المجتمع ولو جلستي معاة هية حياة قصيرة وبتمشي ولا احد يشمت فيك انك مطلقة
انا عندي قدام عيني مئات الحريم الي ممشية الوضع لدرجة اخوات زوجي كل وحدة تدري عن زوجها وعادي ممشية وكمان تخلف وتبغى عيال
وانا من خيانة وحدة دعيت على الي في بطني بعد حلم طال اربع سنين وفقدتة وصحيت من الصدمة وانا اطالع لحياة الناس واقول لية ما طنشت واخذت حلمي لية ما عشت حياتي زي الي يخونها زوجها وهي على النت وما عليها منة لة حقوقة والي يبي لكن هي بعالمها تأخذ وتطلع ...
اسفة طولت عليكم لكن ابغى ردودكم وانتظر منكم كلمة كل الرجال كذا عشأن اتأقلم مع الوضع وانسى الوفا والقيم والمبادئ الموجودة بداخلي لكم دعواتي