الدورة الشهريه وانانية الزوج تعالو

السلام عليكم يافراشات اخباركم؟ وحشتوني كثير كثير
رجعت لكم بموضوع خاص ابي تتفاعلون معي رجاءا
ندخل بالموضوع
"
"
"
"
ممكن اعرف ليش الزوجه دائما مظلومه وحقها ضايع عند زوجها؟
ليش هو طلباته اوامر والدلع كله له والاهتمام له والزوجه مافي لفت نظر بحقها؟
يخون ونمشيها لهم ! يرمي كلام ماهو موزون ونمشيها لهم ! يهمش مشاعرها الرومانسيها واحاسيسها
المرهفه ويتعامل معها كانها قطعه من الاثاث وندوس على مشاعرنا الجياشه ونمشيها لهم !
نكشخ ونحاول دائما نكون على سنقة عشره علشان منو؟ علشانهم وقدام ربنا .. ومايبين بعينهم؟
نجدد بالطبخات ونرتب بالبيت ونخلق جو هادي علشان منو؟ علشان راحتهم ؟
نبي منهم بالمقابل شنو؟ مجرد كلام حلو وحنون ومسحه على الراس فيها دفئ وشكر وامتنان واهتمام
بسيط جدا مثلا مجرد ورده حمراء مفاجاء بيوم عادي بدون اهداف وخطط مجرد عطر حتى لو كان سعره
رمزي بس يكفي انه افتكرنا وراح السوق علشانا واشتراه مجرد نظره فيها اعجاب وتقدير ومجرد ابتسامه
نعتبرها صدقه بياخذ عليها اجر بعد ؟
للاسف مافي ولاشي من كل هذا مع ان هذا كله بلاش ومثل ماقالوا الكلام ببلاش وحل السانك تحلا دنياك
لكن هذا الي ببلاش مستخسرينه فينا ومع هذا نهتم فيهم ونكشخ لهم ومانقصر بحقهم بشي لكن
للاسف مايبين بعينهم ومايملا عينهم الا التراب..وانتم بكرامه
الحين محور الحديث وموضوع الاستغراب والاستعجاب والموضوع الي يستحق اكبر واجمل علامة استفهام
الا وهو ...
لما احنا طول الشهر مهتمين فيهم ومراعينهم وباسطينهم حتى انهم يشهدون بذلك لما نجي ونسالهم
مقصرين؟ يقولون لا ابدا ....صح؟
طيب لما يفصل هذا الشهر الجميل المليء بالسعاده والراحه والاهتمام سبوع الي هو وقت
( الدوره الشهريه )
تلقاهم كارهين هالزوجه المسكينه وطول الوقت اوف واوف !
وطول الوقت انا مليت اوف والزوج حلل له اربع ماصير كذا .. ولايقول قومي سوي لي الكيكه الي احبها ولا
ليش ملابسي مو مرتبه ولا بس منسدحه ولا وين المكياج والبكيني و تلقينه طول وقت الدوره
مايرحم من في الارض وكيف من في السماء راحمهم حتى انه سبحانه من زود رحمة ربي لا اله الا الله
فرضه الي هو فرضه الي هو الصلاة سقطة عن الحائض والصيام سقط عنها كله علشان شنو؟ مو علشان
راحتها!! طيب ربي يرحم عبيده انتم ليش ماترحمونهم يالعبيد؟؟؟
طيب هالزوجه ماقصرة معك طول هالشهر بتجي انت بتقصر معها بالاسبوع؟ مو من حقها تاخذ اجازه منك
ومن غثاك؟ ماتستاهل منك كوب ماء وحبة بندول؟ ماتست اهل منك لقمة جايبها لها من برا تفرحها فيها؟
ماتستاهل منك تغطيها وتقولها نامي وارتاحي الزم ماعندي راحتك؟
ليش هالانانيه يامعشر الرجال؟ ليش حب الذات ليش هالقسوة والكبرياء والغرور متى بيلين قلبكم الزوجه
لو هي ماخذه مؤبد كان طلعت من هالسجن وارتاحة لكن انتم مجلسينها بسجن ماله راحه
ترا مانبي منكم غير اشياء رمزيه مجرد كلمات مجرد لفتات واهتمام بس مجرد سبعة ايام واوعدكم بتلقون
الزوجه بعد هالتعامل الحلو في وقت الدوره بترجع لكم انشط من اول واحسن من اول كلها طاقه جياشه
بتتفجر لصالحكم طول الشهر ؟
ليه دائما تنسون ان المراه مشاعر واحاسيس عقلها بقلبها طفله صغيرونه تحب الدلع والحنان كل ماكبرت
انتم تعرفون يالحريم ان ايام الدوره صعبة على الوحده هي فترة هرمونات تكون كلها متلخبطه والمزاج كئيب
ومرات دموع وبكي ومرات حزن وصمت ومرات فتور وكسل ومرات الم وتقلصات ومرات نزيف وغيارات وتعرفون
بعد ان امهاتنا وصونا بالاهتمام في هالايام السبعه من اولها لاخرها نفس النفاس بل ادهى منه لان
النفاس مره بالولاده والدوره مره بكل شهر وانتو عارفين الي ماتهتم بدورتها عدل بيخرب رحمها وتعرفون لما
يخرب رحمها منو الي بيتخلا عنها اول واحد؟؟؟؟؟ زوجها الي اهملت نفسها علشانه تبي رضاه لكن مثل
مايقولون
ارضاء الناس غايه لاتدرك ... فالزم ماعندك روحك احرصي عليها قبل لايدور اسباب عليك للزواج الي ماتعرف
شنو خراب الرحم تكتب بقوقل (نظام فيافي) وبتعرف كل شي والي تعرف شاطره والي مهمله نفسها وتتبع
رجلها بالدوره تبي رضاه بتعرف انها مسكينه لانه اول واحد بيتركها !!
يعني مثلا تنام بقميص نوم خفيف ولا ستان بحجة انا متعوده انام عنده كذا ومابيه يفقد هالشي لايتزوج علي!!
او رايحه جايه على السيراميك بدون شبشب عزكم الله او شرابات بحجة المنكير لايتخبى خليه يعرف اني
مهتمه برجولي !! سبحان الله يعني انتي طول هالشهر مهتمه برجولك جت على هالسبوع بتخرب رجولك
هذا الا اذا انتي وحده مهمله طول الشهر وجيتي بالدوره تكشخي ؟؟
ولا تاكل بارد وتنام على البارد ومافي لا اعشاب ولا اي حاجه تتبعها بس الي تعرفه التسريحه واقفه عليها
وخذ وهات يا الوان علشان الرجال مايطفش وينحاش وقت الدوره؟؟
انتو تدرون وين العيب والغلط مو فينا بالعكس في الرجال ... هم بعد مايصدقون تجي زوجته الدوره حتى يدور
له على اسباب للخيانه .. زوجتي ماتكشخ ؟ زوجتني ماتعطيني جتها الدوره اوف ؟ زوجتي كله تتالم
ونايمه لوعت كبدي بالدوره والدم لما اعرف ان عليها الدوره استقرف يمالك للقرف امين
الرسول صلى الله عليه وسلم كان ينام مع نسائه لما تجيهن الدوره ويمازحهن ويداعبهن مع اني ادري انكم
وين والرسول صلى الله عليه وسلم وين عنكم انتم تبع اوروبا وعاداتهم السيئه ولواطهم وقت الدوره لاحوله
ولا وقوته الا بالله العلي العظيم ...
نجي نهاية موضوع حديثنا الا وهو انك يالزوجه المهتمه الطيبه الحنونه الي تادين واجباتك تجاه زوجك على
اكمل وجه لاتهملين دورتك وتتجاهلين الامك واحزانك علشان زوجك الي تجاهل مشاعرك وقت الدوره
المفروض وقت الدوره بيكون اهتمام لك لوحدك تهتمي بنفسك وتاخذي راحتك على اكمل وجه ومالك شغل
فيه خليه يقول الي يقوله مادمك واثقه من نفسك انك ماقصرتي فيه قبل الدوره لايهمك كلامه هذا
(( اناني ومايحب غير نفسه ))
عدي الاسبوع براحتك ودفي نفسك عدل وتغذي عدل ونامي عدل ولما يكون اخر يوم بالدوره تنظفي
وتكشخي وابدئي مشوار السجن الانفرادي الشهري من جديد ولايهمك لومة لائم مانتي ناقصه خرابات
بارحامك؟ بكرا ماتحملي ولا هواء من رحمك ولا دمك ماينزل عدل ويبقى الدم الفاسد فيك وظهرك بيعورك
وبطنك بتكبر وتصير لك كرش ويقوم يعيب عليك يام كرش يام كرش !! والله ماينعطون وجه ومثل ماقلت بالاول
(( مايملا عينهم الا التراب )) وانتو بكرامه
وسلامتكم
انتظر التعليقات بكل شوق وحب وحنان