الراجل ده هيجنني خواطر زوجة مفروسة

1. ثالثا**قامت علي رعاية بيتك وأولادك وفي منهم بيشتغلوا علشان تقف جنبك


2. خامسا** في أي ظرف تقع فيها بتلاقيها أول واحدة وقفت جنبك وراحت باعت

أزيكم يا فراشات عاملين إيه
بصراحة كده وعلى طول من غير لف ولا دوران
الراجل ده هيجنني !!!!
وأقصد هنا كل راجل عينه زايغة علي الفضائيات والكليبات
واللي فيها ....................
تلاقيه يعني قاعد وعينه هتطلع على البنت المدللة اللي بتتمايل يمين وشمال زي اللي واكله تعبان جعان
وشوية أليسا وإيه الطعامة دى
/
وحبه هيفاء وإيه الدلع والمياصة دي
ويبص لرولا ونانسي ويقول يادي النكبة اللي أنا فيها
ويبص الناحية التانية ويمصمص في شفايفة ويتحسر على حظه الهباب
اللي وقعة فى وحدة متعرفش تلبس إلا الشبشب والقباب (من وجهه نظره)
ويقول لنفسه : آآآآآآآآآآآآآآآه ماكنش الواحد وقع على مكنه من دول
/
لو سمحت بقة كفاية
يا كل راجل حرام تقارن بين زوجتك وبين دول
مش لأن زوجتك محترمة عنهم وبس لأ
أنت أول ما تزوجت مراتك
كانت زي القمر
/
وبتلبس وبتتشيك وواخده بالها منك
وبعد عيل والتاني برضو شيلاك أنت وعيالك في نن عينها وبتنسى نفسها عشانك
ودايخة بينك وبين بيتها وبين طلباتك وطلبات عيالها السبع دخات
يعني مش حرام كده
لأ
مش ده اللي أنا عايزة أقوله
اللي أنا عايزة أقوله إن وجه المقارنة غلط أصلا
وهما اللي عينك هتطلع عليهم دول بفلوسهم بقوا كده
ومراتك هي اللي تتحسر علي نفسها مش أنت
لو كانت خدت واحد مليان فلوس ولا راحت تشتغل موديل في كليب
صدقني كانت عينك هطلع عليها برضو
المقارنة أصلا غلط
بين واحدة بتصحى من النوم على الجاكوزي والجيمينزيوم والماكير
والبادي كير والمنكير ومعرفش إيه
وبين واحدة بتص وشها بشويه ميه عشان تلحق تعملك لقمة تكلها وتنضفلك البيت
وتكويلك هدومك وتغسل لعيالك وتراعيهم وتذاكرلهم
مينفعش تقارن بين واحدة أقل فونداشين ليها بميتين أو تلتمين جنيه
وبين واحدة بتجيب ارخص حاجة علشان قلبها عليك وعلى شقاك
وهي لوعملت وصرفت علي نفسها صح هتبقي احلي من كل دول
على الأقل هي طبيعي مش مستشفيات ...
./
حرام المقارنة أصلا
وفي الأخر مش عجباك
يا أخي عيب عليك
طيب طلع اللي في جيبك كله ليها ( ساعتها هتقولها أنتي زي القمر )
ولو جيت للحق ....طب متبص لنفسك في المرايا
يعني أنت حلو قوي
مهو في اللي أحلي منك بكتير
طب وهي مبتبصش ليه ؟؟؟؟
عارف ليه؟!!!
عشان بتحبك لشخصك مش لمالك ولا جمالك علشان بتقدر شقاك وتعبك عليها هي وعيالها
اتقوا الله بقى يارجاله
لو دول حلوين طب مبيعمروش ليه فى جوازة؟!!!
اتقي الله يا راجل يا اللي هتجنني !!!!!
اتقى الله واحكم بالعدل
مين اللي مفروض يتحسر على بخته؟!!
أنت ولا هي !!!!!!!!!!!!؟؟؟
حاجة تفرس والله
اة يا غلبى اعملو اية دة
طب شوفو واحكمو انتم
عاوزة افهم مالها مراتك نقيصها اية
لية لما تسافر حضرتك تروح تتجوز وحدة وارد الخارج عاملة زى المية الساقعة
وتنسى خالص مراتك اللى سايبها للهم
طيب تعال يا سى السيد نتناقش براحة وقولى اسبابك
يا عينى عليها بتاعت برة يا سلام بتريح جوزها ومطيعة وتخش البيت هس هس مفيش دوشة
والأكل بسيط وصحي والبيت نظيف وجميل وهادي
ومش بتزعلك ولو حصل وزعلت منها بتيجي تستسمحك وتطيب خاطرك
ومفيش مشاكل خالص ولا وجع قلب ولا دي قالت ولا دي عادت
ولا قلبة دماغ دا بقه غير انها شاطرة في كل حاجة
ماشى يا سيدى دة رايك
طيب هي مراتك ......... مبتعملش كدة
طب بذمت ابوك عاوز اسالك سؤال لوالحلوة بتاعت برة دى اتجوزتها فى نفس الظروف اللى اتجوزت فيها مراتك تفتكر انها هتبقى كدة ؟؟؟؟؟؟؟؟؟؟؟؟؟؟؟؟
ابقى قابلنى
براحة بس بتسال اية هى الظروف دى ........... خد عندك
اولا ** اتجوزتك وانت نص راجل نصك لها ونصك لعائلتك وقالك ومالو صلة رحم وواجب علية واعتبرتها كمان رجولة وشهامة منك لاهلك
ثانيا*** أتحملت في بداية الجواز ديونك أو قلة ذات اليد وانها تحرم نفسها
من حاجات كتير علشان تبني مستقبلك وقالت يا سلام راجل يعتمد علية وانت يا مولاى كما خلقتنى بس اهو بترفع من روحك المعنوية

ثالثا**قامت علي رعاية بيتك وأولادك وفي منهم بيشتغلوا علشان تقف جنبك

وشيلاك شيل وفي اللي منهم بتخدم أمه لوجه الله وحبا فيك الحلوة بتاعت برة هتعمل كدة يا اخى بس تخدمك انت ومش تقولك نتعامل انجليزى وكل واحد يشيل نفسة
رابعا** تحملت المضايقات والهمزات واللمزات والغيرةمن بعض أفراد عائلتك طبعا هتقول ما بتاعت برة مش هتفهم كلامهم يبقى مفيش مشكلة لا غلطان الست من اذكى ما يكون هتعرف برضو من عنيهم حتى وساعتها انسى بقا هتقوم الحرب عليك

خامسا** في أي ظرف تقع فيها بتلاقيها أول واحدة وقفت جنبك وراحت باعت

دهبها وكل ما تملك علشان تساعدك وممكن محدش من أهلك عمل كده ......... ها تفتكر بتاعت برة هتعمل اية والنبى اول طيارة وعلى بلدها دة اذا كانت وافقت تعيش فى بلدك اما لو انت اللى فى بلدها يا يا جميل هتغسل صحون لما اديك تورم علشان تسدد ديونك وهى حطة رجل على رجل
سادسا** بتتحملك في مرضك وبتشيل الحمل عنك وبتربيلك عيالك
هقول اية ولا اية
ممكن فعلا ا زوجتك تكون مطحونة يا عيني في الشغل
وترجع هلكانة وتعبانة وتشتغل وردية تانية في البيت غسيل وطبيخ
ومذاكرة للأولاد واهتمام بشئون البيت كله
وفى الاخر تقول انها مهملة فى نفسها ومش واخدة بالها منك
طبعا التانية البيت هادى واية مية مية
طيب انت عايش هنا لوحدك و اللى عاوز تتجوزها دى مورهاش حاجة خالص
البيت مفيهوش عيال يبقى طبيعي يكون هادي زي ما بتقول
ومفيش غيركم انتم الاتنين يعني لازم يكون نظيف على طول
ومورهاش حد غيرك يبقى يعني مش هتقوم من جنبك علشان تغير للواد
ولا تعمل رضعة للبت ولا تدخل لفض خناقة بين الواد البكري والواد الوسطاني عشان تهيألك الجو المريح 0000
لأ أسمحلي أقولك أنك ظالم ومحكمتش بالعدل
وجريت ورا ملذاتك ونفسك وبس ونسيت الغلبانة الشقيانة
معاك ومع عيالك ومش بس كده لأ دأنت تجنيت عليها وقلت عنها
مهملة في بيتها وفي شكلها
بجد انت تستحق
يالهوى هو فى اية
اتقى الله يا