الرحم المقلوب يا بنات الرجاء الدخول

البندري***

20-07-2022 - 10:25 am

انا صارلي 12سنة متزوجة لكن مافي حمل والله اني تعبت وكل ما جات الدورة ابكي صرت انسانة ثانية المشكلة مافي سبب لعدم الحمل بس الشهر اللي فات سويت اشعة الصبغة للمرة الثانية قالت دكتورة الاشاعة عندك الرحم ميل للخلف أحد صارلها مثلي يابنات وحملت طمنوني وهل فيه طريقة جماع معينة لهذه الحاله ارجو الرد والتفاعل

التعليقات (9)

،،، دلوووعة زوجي ،،،

20-07-2022 - 01:58 pm

حبيبتي ابشرك بالخير مدام اللي عندك فقط ميلان وعلاجه بسيط جدا ،،
اللي هو انك تروحين لممرخه ممتازه ومعروفه لان بعضهن مايعرفن ويقولن نعرف ,,
روحي لها وتمرخ بطنك ايام الدوره وبعدها يتعدل رحمك وتحملين بإذن الله..
والله العظيم ان ام صديقتي ممرخه ماشاء الله عليها جتها وحده صارلها 15 سنه ماحملت وتبكي عندها بحرقه لدرجة انها حجزت موعد لعمل طفل انابيب..
وخيرة ربها طيحها على هالحرمه قبل ماتسوي العمليه،،
ويوم مرختها طلع اللي معها ميلان رحم وهو اللي مأخر حملها،،
وسبحان الله من اول مرخه وهي تحمل وجابت ماشاء الله ولد بعد تأخر دام 15 سنه وهي ساكته على نفسها كل هالسنين ..
علاجك بسيط اختي فقط روحي لممرخه وبعدها بتحملين بإذنه تعالى..
ترى الاطباء مايعرفون بهالاشياء..
الله يرزقك ويرزقني ويرزق كل محرومه بالذريه الصالحه

،،، دلوووعة زوجي ،،،

20-07-2022 - 02:59 pm

انتظر تعليقك اختي

أحلى الحلوااات

20-07-2022 - 04:00 pm

الله ينولك مرادك ويشفيك حبيبتي
حبيت افيدك بس ماعندي اي خلفية عن الموضوع

البندري***

20-07-2022 - 05:01 pm

شكرا أختي دلوعة زوجها على الرد بس والله ما خليت ولا ممرخة وكلهم قالو نفس الشي أنا حاليا اتعالج عند دكتور وسالته قال سواء الرحم مايل أومعتدل ماهو مانع للحمل لا تنسيني من دعائك

البندري***

20-07-2022 - 06:02 pm

شكرا على مرورك أحلى الحلوات دعواتك

نـزاعـة

20-07-2022 - 07:03 pm

البندري
اي دكتور بتروحين له بيقولج انه ما يأخر الحمل ..
حتى الدكاتره في كندا يقولون نفس الكلام ...
في دبي قالتلي الدكتورة نامي على بطنج بعد الجماع .. سألت اللي اهني قالي ما له داعي تنامين على بطنج ... !
انا هالشهر قلت كل مرة بجرب شي ... يعني مرة انام على بطني بعد الجماع .. و مرة على ظهري .. و مرة على جنبي اليمين .. و مرة اليسار .... يمكن وحدة منهم تضبط ... !!
ولو الله كاتب بيصير الحمل ان شاء الله
داومي على الاستغفار .. والله كريم
الله يرزقنا كلنا باذنه تعالى ..

،،، دلوووعة زوجي ،،،

20-07-2022 - 08:04 pm

البندري وش يقولون لك الممرخات بالضبط؟؟؟؟
وبعدين لا ياقلبي لازم تتعالجين عن الميلان لانه هو المانع عن الحمل اذا كل شي سليم وصدقي كلامي,,
وانا مثلك معي ميلان وعالجت عند حرمه بس مره وبعده مارجعت لها..
شكلي برجع واتعالج من جديد
والله يرزقنا الذريه الصالحه

روعة الطبيعة

20-07-2022 - 09:05 pm

اختى شيكى الخاص وربى مايحرم حد الذوريه الصالحه

اميرة الحلى

20-07-2022 - 10:06 pm

نصيحتي لك يااخت البندري انك تلجأي الى ا لله بالدعاء والاستغفار وتفويض الامر له وحده سبحانه وادعي الله ان يعافيك ويرزقك الذريه الصالحه امين0

ساعدوني ماعندي خبره←
محتارة عطوني رأيكم يابنات→