السحر الحلال تجربتي مع بول الإبل

1. والله طفشت من عرفت شعري خفيف والحين خف بزيادة امنيتي يكثر


2. 4- التساقط خف كثثير ينزل مني شعرتين ثلاث اذا مشطت شعري بس


3. 5- نعومة فائقة خصوصا من أعلى الراس

السلام عليكم
نقلت الموضوع من منتدى بس بصراحه مادخل مزاجي
المهم اذا قريتو وخلصتو تكفون الي جربته تذكر تجربتها بكل امانه

والله طفشت من عرفت شعري خفيف والحين خف بزيادة امنيتي يكثر

أهلين عزيزاتي .. لأول مرة أشارك بمنتدى ولكن عشان أقولكم تجربتي مع بول الإبل اللي لي أسبوع استخدمه , وتستفيدون منها إن شاء الله ودعواتكم لي
أنا ربي خلقني بشعر خفيف ومن يوم جابتني أمي وأنا شعري خفيف .. لكن بعد ما تزوجت ومع الحمل والولادة قربت أصلع وما خليت شي ما استخدمته فيتامينات للشعر أمبولات زيوت خلطات وآخرها والله العظيم مجموعة للشعر بألفين ريال ونفعت شي بسيط ولما أجلس أسبوع ما أستخدمها يرجع شعري باهت وخفيف ويتساقط ولين استخدمت بول الإبل جابه لي زوجي من رعاة الإبل بالرياض وقلت له حق ناقة بكر لأن هذا اللي سمعت فيه حتى يعطونك ببلاش لكن زوجي يقول استحيت وعطيت الراعي 10 ريال والشي الثاني لا تاخذي المعبأة الجاهزة لأنك ما تضمنيها ويمكن مخمرة ,من زمان لأن الأفضل الطازج, الرعاة يعرفون للنياق خلاها تتبول قدام عين زوجي . المهم يوم جابه لي في قارورة موية صحة تحملت ودخلت دورة المياه لبست سفرة ع جسمي وقفزات وكمامات وحطيت البول في كاس بلاستيك وقمت أشفط منه بالبرواز حق العلاج وأحطه شوي شوي ع شعري ابتداء بالفروة إلى نهايات الشعر وبعدها لفيت شعري بكيستين نايلون وقبعة صوف وخرجت والحمد لله الريحة ما كانت طالعة , خليته بشعري 3 ساعات وبعدها غسلته بمويه بس وحطيت عليه فاشكول (حمام الزيت ) عشان يقولون لا تغسلينه بشمبو ع طول عشان يبقى نفعه , والريحة صراحة خفت ما راحت حطيت ع شعري خمرية شعر وبخور وعطر والحمد لله صح فيه ريحة بول لكن خفيفة اللي يقرب يشم شعرك تبان , كررت هذا 5 أيام متواصلة بنفس العلبة كنت أستخدم منها والباقي أحطة بالثلاجة لين خلص .. خامس يوم غسلت شعري بشامبو
النت ايج :
والله العظيم والله ع ما أقول شهيد وأنا صايمة أقولكم بعد ما جف شعري ومشطتة لاحظت بعدهذي ال5أيام :
1- لون شعري أسود لامع بلمعة شقراء وحمرة كمان
2- الشعرة نفسها أمسكها قوية وغليظة وصحية
3- طول في شعري وصل لنص ظهري وكان أول لتحت كتوفي بشوي يعني حوالي طال 5سم في أسبوع

4- التساقط خف كثثير ينزل مني شعرتين ثلاث اذا مشطت شعري بس

5- نعومة فائقة خصوصا من أعلى الراس

هذي ياعزيزاتي تجربتي والله ما كذبت عليكم في ذرة , وأمس طلبت من زوجي علبة ثانية واستخدمتها مرتين مرة في العصر ومرة قبل الفجر عشان كنت أبي أستغلة وهو طازه والباقي حطيته في الثلاجة , وما عاد همني الريحة أهم شي شعري يكثر ويصير صحي لأني بصراحة من يوم أعرف نفسي وأنا أستخدم علاجات للشعر وما عمر شي فادني وجاب لي نتيجة مبهرة وسحرية وسريعة زي بول الأبل , وبالنسبة لإنبات الشعر قالوا لي لازم تنتظري أقل شي أسبوعين لأنه بالعقل صح مو بسرعة يطلع الشعر الجديد يبيله وقت لين تتكون بصيلات الشعر.
أنصحكم خواتي تستخدمونه لأني والله بعد ما شفت نتايجه ندمت ع كل فلوسي اللي راحت في علاجات ثانية من سنين بدون فايدة كبيرة زي بول الإبل اللي وصى فيه الرسول صلى الله عليه وسلم الذي لا ينطق عن الهوى , وأنا قررت أوقفه قبل العيد بأسبوع عشان الريحة وبعد العيد عندي دوام بسير أستخدمه في الشهر مرتين أو ثلاث لأن والله خواتي مفعوله ما شاء الله سريع من أول مرة ومرة على مرة النتايج احسن , خصوصا اللون الأشقر يزيد بعد خامس يوم ولما نظفت شعر ي بالشامبو.