الشعر الدهني

مدري اختي بس في خلطات الكل جربها للشعر الدهني
وانشالله تنفعك بصراحة حبيت اجبر بخاطرك وارد

حبيبتي انا شعري دهني ..
ومانفع شعري الا الصبار الطبيعي وبس
هو يمص الدهن اللي بفروة الرأس وممتاز وعدل شعري وايد والله
واللي شعرها اشوي ناشف او جاف ..
ممكن تستعمل الصبار لفروة الراس وتسوي مساج لشعرها بكريم حمام زيت بنفس الوقت
والنتيجه راح تشوفونها بسرعه
بالتوفيق حبيبتي

أشكرك عزيزتي kitty girl على المعلومه والف شكر لمرورك وردك الكريم انا بالفعل كنت سابقا استخدم امبولات
الصبار شريتهم من الصيدليه ولاحظت انه جفف شعري لكن توقفت عنه الظاهر انه بارجع له مره ثانيه ..
شكرا مرةاخرى...

صح حبيبتي هو يجفف الشعر اشوي
بس لا تنسين ان جفاف الشعر علاجه بسيط خاصه اللي مثل حالتنا
وهو استخدامنا لكريم حمام زيت وتوزعينه على الشعر عشان يطرى
جربي طريقتي واتكلي على الله وراح ترتاحين وتستانسين على النتايج اللي تشوفينها
وللعلم النتيجه تبين بسرعه

عزيزتي kitty girl ممكن تقولين لي أي نوع من حمام كريم الزيت اللي تستخدمينه ...
لشعرك اللي يناسبه ... اذا كنتي تستخدمين كريم الزيت لشعرك .. ولك جزيل الشكر ...

شوفي حبيبتي للامانه اقول لج ..
ماعندي نوع محدد ومعين لكريم حمام الزيت
لاني مو كل مره استخدمه فقط اذا حسيت ان شعري جف اشوي مع استعمالي للصبار الطبيعي
اهني ابدي احط لي كريم حمام زيت .. طبعا على الشعر بس مو لفروة الراس ---> انتبهي حبيبتي
فروة الرأس اركز عليها واحط فقط الصبار الطبيعي واما باقي الشعر كريم وبس
الحين حبيبتي عندي كريم حمام زيت على بابونج وشاريته من الجمعية
واللي قبله كان كريم حمام زيت بالتفاح واللي قبله بعد استخدمت كريم على الصبار واللي قبله على جرجير هكذا ههه
تصدقين اني جربت انواع كثيره من كريمات حمام الزيت وكلها للعلم لها نفس المفعول " تطرية الشعر "
وجذي ياقلبي احب أنوع بالكريم عشان ما امل وازهق بعناية شعري
مع التنويع حبيبتي تحسين بالمتعه اكثر
لاتنسين حبيبتي استمرارج بالصبار الطبيعي
وان شاء الله تشوفين شعرج متغير الى الاحسن خلال اسبوع بس خليج قوية الاراده مثلي ههه
وادعي لي اذا تذكرتيني

الله يجزاج الف الف خير ومشكوره على نصايحج الحلوه راح أجرب عزيزتي كلامج ...