الشوفةالشرعية

شوفي حبيبتي ألبسي اللبس اللي تشوفيه مناسب لك
ولكن كم طويل أفضل من رأيي وفيه بلايز كم
طويل مره كلاسيك وتنوره طويله خليها ساده
والبلوزه هي اللي فيها الموديل تكون نعومه وكلاسيك
وشعرك عادي خليه يشوفه من حقه في الشرع
بس أنتي على حسب عادات أهلك يخلوكي تفتحي
عن شعرك ولا لا..
الله يوفقك يارب

اولا" :
الله يوفقك ويتمم لك يارب ..
ثانيا" :
نصيحه من مجربه خليك ريلاكس ولا تشلين هم ولا تتكلفين ,, خلي الامور تمشي عادي ..
( انا كذا خليت كل شي عادي ومشت الامور تمام )
ثالثا" :
حاولي بقد ماتقدرين تلبسين لبس يناسب طولك - جسمك - لونك - يعني لا تلبسين شي مايناسبك ..
وخليك بسيطه مره لا تتكلفين بالتزيين ..
اهم شي شعرك يكون مرتب ولمسات خفيفه مره من الروج والكحل والمسكره الهاديه ..
ولا تلبسين كعب البسي كعب قصير مره ..
وبالنسبه للطرحه ترا مب لازم عاادي لو ماتلبسين ..
والله يوفقك ويكتب لك الخير

ياقلبي انا يوم الشوفه حقتي لبست فستان طويل ناعم جدا ولبست فوقه جاكيت كم طويل وحطيت في وجهي مكياج ناعم جدا مسكر وكحل وبلاشر وروج بس وشعري سويت له استشوار وتركته بدون طرحه وطبعا ماقدمت لاعصير ولاشيء عشان مع الارتباك خفت اكبه على العريس ههه وانا جلست وهو الي جاء دحل مو انا الي دخلت عليه ومر كل شيء بسلام والحمد لله وعقبالك ياقلبي

ربي يوفقك
انا لبست بدي ناعم مرة وحلو موديله وتحته بلوزة كمها طويل .. وعليه حزام روعه وتنورة طويلة .. وماهي ماسكة ع جسمي
كانت الوانها بمبي وزيتي متداخله مع بعض
وبس كحلت عيوني وحطيت قلوس خفيف .. ولبست طرحة خفيفة .. وشعري كان مفلوت لانه طويل .. ماشاء الله ..
بس ارتبكت بالدخول والله لايراويك :(
للحين متندمة اني ماشفت منه شيء ..
انتبهي وخليك واثقة موزي تدخلين في ابوك او اخوك ههه
ربي ييسر لك .. وانت داخله اقري اية الكرسي ..
ولاتقدمين لاعصير ولاشيء .. ادخلي بطولك بس

البنات ماقصرو معك بس عندي نصيحه لك لا تحاولين تبالغين في الميك اب يعني ماله داعي كحل بس حطي شوي ماسكرا عشان تحلي عيونك وعاد انتي بتعرفين لنفسك ووجهك وش يحتاج بس بدون تكلف واصطناع
والشي الثاني حاولي تلبسين تنوره كلوش ماتكون ضيقه لان الكلوش يعطي فخامه لجسم الوحده مهما كان نوعه او شكله هاذا راي
وان شاء الله موفقه واهم شي لاترتبكين خليكي واثقه من نفسك لان الثقه تزيدك جمال

مشكورات بس اقصد ايش نقدم لام العريس وعادي لبسي لان ماعندي تنانيرالاقصيرة والله يستر اناخجولة

امي العريس خلي اللي بيدخل معك من الحريم هي اللي تضيفها ..
واذا تحسين انك تقدرين تضيفينهاا حلو ضيفهاا وصبي لهاا القهوه .. وعلى فكره ترا هم بيصيرون مقدرين وضعك وخجلك يعني ماراح يحرجونك ان شاء الله ..
توكلي على ربك بس رتبي امورك يعني لازم الضيافه تكون قد المقام ,,
وبالنسبه للتنوره لا تلبسين قصير ابد خلي القصير بعدين لاحقه ..
البسي لبس محتشم وشياكه وكله اناقه ..
بالتوفيق

ام العريس الله يسعدها ام ابو الشباب
لاطلبت تشوفني ولاشيء بس يوم الشوفة امي اصرت الا ادخل عليها .. واهلي هم ضيفوها .. وجات هي بس واختها .. واصلا هي صارت تقول ولدي منحرج انا اقوله كيف البنت اجل .. ولاناظرتني ولاشيء بس يوم سلمت عليها وجلست جنب ماما .. واستمروا في كلامهم عادي وانا في جو ثاني ههه واختها صارت تقولي ماصب لك قهوة <<< تمون .. ^_^

هلا ياقلبي البسي لبس ساتر كم طويل وتنوره طويله .. وشعرك خليه عادي لا تلميه .. لم تدخلي علي خطيبك لا تحطي مكياج خليه يشوفك بطبيعتك احلي .. قدمي كاسه عصير بس اول ما تدخلي اتفقي مع ابوك ولا احد من اخوانك يشيلها من يدك ويقدمها لخطيبك لانو مع الربكه يمكن تكبي العصير وتروحي فيها .. ويارب يوفق بينكم ياقلبي .. ويكتب لك السعاده