الغسول للمنطقه الحساسه السواك للمتزوجات صور

قال رسول الله صلى الله عليه وسلم : السواك مطهرة للفم ومرضاه للرب // لو أشق على امتي لامرتهم بالسواك عند كل صلاه ...
طبعا ً السواك له فوائد كبيرة احنا نجهلها ..
ذكرها لنا الرسول وكانت معاه لي اخر يوم في عمره ..
وانا عندي فكره اخذتها من تجربه امهاتي ونصحوني فيها .. وماراح ابخل عليكم فيها ..
وانا مابي غير منكم دعوه من قلب :: ان ربي يعوضني بالذريه الصالحه :: السليمه المعافاه.
لكم الغسول بالتفاصيل والصور

• 0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0

(1) اشتري "سواك طبيعي" مافيه نكهات ولا نعناع ولا شي لازم يكون طبيعي
(2) قطعي السواك لاجزاء وكثر ماتقدرين قطعيه بيدج وبالسكين
(3) حطيهم وبالمطحنه على دفعات .. علشان تقدرين تطحنينهم عدل
(4) اطحنيهم عدل بس حاولي مايكون ناعم ويد لا نص ناعم ونص خيوط صغيره
(5) وعقبهاا .. جيبو جدر نظيف ويكون حجمه وسط لا كبير ولا صغير .. وحطو فيه ماي من الفلتر حاار لي نص الجدر مو تترسونه
بنات ديرو بالكم لاتحطون السواك مع الماي لما يقعد يغلي على النار لانه يضيع فوائده .. بس ماي عرفتوو
(6) بعدي الجدر عن النار .. وحطي السواك معاه ..
نكمل ..
خليه لي ثاني يوم علشان يمتص الماي فوائد السواك
(7) جيبي فانيله داخليه نظيفه " حق زوجج او ولدج او اخوج اي احد " البيضه القطن .. بنات نظيفه وقطن .. لانج راح تشخلين فيها الماي
(8) جيبي دولكه زجاجيه نظيفه .. وحطي عليها الفانيله القطن طبقه وحده مو طبقتين مثل الصوره وصبي عليها الماي اللي بالجدر .. ( كأنج تشخلين جاي ورق فهمتو الطريقه )
راح ينزل الماي بهذا اللون ..
وحزتها خذو هالماي وحطوه ببطل اللي يعجبكم ..
ووضوء العافيه ..
((((((((((((((((( تنبيه ))))))))))))))))
.

• * وتقدرون تستخدمون هالغسول لاي شي ثاني مثلا للي فيها حساسيه بعيونها او اي شي اخر

وترى مرت اخوي ماكنت تجيب عيال وبعد هالغسول الله رزقها ..
ولا تضيفون عليه ملح او سدر .. خلوه مثل ما قلت لكم ..
ولا تنسون الدعاء
شاكره لكم .. -منقول-من العضوة اغادير