الفتور في الحياه الزوجيه

صباحكم \مسائكم ورد وفل وياسمين..
هذي رح تكون اول مشاركه لي فالمنتدى والله يشهد علي انو ماسجلت بالمنتدا الا عشان ابي الشور والمعونه منكم ..واتمنى ماتخذلوني..
رح ابدا لكم بحكايتي على طول,,
انا متزوجه تقريبا من اربع سنين ونص وعندي بنت والحمد لله كانت حياتي من بدايها مثل الاساطير كلها حب وتفاهم ورومانسيه ..
كان يداريني حتى من النسمه يخاف علي اكثر من روحه..ويحس فيني حتى من نظراتي وقبل لاتكلم ..
كنت احس انو عايشه مع (عشيقي)مو زوج وزوجه..
وتقريبا من سنه بدا الوضع يتغير ,,
صار زوجي يشرد بتفكيره كثير ودايما مهموم ومشغول صارحته وسالته اكثر من مره ويقول لي مافي شئ..
هذا الشئ اثر حتى على علاقتنا الخاصه صرنا بالاسابيع مافي بيننا اي شئ
احس انو صرنا فالبيت مثل الاصدقاء...
صار في حياتنا فتور وبرود غير طبيعي ...
حاولت كثير اغير من الروتين والبرود اللي سيطر على حياتنا بس ماقدرت ..يتغير الوضع يوم يومين ويرجع مثل قبل..
وربي قبل ماكان تغمض له عين الا وانا جنبه وبحضنه والحين وربي ينام ولا يسال متى بتنامي و حتى احيان ينسى مايقول تصبحي على خير...
تعبت من جد تعبت احس هالشئ ممكن ياثر على حياتنا ويحط لها نهايه وهذا اللي مخوفني...
اتمنى منكم خواتي تفيدوني وش اسوي وكيف اغير من هذا الوضع اللي من جد تعبني وتعب نفسيتي ...
انتظر ردودكم ودعواتكم....