الفراشات يللي اتزجوا بدون حفلة زفاف

السلام عليكم يا فراشات
خلينا نغير شوي بالمواضيع و ان شاء الله يكون موضوع جديد
بالنسبة للمتزوجات يللي لم يكن لهن حفل زفاف يعني اتزوجوا بلا حفلة زفاف
كيف كان شعورهن ؟؟ و هل تأثرن بها بعد الزواج؟؟ و شو هي الظروف؟؟
بالنسبة لي انا اتزوجت بلا حفلة زفاف و السبب ...................................حرب تموز 2006 على لبنان
تصوروا بدأت الحرب قبل يوم زواجي بعشرة ايام بس , و كل ما اتذكر كم صرفنا و اتكلفنا اتضايق نفسيا و كنا حاجزين بالفندق و كنت موزعة كروت الدعوة و جاهزين من كله
و لم نستطع نأخر الحفلة لان اهلي بالسعودية و اهله بالامارات سافروا و رجعوا للخليج و اغلب عائلتنا سافروا بوقت الحرب و ما قدروا رجعوا للبنان بعد الحرب و زوجي حضرته مستعجل و ما بدو يأخر الزواج سنة كاملة
سبحان الله ما لي نصيب بحفلة زواج كل ما اسمع بحفلة عرس اقول الحمد لله على كل حال يللا عسى ان تكرهوا شيئا و هو خير لكم
بس ارجع و اقول حفلة الزفاف شىء ثانوي يعني ما لازم يأثر على الحياة الزوجية لان في ناس طلع لهم احلى اعراس و سبحان الله ما يتوفقوا مع بعض
المهم التوفيق بين الزوجين و الحمد لله
و الله يوفق كل زوجين طلعلهم حفلة او لا
ناطرة ردكن يا حلوات
بس رحت انا و زوجي اتصورنا باستوديو طبعا كت لابسة فستان العرس و رحنا الاوتيل قعدنا كم ليلة و ارجعنا لبيتنا
يللا نشوف باق الفراشات