الفزعة يا بنات جدة

روحي مجمع العرب تلاقي فيه ان شاء الله لانه كبير
اما الوصف والله انا ما اعرف اوصف
ان شاء الله البنات يفيدوونك

مشكورة اختي نوف على الرد

انا اقولك فيه عزيز مول في حي الصفا مره مشهور عند دوار الطياره القديم
وام الاندلس انا حافظه كل شبر فيه متكامل هوه عند الدوار الكبير من جهه حي النسيم
وعندك الرد سي عند البحر وفي عندك استار افينو وفيه حراء وفيه مجمع العرب على طريق المطار وفيه ام الجامعه بلازا والجامعه مول جمب بعض قدام جامعه الملك عبدالعزيز في العنوان لو انه تروحي بتكسي انتي وزوجك افضل لاني ما اعرف اوصف كثير

شوفي حياتي عنك الردسي مول في امتداد شارع الامير سلطان
وعندك الاندلس في حي النسيم علي الشارع العام
ومجمع العرب امتداد طريق المدينه في النهايةكانك رايحة المطار

مشكورات حبياتي بس ايش افضل سوق في جدة لانو انا ابغى اروح سوق واحد عشان ارجع اتسحر في البيت يعني ما ابغى ادور في جدة

روحي الاندلس بصراحه متكامل وانا انصحك انه تقولي وين راح تستاجرين عشان نقولك ايش اقرب مول لك

انصحك بمجمع العرب حبيبتي كبير وفيه كل المحلات
الوصف اسفه والله مااعرف اوصف
دعواتك ياقمر