الفواحات

درب الأمل

13-09-2022 - 01:55 pm

سلام يااحلى فراشات
انا صراحه يااخواتي خبرتي في العطورات زيرو
وابيكم تدلوني على احلا الفواحات ومجموعه للجسم وخمريه للشعر والدهن والعود خاصه ان زواجي قرب
ولاعرفت شي فيهم يعني فين احصلهم ؟؟ ولمن ادخل المحل ايش اقولهم ؟؟
وكم اسعارهم؟؟
تكفون يافراشات ساعدوني لاني والله ماعندي اخوات
الله يسخر لها زوجها اللي تساعدني ويرزقها الذريه الصالحه
وجزاكم الله خيرا

التعليقات (8)

احساس اريج

13-09-2022 - 04:53 pm

شوفي ياعمري عندك نكتار فيه فواحات روعه
وزهور الريف بعد عنده اشياء حلوه
والماجد خوذي منه بخور الماجد روعه
وعبدالصمد القرشي عنده خمريات روعه للعروس اطلبي منه ويعطيك بس غالي شوي

درب الأمل

13-09-2022 - 05:54 pm

مشكور قلبو على مرورك وردك
ايش اسم الفواحات؟

**الدانه**

13-09-2022 - 06:55 pm

الفواحات عندك في سيتي بلازا روحي الحين فرصه تخفيضات <<< انا كشيت منهم
ونكتار خذي منهم لوشن دريم وعندهم فواحات بعد وخذي منهم المجموعه بريحة التوت مدري الفراوله اختي مادحه واحد منهم
وزهور الريف << برضوا عندهم فواحات..
العود خووذي اوقيه من الماجد انا خذتها على ايام التخفيض ب300 عاد الحين مدري كم ...
وخووذي منهم معمول العرايس اللي مقلطس الحبه ب15 الظاهر خذيلك 15 حبه ,,
وخوذي بخور الماجد مره روعه الظاهر ب100 انا شاريته يوم التخفيض ب50 ..
وخوذي المبسوس خوذي لك اوقيه نسيت كم سعره ..
وخوذي خمريه منهم ربع توله .. وخوذي بعد ربع او نص توله كمبودي ..
وخذي لك لوشن ندى ومخلط ريما منهم ..
وروحي لعبدالصمد القرشي ربع توله مسك الطهاره اللي لونه اسود ب200 على مااعتقد ..
وبالتوفيق

درب الأمل

13-09-2022 - 08:57 pm

الدانة الله يجزاك خير وربي استفدت منك
فوفو مشكور على الرفع رفع الله قدرك

ام هشام2007

13-09-2022 - 09:58 pm

احساس اريج

بيض النوايا

13-09-2022 - 10:59 pm

هلا فيك دروب الأمل
نكتار عندهم مخلط خمسه في واحد اسمه نجمة نكتار
يعني يصلح عطر ومعطر جسم وخمريه ومعطر مفارش ولا لوشن على مااعتقد ب190ريال واذا تبي العطر لحاله 190 ريال
فواحه من نكتار بالتفاح الاخضر حلوه
وبعد عندهم مجموعه براد العطر لوحده185ريال
زهور الريف عندهم زهره الكاملياطقم واذا تبي مفرق عادي يعطيك المجوعه 350ريال بس هذا وقت التخفيض
والمخلطات مخلط الف ليله وليله ومخلط العاذريه
وللمعلوميه بودي شوب عطورهم ماتثبت
اذا تذكرت شي برجع اكتبلك

حصة رسم

14-09-2022 - 12:00 am

بالتوفيق

روعة دنيتي

14-09-2022 - 01:01 am

حبيبتي الفواحات انتي قولي له ابي فواحه ويعطيك وبعدين خذي زيت حق الفواحه شمي وخذي اللي يعجبك وافضل شيئ من نكتار او زهور الريف
بعدي عن بودي شوب زي ماقالت الاخت مايثبت

رسومات حناء للعرائس←
خاص لبنات الشرقية مشغل اركيدواستوديو لولو ستايل→