القهوة التركية بالندق راعية السنع

مرحباً بالسنعات
كيف حالكم يافراشات
حياكم الله بموضوعي الاول في المنتدى
وبما انه الاول قلت يابنت وريهم السنع وقهويهم
لا وعازمتكم على قهوه تركي بالبندق
القهوة هذه بصراحة تعدل المزاج وتخليك مروقه مره لان طعم البندق شي شي
يعني بعد هذه الوصفة ستار بكس راح ينضرب سوقه
ما اطول عليكم بالوصفة الخونفشاريه
الاحتياج
قهوةالرفاعي بالبندق (قهوة تركي بالبندق)
تلاقونها في محامص الرفاعي الكيلو 70 ريال
الوصفة لفنجانين من القهوة
3 ملاعق صغيرة قهوة بالبندق ماتكون ممسوحة
2 حليب بنفس فنجان القهوة الي راح تقدميها علشان تضبط الكمية 100% لان اذا زاد الحليب شوي ضيع نكهة البندق
1مغلف سكر توربيكان كافي للفنجانين بالراحة او سكر حسب الرغبة
ملاحظة :مقابل كل فنجان ملعقة ونص او ملعقتين قهوةبالبندق والفناجين تكون الصغيره حقت القهوة التركي
الطريقة
نحط القهوة مع السكر في غلاية الحليب ونحركهم مع بعض قبل لانحط الحليب
بعدين نحط الحليب ونحط الغلاية على النارهادية الي ان تفور
ونصبها في الفناجين
ونقدمها ونستمتع بنكهة البندق الناعمة والرائعة
تفضلوا بالعافية على قلوبكم
وهذه القهوة ياسنعات جربوهابإذن الله راح تعجبكم وادعولي ربي يرزقني الذرية الصالحة عاجلاً غير آجل