الكرامة أولا والحب ثانيا

]الجزء الأول
.............
.............
كان المتصل يوسف ... كنت مسيفه رقمه بأسم ياسمين ... يعني تمويه ... علشان اذا اي احد شاف موبايلي مايعرف انه يوسف ...
.............
رديت عليه ...
تباهي : " الو ......... "
يوسف : " ..............................................."
تباهي بعصبية وشبه صراخ : " يوسف "
يوسف : " ..............................................."
تباهي بعصبية أكثر : " انت الحين متصل فيني علشان تسكت ؟؟؟ "
نطرت جوابه ... بس ما لقيت غير السكوت ...
قلت له : " اوكي " ... وسكرت الخط بويهه ... قهرني ... قهرني سكوته ... قهرني ضعفه ... قهرني غباءه ... فكرت بشخصيته ... اهوا صج رومانسي وحنون ... بس ... بس شخصيته وايد ضعيفه ... هذا اللي بيدافع عني ؟؟؟ ... هذا اللي بيكون لي سند ؟؟؟ ... هذا اللي معاه بحس بأمان ؟؟؟ ...
آآآآآآآآآآآآه يا الأمان ...متى بحس فيك ؟؟؟ ... عقب هالتنهيده اللي تنهدتها ... حسيت ببروده ... حسيت بخوف ... حسيت بالضع ف ... وحسيت اني وحيده ... وحيده بعالم مليان بالناس ... ما حسيت الا بدموعي تنزل على خدي ... طالعت دموعي ... دموع المظلوم ... دموعي اللي ما نزلت جدام احد امس ... دموعي اللي ما احتجتها بعمري كثر ما احجتها امس ... امس اللي تميت ساكته ... وما دافعت عن نفسي ... ما دافعت لأني خفت اتكلم وادافع عن نفسي ... ودموعي تنزل ... خفت اني مااقدر اسيطر على دموعي ... مااحب احد يشوف دموعي ... كان اهون علي امس يشوفوني بموقف الغلطانه والمذنبة ... ولا يشوفون دموعي ... قعدت ابجي ... ابجي من القهر ... ابجي من الحزن ... ابجي من كل شي ... وابجي من ولا شي ... سمعت موبايلي يرن مره ثانيه ...
...
شفته ... تنهدت ... مابي ارد ... مو ناقصة قهر ... حطيته على السايلنت ... وكملت البجي ... ماادري شكثر بجيت ... ما حسيت بنفسي ... ولا حسيت بالوقت ... سمعت فجأة صوت احد يطق الباب ...
سكت وقلت : " منو ؟؟؟ "...
كانت خالتي سلمى : " انا سلمى ... فتحي الباب ..." ...
مابي افتح لها ... مابيها تشوف دموعي ... مابيها تشوف ضعفي ... مابيها تشوف عيوني اللي ورمت من البجي ... فكرت بشنو اتعذرعلشان ماافتح لها ... وكان الفرج من ربي سبحانه ... سمعت اذان الظهر ...
قلت لها : " خالتي انا بتيدد الحين وأصلي ... مااقدر افتح لج الحين ..."
ما قدرت تعترض او تقول شي ... قالت لي :" خلاص على راحتج ... بس اذا خلصتي ناديني ..." ... سكت ما رديت عليها ... دخلت الحمام ... علشان اتيدد ... شفت ويهي بالمنظرة ... ويهي يبين اني كنت ابجي ... غسلت ويهي ... يا ربي ماأبيهم يعرفون اني كنت ابجي ... تيددت وطلعت من الحمام ... لبست ثوب الصلاة ... صليت الظهر ... قعدت على السيادة ... ودعيت ربي يفرج عني همي ... ابي ارتاح ... قريت قرآن ... ودعيت ربي يرحمني ويرحم ضعفي ... يارب اغفرلي ... يارب ابعد عني عيال الحرام ...اللهم لا تسلط علينا بذنوبنا من لا يخافك فينا ولا يرحمنا ... قعدت افكر ... وقعدت استغفر ربي على اللي سويته ... واللي قطعني من الاستغفار ... كان صوت الطق اللي على الباب ...
قلت : " منو ؟؟؟ ..." … وهم كانت خالتي سلمى ...
سلمى : " يالله عاد فتحي عن الدلع ... عطيتج ساعة ... ما خلصتي صلاة ؟؟؟ "...
فتحت لها الباب وانا ساكته ... سكرت خالتي الباب ... وقعدت يمي وقالت : " ما تبين تتكلمين ؟؟؟ " ...
لفيت ويهي صوب الدريشه وانا ساكته ...
سلمى : " وبعدين معاج ؟؟؟ ... انتي ليش جذي تسوين ؟؟؟ ... ليش ما تتكلمين وتريحين نفسج وتريحينا معاج ؟؟؟..." ...
لفيت ويهي اطالعها وقلت لها بسرعة :" انا مرتاحة جذي ..."... مرتاحه ؟؟؟ مرتاحه يا تباهي ؟؟؟ ... آآآآآآآآه جان زين اقدر ارتاح ...
حست فيني خالتي سلمى وقالت بسرعة : " لا مو مرتاحة ... انا اعرفج عدل ... تكلمي ............. ما تبين تتكلمين ؟؟؟ " ...
قلت لها وانا خانقتني العبرة :" شتبيني اقول ؟؟؟ ... "...
سلمى : " اي شي ... قولي اي شي ... بس المهم تدافعين عن نفسج ... لا اتمين ساكته جذي ..."...
رديت صديت بويهي عنها وقلت :" ادافع عن نفسي شقول ؟؟؟ انتوا شفتوا اللي صار ... وصدقتوا كل شي ..." ... رجعت اطالعها وكملت :" قلت لكم اني مظلومة ... بس ما صدقتوا ولا راح تصدقون ..."...
حطت خالتي سلمى ايدها على جتفي وقالت :" انا مصدقتج ... قبل حتى ما تتكلمين وتدافعين ... بس ابيج تتكلمين ... تطلعين اللي بقلبج ... تفهميني وتفهمين امج اللي صار "...
حسيت بدموعي راح تنزل فقلت لها : " ماابي اتكلم الحين " ...
ووقفت عند الدريشة اطالع برا ...
سلمى : " انزين على راحتج " ...اوقفت ولما وصلت عند الباب ...
قالت : " نزلي بعد شوي حق الغدا " ...
قلت لها : " مابي غدا "...
سلمى : " تبين اييب لج الغدا فوق ؟؟؟ " ...
تباهي : " مابي شي ... مااشتهي "...
لفيت ويهي اطالعها ... علشان اقفل الباب عقب ما تطلع ... شفتها تطالعني واهيا تهز راسها بمعنى ( ماكو فايدة فيج ) وقالت ...
سلمى : " كيفج ... بس متأكدة انج ما تبين شي ؟؟؟ " ...
سكت ...ما رديت على سؤالها ... فتحت خالتي سلمى الباب بتطلع ... وقفت لما ناديتها وقلت لها : " خالتي ابي اسويج سيارتي ..." وكملت بنبرة ترجي : " قولي حق امي تعطيني السويج "...
طالعتني وقالت : " انتي لو تدافعين عن نفسج وتتكلمين ... جان ما خذت السويج منج ... على العموم بكلمها لج وارد لج السويج ... "...
كل اللي قدرت عليه اني ابتسم لها ...
عقب ما طلعت خالتي سلمى من غرفتي ... رحت وراها اقفل الباب ... وانسدحت على السرير ... ابي اغصب نفسي علشان انام ... وارتاح من التفكير ... رن موبايلي ...
...
...
.............................
يتبع في الجزء القادم .... طموح انسانه

وينكم ؟؟؟
ليش ماكو ردود ؟؟؟
ابي اشوف رايكم ...

يعطيج العافية
يالله تحمست بعرف شصار عقب!!!!!!!!!!!!

dum dum
الله يعافيج حبيبتي ...
مشكوره على ردج ...

...
بعد ما قريت المسج اللي كان من وليدو ... واللي كاتب فيه ...
كتمت شهقتي ... ما صدقت اللي قريته ... لا اكيد انا اتخيل ... رديت قريت المسج مره ثانيه ... عيل اكيد اني اتوهم مو وليد اللي داز المسج ... ورديت قريت اسم اللي داز المسج ...
... هذا اكيد ين ... والا صار بمخه شي ... حسيت ان دموعي بتخونني وتنزل ... مسكت دموعي غصب ... صيري قويه وسيطري على ضعفج ... شفيج ؟؟؟ ... لا تخلين اللي بالسيارة يشكون بشي ... خليج طبيعية ... شلون اصير طبيعيه عقب هالمسج ؟؟؟ ... انا انسانه ولي مشاعر وانفعالات ...مااقدر اتحكم بإنفعالاتي ... مااقدر ... انزين لا تبجين وتفضحينا ... هذي بداية الحرب اللي بينج وبين وليدو ... واللي بداها وليدو قبلج ... بس بداها بأسلوبه ... بداها بأسلوبه الرخيص ... وبعدين لحظه ... وين الكلام اللي قلتيه اليوم ؟؟؟ ... وين كلامج ؟؟؟ ... نسيتي ؟؟؟ ... وين اللي تقول لا للإستسلام ... لا للخضوع ... لا للتنازل ؟؟؟... هذا وقته طبقيه ؟؟؟ ... والا بس حجي ؟؟؟ ...
احمد : " هي ... تباهي " ...
اخترعت من صرخته وتذكرت اني بالسياره مع خالي وامي وخالتي سلمى ... حتى ما سمعت سوالفهم ... ولا ادري شنو قالوا ... وما انتبهت انه كان يناديني من زمان ... رديت عليه وقلت : " ها ... " ...
احمد : " شنو اللي ها ؟؟؟ ... صار لي ساعه اكلمج ... شفيج ؟؟؟ ... " ...
امي انقذتني وقالت : " اكيد قاعده تسمعين الراديو من موبايلج " ... الحمدلله ياتني من ربي ... قلت : " اي ... ما سمعتكم ... كنت اسمع الراديو ... " ... طالعتني خالتي سلمى بإستغراب ... لأنها قاعده ورا يمي ... وتشوف اني مو حاطه السماعه ... يعني مليون بالأميه جذابه ... بس الحمدلله انها سكتت وما علقت على الموضوع ... بس طالعتني بنظره عرفت ان ... ( الله يعينج يا تباهي ... على التحقيق اللي بيصير ) ...
احمد : " اقولج دقي على ساروو ... خليها تنزل ... يالله بنوصل " ...
اوف اخيرا وصلنا بيت خالي محمد ... بيت خالي محمد قريب من بيتنا ... بس حسيت اليوم انه بعيد … حسيت انه مو بالكويت ... بدوله ثانيه ... دقيت على ساره ...
ساره : " هلا وغلا " ...
تباهي : " هلا فيج ... ها جاهزه ؟؟؟ " ...
ساره : " اي ناطرتكم ... متى بتيون ؟؟؟ ... " ...
تباهي : " يلا نزلي ... احنا برا " ...
ساره : " اوكي " ...
ركبت ساره السياره ... قعدت وسلمت ... وطبعا طول الطريج واهيا من سالفه لي سالفه ... بس الحمدلله ... حسيت انها عدلت نفسيتي شوي بسوالفها وضحكها ... جان زين انا مثلج يا ساره ... ما يهمج شي ... يعني اللي يشوفها شلون تسولف وتضحك ... ما يقول انها على الأقل سقطت اليوم بماده ... يعني لو انا اللي سقطت جان شصار فيني ؟؟؟ ... آآآآآه الحمدلله على كل حال ... وصلنا البيت اللي مسوين فيه العزا ... وكان بيت عمة دلال ... نزلنا وخالي احمد نطرنا بالسياره ... دخلنا البيت ... سلمنا ... عزيناهم ... وكل شي مر بشكل طبيعي ... بس اللي كان مو طبيعي ... دلال والبجي اللي تبجيه جدام الناس ... كان شكلها يقطع القلب ... مسكينه ...
ساره : " اقول تباهيو ... قاعده تشوفين اللي انا اشوفه ؟؟؟ ... " ...
تباهي : " قصدج دلال ؟؟؟ ... " ...
ساره : "ها عيل ؟؟؟ ... بالله عليج انتي قاعده تشوفين احد مو طبيعي غيرها ؟؟؟ ... " ...
قلت لها وانا معصبه : " لأ " ...
ساره : " اتهقين ليش قاعده تبجي ؟؟؟ ..." ...
تباهي : " يا الخبله ... يعني ليش قاعده تبجي ؟؟؟ ... عمتها ماتت ... تبينها تضحك والا ترقص ؟؟؟ ... " ...
ساره : " لا يا غبيه ... صج انج على نياتج ... اهيا مو قاعده تبجي على عمتها ... قاعده تبجي على خطبتها اللي تفركشت ... " ...
تباهي : " مسكينه " ...
ساره : " هذي مسكينه ؟؟؟... " ...
تباهي : " لا حول ولا قوة إلا بالله ... مو زين الشماته يا بنيه " ...
ساره : " روحي زين ... بس تدرين ... ودي ادور حق عمي بنت ثانيه بسرعه ... اكيد خيره ماتت عمتها بهالوقت بالذات ... صج لما قالوا ... مصائب قوم عند قوم فوائد " ...
تباهي : " امبي يالمينونه ... بسج شماته ... استحي على ويهج ... احنا بعزا ... وانتي تحشين ؟؟؟... " ...
ساره : " ههه " ... ضحكت ساره وخلت الحريم يلتفتون علينا ويطالعونا ...
تباهي : " فشلتينا الله يفشلج ... راح الأجر " ...
سلمى : " سارو ... وويعه ينيتي ؟؟؟ ... " ...
ساره : " مادري شلون ضحكت ... ضحكت بدون مااحس بعمري ... ترى ملينا يلا قومو " ...
امي : " تونا داشين بسم الله ... نطروا شوي " ...
تباهي : " خالي ينطرنا برا ... بس عزيناهم وخلصنا ... بعد ليش نقعد ؟؟؟... " ...
قعدنا شوي ... وطبعا ساره ما اسكتت ... قعدت تحن عليهم لي ما طلعنا ...
واحنا بالسياره ... طبعا خالي العاشق الحنون ... يسأل عن دلال ... شلون دلال ؟؟؟ ... شلون نفسيتها ؟؟؟ ... ان شالله تمام ؟؟؟ ... انا وساره سكتنا ... ما جاوبناه ... بس قعدنا نطالع بعض …امي وخالتي ردوا عليه ... وبنص السالفه اقطعتهم ساره وقالت : " عمي شرايك نطلع اليوم نتمشى ؟؟؟ ... من زمان ما طلعنا معاك " ...
تباهي : " لا مالي خلق ... وما خلصت جنطتي حق باجر "...
احمد : " انتي ما أذيتينا بجنطتج ؟؟؟ ... ما يسوى علينا هالشاليهه ... جنج اول مره تروحين شاليهه ... ترى اقصاها اسبوع وبنرد ... لايكون بتودين ثيابج كلها ؟؟؟ ... " ...
رديت عليه ... وانا ابي احر ساره اللي ماتت من الضحك علي وقلت : " والله شسوي ؟؟؟ ... طول عمري انيقه واحرص على اناقتي ... من جذي ولله الحمد انا مشهوره بالأناقه والكشخه " ...
ساره : " عشتو " ...
قالت خالتي سلمى واهي تكلم خالي احمد ...
سلمى : " انت الحين من صجك بتوديهم ؟؟؟ ... انزين وصهيب ؟؟؟ ... " ...
احمد : " ههه ... شفيج خربتي علي ؟؟؟ ... كنت ناوي اقص عليهم ... اخليهم يلبسون واكشت فيهم ..." ...
تباهي : " احلف ... من صجك ؟؟؟ ... وين قاعدين ؟؟؟..."...
احمد : " قاعدين بالكويت ... شنو اللي وين قاعدين ؟؟؟ ... " ...
ساره : " الحين صهيب منو وشكو ؟؟؟ ... " ...
تباهي : " ههه ... هذا الله يسلمج صديق عمج الصدوق " ...
خالي احمد فهم نغزتي وقال : " ههه تباهي لا تتحرشين ... شفيج سارو ما عرفتيه ؟؟؟ ... ولد عمي صهيب ... " ...
ساره : " اي تذكرته ... شخباره ؟؟؟ ... رد من امريكا ؟؟؟ ... " ...
احمد : " اي من اسبوع ... شفيج ما تدرين عن الدنيا ؟؟؟ ... والله غريبه ... اول مره تصير " ...
امي : " شنو اللي اول مره تصير ؟؟؟ ... " ...
احمد : " اول مره ما تدري عن الأخبار ... كل مره تعرف السالفه قبل حتى ما نقولها لها " ...
امي : " اذكر ربك ... لا يصير بالبنيه شي " ...
ساره : " اي والله ... عمتي قولي له لا يصير فيني شي " ...
تباهي : " لا تخاف عليها ما يطوفها شي ... بس ذاك الاسبوع كانت منشغله بالامتحانات ... والحمدلله النتايج روعه ... صج صج ... من جد وجد ... ومن زرع حصد …ههه " ...
ساره عصبت وقالت بصوت واطي علشان محد يسمعها : " انزين انا اوريج " ...
شفت موبايلي
... وكانوا من يوسف ... الحمدلله اني كنت حاطته سايلنت ... وصل لي مسج وكان من يوسف ...
ساره : " انزين عمي ليش ما تبي تطلعنا ؟؟؟ ... " ...
احمد : " اوهو ... هذي شالحنة ... سكتوها تكفون ... فكوني منها " ...
ساره انصدمت من رد خالي احمد وقالت : " شدعوه " ...
سلمى : " خلاص يطلعكم مره ثانيه ان شالله ... اليوم عازم صهيب ولد عمي على العشا عندنا بالبيت " ...
تباهي : " انزين مو اليوم المفروض تروح تخطب ؟؟؟ ... شلون تعزمهم على العشا ؟؟؟ ..." ...
ردت علي امي وقالت : " لما شاف ماكو خطبه ... عزم صهيب اليوم بدال ما يعزمه الأسبوع الياي "...
ساره اغمزت لي وقالت : " وعزمت اهله معاه ؟؟؟ " ...
مالت عليج يا سارو ... صج ملقوفه وغبيه ... يعني طالعه فيها ... تبيني استانس اذا عرفت ان يوسف بيتعشا عندنا ... ما تدري ان خلاص كل شي انتهى ... حقرتها وسكت وما علقت على سوالفها ... لحظه ... تصدقون اني ما سمعت الجواب على سؤالها ؟؟؟ !!! ...
وصلنا البيت ... رحت غرفتي بسرعه انا وساره ... الحمدلله ان وليد كان طالع وما شفته ... حسيت بالملل علشان جذي قلت حق ساره ...
تباهي : " سارو ... اتصلي على شيوم اختج خليها اتيي تقعد معانا " ...
ساره : " شيوم لي الحين ما خلصت الامتحانات ... باجر آخر امتحان عندها ... امتحانها الساعه 8 مبجر ... اول ما ترد نمشي ان شالله " ...
تباهي : " تمشون وين تروحون ؟؟؟..." ...
ساره : " الحمدلله والشكر ... الحين جنطتج اللي خابتنا فيها يا أم الأناقة ... ليش قاعده تزهبينها ؟؟؟ ... " ...
تباهي : " ههه ... اي تذكرت " ...
ساره : " يالله ... قاعده اسمع ... تكلمي " ...
استغربت وقلت لها : " شتسمعين ؟؟؟ " ...
ساره : " خلصينا ... قولي السالفه اللي قلتي بتقولينها لي اذا شفتيني ... عبالج بنسى ؟؟؟ " ...
تباهي : " واي ... انتي ما تنسين شي " ...
ساره قعدت يمي على السرير واهيا متشوقه انها تسمع السالفه وقالت : " لا ما انسى ... يالله قولي لي السالفه ... كلي آذان صاغيه " ...
وبعد ما قلت لها عن اللي صار ... ساره انصدمت وقالت : " وليد صج ما يستحي ... شلون يفضحج ؟؟؟... ليش ما سكت ؟؟؟..."...
تباهي : " سكتي هزأني ... حسيت نفسي ولا شي " ...
ساره : " انا منصدمه بيوسف ... معقوله يسويها ويسجل صوتج وانتي تكلمينه ؟؟؟ " ...
تباهي : " وليش ما يسويها ؟؟؟ ... انا المينونه اللي صدقته ... قلعتي استاهل ... بس الحين انا خايفه ان يقول حق خالي والا ابوي بالسالفه " ...
ساره : " لا مو معقوله يقول حق ابوج ... يعني يروح له ويقول له بنتك اللي عايشه عندنا هذي سوالفها ؟؟؟ ... لا ما توصل ... وبعدين مادري احس وضعه ما يسمح له انه يكلم ابوج وبهالسالفه بالذات " ...
تباهي : " مادري والله ... سكتي ميته من الخوف حاطه ايدي على قلبي " ...
ساره : " تبين الصج ؟؟؟ ... فكه من يوسف ... بصراحه امي وابوي يبونج حق عبدالعزيز اخوي " ...
انصدمت وقلت : " نعم ؟؟؟ ... منو ؟؟؟ ... عزوز اخوج ما غيره ؟؟؟ ..."...
ساره : " اي اشفيه اخوي ؟؟؟ ... وبعدين شنو عزوز قولي عبدالعزيز ... هذا بيصير ريلج " ...
تباهي : " روحي زين انتي واخوج ... ليش خلصوا الرياييل بالديره علشان آخذ اخوج ؟؟؟ ... " ...
ساره : " انزين بس لا اتييني تترجيني علشان اقنعه انه يخطبج " ...
تباهي : " ههه ... من صجج انتي ؟؟؟ ... انتي ما تشوفينا نجره وهواش كل ما شفنا بعض ؟؟؟ ... شلون نتزوج ؟؟؟ ... " ...
ساره : " اي اهوا هذا رايه ويقول ان لسانج طويل وما تسمعين الكلام ... بس ابوي يقنعه انج خوش بنيه وطيبه وحلوه وفيج مواصفات " ...
انا اهني قعدت اطالع سارو وانا منصدمه وقلت : " اها ... قصدج ان عزوز ما يبيني ... وانتو حضرتكم قاعدين تقنعونه ... هذا اللي ناقص ... اشوه انج قلتي لي " ...
ساره : " ها " ... توها تستوعب انها قالت لي اشياء المفروض ما تقولها ...
تباهي : " ههه ... شفيج عادي ... انا وعزوز ما نصلح حق بعض ... اصلا مادري شلون فكرتوا جذي " ...
ساره : " ليش يعني ؟؟؟ ... "...
تباهي : " انا اقولج ... لأن بكل بساطه ... راح اتطلق من ثاني يوم اذا تزوجت اخوج " ...
ساره : " ادري ان اهوا عصبي وحار ... وانتي بعد ... بس راح تتغيرون بعد الزواج ... ولا تنسين ان الحب يصنع المستحيل " ...
تباهي : " حب ؟؟؟ ... اي حب هذا ؟؟؟ ... انا احب عزوز ؟؟؟ ... ليش شصاير انقلبت الدنيا ؟؟؟ ... " ...
ساره : " اوه كيفج ... بس المهم فكري ... انا كنت اقول انج ماراح ترضين تاخذين عزوز علشان يوسف ... بس الحين دام يوسف باح ... فكري بعزيزان " ...
تباهي : " شنو هذا اللي باح ؟؟؟ " ...
ساره : " يعني راح ... لا تقولين اول مره تسمعينها ... " ...
ما رديت عليها ... فتحت لابتوبي ... ابي اجيك على ايميلاتي ... صار لي جم يوم ما شفت ايميلاتي ... وانا قاعده اشوف الايميلات ... كان من ضمن الايميلات ايميل من يوسف ... بطاقة اعتذار ... اعتذار ؟؟؟ ... يعني اكيد له ايد بالجريمه اللي ما يستحي ... شلون حبيته ؟؟؟ ... شلون وثقت فيه ؟؟؟ ... بس ابي اعرف شغله وحده ... وين كان عقلي لما كلمته ؟؟؟ ... آآآآآه لو كل وحده تفكر قبل ما تكلم اي واحد جان كل البنات بخير ... الايميل الثاني كان من وليدو ... وهم كان بطاقه ... شفيهم على البطاقات ؟؟؟ ... بس هالمره كانت بطاقة حب !!! ... صج منحط ... استغفرالله ... استغل الظروف اللي تجمعني فيه ببيت واحد ... واستغل وضعه اللي يخليه يكلمني جدام الكل بدون اي خوف ... آآآآه يا يمه لو تدرين ... صحيت من افكاري فجأة على صوت صرخة ...
ساره : " تباهي ... تعالي شوفي بسرعه قبل لا يدخلون " ...
وكانت واقفه وتطل من الدريشه ... قلت لها : " منو اللي يدخلون ؟؟؟ " ...
ساره : " عمي وربعه ومعاهم يوسف وعزيزان اخوي ... اوه منو هذا ؟؟؟ ... اطول واحد فيهم " ...
قلت لها بسرعه : " يا المينونه سكري الليت ... لا يشوفونج ... وقصري صوتج " ...
ساره واهي مو مهتمه : " اوه ... ما يبين " ...
تباهي : " يبين والا ما يبين ... سكري الليت وخلصينا " ...
ساره : " انزين " ... وركضت بسرعه تسكر ليت الغرفه ورجعت تطالع اللي برا ...
تباهي : " انا بعرف شغله وحده ... انتي ما تستحين تطلين على الرياييل ؟؟؟ ... انزين خليهم يدخلون وبعدين طلي على كيفج " ...
ساره : " لا والله يعني اذا راحو شطالع ؟؟؟ … سياييرهم ؟؟؟ … شبي بسياييرهم ؟؟؟ ... تعالي شوفي قبل ما يدخلون " ...
تباهي : " مابي اشوف شي ... رياييل وعازمهم عمج ... يعني شنو اللي يخليني اين مثلج ؟؟؟ ... " ...
ساره : " واي ياربي منو هذا الوسيم ؟؟؟ ... تعالي قولي لي ... خلي الابتوب شوي " ...
تباهي : " ههه ... بالله عليج انا شدراني ؟؟؟ ... لا انتي بصراحه شي مو طبيعي ... مو صاحيه " ...
ساره : " واي يا ربي متى اتزوج ؟؟؟ ... " ...
قبل لا اكمل ساره جملتها ... فتح الباب خالي احمد بسرعه واهوا معصب ... وسمع ساره واهيا تقول : " واي ياربي متى اتزوج ؟؟؟ ... " ...
بصراحه كانت ساره بموقف ما تنحسد عليه من الاحراج اللي اهيا فيه ... حتى خالي احمد شكله انحرج ... سكت خالي احمد فتره يستوعب اللي اسمعه ... ما يبي يبين لنا انه سمع شي ... بس من ملامح ويهه اللي تغيرت ... عرفت انه سمع ... كنت ابي امسك نفسي من الضحك ... بس ما قدرت ... الحين خالي احمد ليش ينحرج ؟؟؟ ... المفروض سارو اللي تنحرج ... ساره من شافت خالي ... قعدت على السرير ... يعني ما شافها واهيا تطل من الدريشه ... اخيرا تكلم خالي احمد وقال : " انتوا ما فضحتونا ؟؟؟ " ...
وكمل لما ما لقى جواب من ساره ... وانا ما قدرت بصراحه ارد ... لأني اذا بطلت حلجي وتكلمت اكيد راح اكمل الضحك ...
خالي احمد واهوا يطالع ساره : " لا تطلون من الدريشه ... فشلتونا الله يفشلكم من بنات " ... وطلع بسرعه ...
انا ما صدقت انه يطلع ويسكر الباب ... وانفجرت
ضح ك على سارو اللي اول مره اشوفها منحرجه ...
ساره : " بس سكتي يا المليقه ... امبي فشله ... سمعني ؟؟؟ ... " ... قالت جملتها واهيا شوي وتبجي ...
قلت لها : " ههه ... اكيد ... مبين ما شفتي ويهه شلون منصدم ؟؟؟ ... وما تشوفينه طلع بسرعه اكيد انحرج ..." ...
ساره اهني عيونها تلمع من الدموع اللي لي الحين ما نزلت ... وقالت : " والله فشله ... بس برجع بيتنا " ...
قلت لها وانا ماسكه بطني من الضحك : " ههه ... والله زين سارو تنحرجين انتي ... لا لا هذا شي طيب " ...
ساره واهيا ماسكه موبايلها : " بس بروح ... مالي ويهه اقعد ببيتكم بعد " ...
قلت لها لما شفتها من صجها بتروح : " سارو شدعوه ... يعني اذا رحتي ماراح تشوفين خالي احمد مره ثانيه ؟؟؟ ... " ... كملت لما شفتها ساكته : " سارو قعدي ... نامي عندنا ... والله اول مره اشوفج جذي ... لازم اكتب تاريخ اليوم ... علشان نتذكر هالموقف كل سنه ونقول حدث في مثل هذا اليوم " ... ساره ما ردت علي لأنها كانت تكلم امها وتقولها تطرش لها السايق ... سكرت موبايلها واهيا معصبه وقالت لي : " شفتي شيماؤو الملقوفه ؟؟؟ "...
استغربت وقلت لها : " شفيها ؟؟؟ " ...
ساره : " خذت السايق وبتيي اهني " ...
تباهي : " صج ؟؟؟ ... ليش ما قالت ؟؟؟ ..."...
ساره واهي منقهره : " يعني مفاجأة ... ما تعرفينها " ...
تباهي : " ههه ... وينها انا ابي اشوفها واقول لها ..." وقلدت صوت ساره وانا اقول : " ياربي متى اتزوج ؟؟؟ " ...
ساره واهي تصرخ : " يا ويلج تباهيو ان قلتي لها ... اذبحج " ...
تذكرت سالفتها ورديت اضحك مره ثانيه ... وانا اضحك ما اشوف الا الباب ينفتح بقوة ... انا وساره طالعنا الباب ... بنشوف منو هذا اللي يفتح الباب جذي ... ما نشوف الا شيماء واقفه عند الباب ...
شيماء : " شالضحك ؟؟؟ ... ضحكوني معاكم ..."...
تباهي : " مو شالضحك ... قصدج شالدفاشه ؟؟؟ " ...
شيماء : " مادري ... شفتكم تضحكون قلت بسرعه اشوف شالسالفه " ...
ساره : " انتي شتبين ؟؟؟ ... ليش لاحقتني ؟؟؟ ... مو عندج امتحان باجر ؟؟؟ " ...
شيماء : " اوه مليت وانا اراجع ... " ... وكملت واهيا تطالعني : " تخيلي راجعت للمره الرابعه ... بس مليت " ...
قلت لها وانا اطالع ساره : " اي طول عمرج شاطره ... ماشالله عليج ... حمدي ربج ما طلعتي على اختج الكبيره " ...
ساره : " سكتي عن اختها لأن اللي فيها مكفيها " ...
تباهي : " من صجج سارو ؟؟؟ ... شدعوه ترى مو لي هالدرجه ... وبعدين ماني خابرتج تستحين او تتفشلين مثلنا ... " ...
ساره : " ليش بالله ؟؟؟ ... ما عندي احساس ؟؟؟ " ...
شيماء : " هي ... شنو شالسالفه ؟؟؟ ... شتتكلمون عنه انتو ؟؟؟ " ...
ساره بسرعه ردت عليها : " مالج شغل " ...
قعدوا ساره وشيماء عندي لي ما صار وقت العشاا ... وعقب ما تعشوا ... دق عليهم اخوهم عبدالعزيز وقالهم يطلعون برا لأنه ينطرهم ... قعدت بغرفتي عقب ما راحوا ... وانا ضايق خلقي ... ليش راحوا ؟؟؟ ... ابيهم يقعدون ... يسولفون معاي ... وينسوني يوسف وبلاوي وليدو ...
دشت علي خالتي سلمى بغرفتي ... لي الحين ما خلصت هالسالفه ؟؟؟ ... ترى طالت السالفه ... خلاص فكينا ... تشجعي وقوليلها ... ترى مصخت ... اول ما شفتها وقبل لا تقول اي شي ... قلت لها : " خلاص بقولج اللي اعرفه ... لأن نص اللي صار مااعرفه " ... ابتسمت خالتي سلمى وقعدت على السرير... وقالت : " اوكي ... قولي كل اللي تعرفينه ... المهم انه نتفاهم ... وعلى فكره ... ترى امج كانت بتييج تسألج عن اللي صار ... بس قلت لها اني انا اكلمج احسن " ...
تباهي : " بأختصار ... ادري اني غلطت لما كلمت يوسف ... وندمانه بعد ... بس صدقيني ولا مره شفته الا بالصدفه باليمعات اللي تصير ... واشوفه من بعيد جدامكم ... يعني ما اكون متعمده اني اشوفه ... او اقعد معاه بروحي ... بس امس كنت قاعده بالحديقه اللي برا وكنت ادرس حق الامتحان ...." ...
قاطعتني خالتي سلمى وقالت : " وانتي ليش قاعده تحت بالحديقه ؟؟؟ ... ليش مو قاعده بغرفتج نفس كل مره ؟؟؟ ... " ...
تباهي : " لأني مليت ... وقلت بكسر الروتين ... وبغير شوي خصوصا ان الجو حلو هاليومين " ... ولما شفت ملامح خالتي سلمى اللي بين عليها انها صدقتني او اقتنعت بجوابي ... كملت وقلت : " كنت قاعده ادرس ... وانصدمت بيوسف واقف جدامي ... وبس ... والباجي انتي تعرفينه ... وشفتي المسرحيه اللي سواها وليد ... وشفتيه واهوا يتهمني اني متفقه مع يوسف اني اشوفه ... وسمعكم صوتي وانا اكلم يوسف علشان يقنعكم ويخليكم تصدقون اني اكلم يوسف " ... خذيت نفس وكملت : " خالتي لو صج اني كنت ابي اشوف يوسف امس جان ياب وليد الدليل ... انزين حتى لو ابي اشوفه ... مينونه انا اشوفه بالبيت ؟؟؟ ... ولا وانا عندي امتحان باجر ؟؟؟ ... وانا قاعده بالحديقه وهذا شكلي ؟؟؟ .... " ... خالتي سكتت ما قالت شي ... قلت لها : " وليد اللي قال حق ولد اخوه يوسف انه يبي يشوفه ببيتنا ... ويوسف امس كان عندنا علشان عمه مو على شاني ... " ...
سلمى : " بس وليد ليش يسوي جذي ؟؟؟ ... شنو مصلحته من هذا كله ؟؟؟ ... يقدر يسمعنا صوتج بدون ما ينادي يوسف " ...
تباهي : " شدراني عنه شلون يفكر " ...
سلمى : " بس هم هذا مو معناته انج ما غلطتي ... انتي غلطتي لما كلمتي يوسف ... وانا ماراح اعاتبج زياده ... لأن شفتي شصار فيج ... اعتقد اللي صار لج امس كان درس قاسي … وبيفيدج اكثر من كلامي اللي بقوله لج ... اهم شي تسوينه الحين انج ما تكلمين يوسف واذا يبيج صج اييج يخطبج " ...
تباهي : " ادري ... والله ادري ان ......... " ... سكت ... ما كملت لما شفت خالي احمد دخل غرفتي وقال ...
احمد : " متى بتروحون الشاليهه باجر ؟؟؟ ... " ... قعدت اطالع خالتي سلمى ... وخالتي سلمى تطالعني ... كنت ابي اعرف اذا سمعنا والا لا ... بس شكله ما سمع شي ... لأن خالي احمد فضيحه ... كل شي يبين عليه ... لو سمع جان تغيرت ملامحه نفس ما صار مع سالفه ساره ...
خالتي سلمى ردت عليه وقالت : " على الساعه 12 جذي ... ليش ؟؟؟ " ...
احمد : " لا بس انا مااقدر اطلع من الدوام باجر ... عندي شغل ... خلاص انتو روحوا وانا ألحقكم الساعه 2 " ... اكيد بيروحون امي وخالتي مع وليدو ... هذي فرصتج ... تكلمي بسرعه ...
تباهي : " انا مالي خلق اروح مبجر ... وبروح الكليه اشوف نتيجتي " ...
سلمى : " انتي مو كل مره تشوفين نتايجج بالنت ؟؟؟ ... شمعنه هالمره بتروحين ؟؟؟ ... " ...
تباهي : " اي شسوي بهالدكتور ؟؟؟ ... لي الحين ما تطور ... ما حطهم بالسايت ... لازم اروح الكليه " ...
احمد : " اوكي خلاص ... احسن بعد ... تسليني بالطريج ... خلاص نطريني الساعه 2 نروح " ...
تباهي : " اوكي " ...
سلمى : " بروح اشوف الاغراض حق باجر واساعد امج قبل لا انام ... نامي لا تسهرين " ...
تباهي : " اوكي " ... وطبعا اسمع من اهني واطلع من اهني بسالفه السهر اللي اذبحوني فيها ...
خالي احمد : " وانا بعد بنام وراي دوام باجر من الصبح " ...
بعد ما اطلعوا من غرفتي قفلت الباب ... اوف الحمدلله طافت عليهم ... اروح مع خالي احمد احسن لي ... ولا اجابل وليدو وشيفة وليدو طول الطريج ... انزين الحين شسوي ؟؟؟ ... زهبت اغراضي حق باجر كلها ... ومالي خلق انام ...
شفت موبايلي وكان واصل لي مسج ... فتحته ...
[
تحن لشوفك احلامي وانا نايم افكر فيك
ولين يزورني طيفك يجي هجرك يصحيني
ا

القصة روعه
وربي كمليها بسرعة بليز
جاري الانتظار ....

ياالله وينك يا طموح مرة طولتي
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....
جاري الانتظار ....