الكل لازم يدخل

من شان حكايتك راح أقول لك حكاية ولد خالي
نحيف مرة ويريد يكون عسكري وراح يسجل ماقبلوه عشان نحيف وكان يدور على شيء يسمنه ودله واحد من ربعه على شرب البيض وهو نيء وكان يكسر البيضة ويخلطها مع حليب ويشربه واليوم ماشاء الله عسكري

حبيبتي قريبتي كانت نحيفه حيل
واستمرت على الزبيت تخلطة مع الحليب وماشاء الله تخنت وصار جسمها حلو

سائقة تاكسي مشكوره حبيبتي تسلمين الله يسعدك بس البيض مستحيل اكله ني
مدام حياة الله يعافيك وتسلمين حبيبتي

بساطه اختي اعطيكي مني 10 كيلو ههه
يا قلبي الله يتمملك على خير جربي تتعشي وتنامي مباشره وجربي فاتح شهيه اشربيه بعد الاكل مشان تجوعي بسرعه وربنا يوفقك

عادي ياقلبي خلي الوضع نايس >> انحف بنت على وجه الكرة الارضية وزني 31 وطولي 156 وزاجي بعد شهر بالتمام ومن كثر مايخصموني جماعتنا اسمني اسمني >> صار عندتبلد بالاحساس اقول بالطقاق ولما لبست الفستان اخذ بروفه قربت من المراية مااشوف خشتي من النحف والفستان غطاني نصحوني بحبوب سيبروفيتا والحين اجربها وجربت كبد الحوت وميسقور جابت لي حاله اكتائب مغير جالسة بالحوش وابكي وخالتي تقول خذي عسل بالمسكرات وقريت مرة في منتدى وحده تمدح خلطة بحطها هنا بس بدورها بالسي دي لاني مادري من اي منتدى بس انتظري علي ماشي

يؤؤؤؤؤؤؤؤؤؤؤؤؤؤؤؤ
تصدقون ماتوقعت في احد انحف مني
عمري 24
وطولي 160
والوزن.....................
آخر مره وزنت يمكن قبل سنه كان 41
وماشاء الله كل شهر انحف اكثر واكثر..
مره انخطبت زمان تخيلو وقت الشوفه ام الولد تدق بالكلام تقول سمنو بنتكم شوي!!!
جربت كذا نوع حبوب ماشفت نتيجه وكنت اوقف بعد عليه وحده
اورديكسن_حبوب الخميره_مكمل غذائي(الاسبرولينا)
فاتح شهيه شراب يع
بس مافي فايده..
لو تشوفون التعليقات كل ماوحده زارتنا من صديقات ماما..وربي شي يحطم
ولا التعليقات لما اطلع مكان او نروح نتمشى .. انواع التعليقات(يالمسطره_ياصغرها_رقم واحد بالقلم............الخ) ههه
لدرجه صرت ماحب اطلع من البيت ولا اروح مول ولا اتمشى
بالاول كنت اتحطم مو لانهم تطنزو لا .. بس لاني تعقدت من نحفي....
بس خلاص الحين صار عندي تبلد..اللي يبي يقول شي براحته
مو راضيه عن الوضع بس شسوي مالي حيله..حتى أكل مالي نفس هي وجبه وحده ف اليوم
والباقي كبتشينو او نسكافيه بالحليب
وآحيان شبسات وحلويات وكاكاو والبيبسي حبيب البي.. بس سبحان الله حتى هالاشيا ماعاد لي نفس لها مدري ليش مع اني احبها
ههه ادري طولتها
طيب خيتو علمينا شنو الاشيا اللي تزيد الوزن تقولين جبتيها
قوليها عشان نجيبها حنا بعد ونشجع بعض نستمر عليها وان شاء الله نشوف نتيجه
يلا انا معك..................

لقيته اخيرا
منقو ول
السلام عليكم ورحمة الله وبركاته
شخباركم حبايب قلبي عساكم بألف خير وصحه وعافيه .. وشمسوين حبايبي ولهت عليكم وايد وعلى سوالفنا وجمعتنا وعلى شلتي فديتهم
شلتي اهم يعرفون نفسهم من يشوفون اسمي عساني منحرم منهم يالله عساني اشوفكم بموضوعي...
ام وشخبار الحلوين العصاقل للحين تركضون ......!!!
بهالقسم وتحوسون وتحوسون اكيد دختوا وتعبتوا ولا سمنتوا ...!!
موضوعي يابنات طويل ومفيد ومشجع لكل العصاقل الحلوين
ومن خلال وهالحملة بإذن الله تعالى راح يسمنون بنات وايد ويبدلون النحافه لسمنه وصحة ان شاء الله ومثل ماانتوا عارفين باقي شهرين على العيد وبتطلعون نيو لوك على هالعيد يا سلام
بس ابيهم يفكرون معاي شوي ونكون يد واحده ونقول كلنا نبيه يزيد هالشعار بروحه مشجع وراح تكون لكم تواقيع خاصه للعصاقل المشاركين معانا
بس بليز بنات
اللي صج صج صج صج مصره ومتحمسه انها بتودع النحافه ان شاء الله اقولها حياج الله
واللي مالها خلق ومتحطمه وذابحها الكسل اقولها اقري كلامي كله وبتشجيع ان شاء الله وحياج الله
اكيد الكثير منكم بعد مايقرا الموضوع راح يقول دامج ودعتي النحافه ومو نحيفه ليش حاطه موضوع ومتعبه نفسج .................!
احب اقولكم انا كنت نحيفه واعرف شنو يفكرون فيه النحفاء وحاسه فيهم وبمعاناتهم .. ويعلم الله ماابي غير اني اشوف البسمه والفرحه بقلوبهم
واتمنى منهم دعوة لي من القلب ...
واتمنى كل البنات يتعاونون مع بعض بالتشجيع الحلو ...والارداة والعزيمه ...
بعد هالمقدمه .. ابيكم تقرون كلامي زين وتفكرون معاي شوي ...
مواضيع النحافه كثرت بهالقسم وهذا شي حلو في احد مهتم وحاس ولا قبل كل المواضيع حق السمان ياحبي لهم فديتكم
بس اللي لاحظته بهالمواضيع انها صارت كلها سوالف..!! بدون فايده تذكر ..!! لا يزعلون علي البنات اقرو كلامي لنهايته ..
هالمواضيع مافيها حماس ولا تشجيع وصارت بارده وزيادة الصفحات بدون اي فايده يعني بعطيكم مثال
تجي عضوه جديده تستانس على الموضوع وتنخرع من صفحاته وتقول ياربي شلون بقرا كل هذا واهي ماتدري وين المهم واي صفحه
اذا لها خلق تقرا وتتعب والنتيجه لا شي واذا مالها خلق بتقرا صفحتين وبتمل وهم النتيجه لا شي وتطلع من هالقسم واهي متحطمه ومتضايقه
ليش: icon33:
كل هالصفحات بدون اي فايده
ليش
الموضوع مايتكون من كل ماهو مفيد وقيم
ليش
مافيه حب التعاون والمساعده بالمواضيع والرد على إسأله البنات ولو بكلمه
انا يابنات كنت نحيفه مثلكم والحمدالله ودعت النحافه بفضل الله ثم بإرادتي وعزمي وحماسي والحمدالله بعد ماكان وزني بالاربعينات وصلت للستينات ووصلت للوزن المثالي
فوقهم حبتين بعد ....
انا ماابي اذكر لكم قصه حياتي مع النحافه لانها طويله .. تدرون ليش لاني وصلت للوزن اللي احلم فيه بعد سنتين ونص من الاصرار والعزيمه وهذا وزني كل ماله يزيد من سنه ونص ولا رجعت نحيفه
تدريجيا ازيد ويوقف واغير نظامي وازيد وهكذا لين وصلت والحين خلاص اكلي عادي والشهية ماعليها والوزن مانقص ...
يعني من سابع المستحيلات ارجع مثل قبل ... هذا صار ماضي وانتهى صار في طي الكتمان >> ههه
شكلي تغير صرت وحده ثانيه جسمي صار واو روعه قبل لمن كنت نحيفه مافيه معالم الانوثه وبعد ماسمنت اكتشف ان جسمي فيه معالم حلوه النحافه مخفيتها
صارت لي هيبه على كلام الناس صرت رزه والمدح صار يجيني من كل صوب
والله يابنات شعور حلو...........
شعور يجنن تمشين بعرس وانتي واثقه من نفسج شعور لا يطوفكم ..
الكل راح يمدح فيج وعلى اللي وصلتيله بحماسج وارداتج .......!!
حتى اللبس صار حلو حتى لو اللبس نفسه مو حلو جسمي يحليه ..!
كل شي راح يصير حلو عليج انا كان غرامي الدراريع واحبها وانا اقصد الدراريع اللي تلبسها الهام الفضاله
بعد ماسمنت فصلت نفس دراريعها بالضبط طلعت روعه روعه الدراعه علي
يعني النحيفه لا لبست دراعه شلون تصير ما يحتاج اقول انتو تعرفون
يعني خلاصة كلامي اللبس على النحيفه لو شنو كان اللبس..!! مايطلع حلو ..!!
صدقوني يابنات ماكو شي صعب حطو عشر خطوط على هالكلمه
اي مافيه شي صعب .. انا قبل كنت اقول مستحيل اسمن مستحيل شكل نحافتي وراثه لان اغلب اهلي نحاف
والحمدلله سمنت صاروا اهلى ينادوني البطه ههه اي وربي
لا تقولين انا مااكل مااحب الاكل .........!!
انا انام وايد ومااقدر اغير نظامي ورتين اكلي........!!
لا تقول مااسمن حاولت وحاولت ماخليت شي مااكلته من حبوب من عسل..!!
حطوها قاعده...
ترا اللي يبي يسمن مو بيومين ولا بأسبوع
لأ ...............!!!!!!
لازم اول شي تحطين جدامج هدف وتبرمجين مخج انج راح تسمنين بإذن الله
وكلام الناس اللي يحطمونج خليه حافز لج وتشجيع قوي
واستمري على نظام معين 3 شهور الى 6 اشهر الى سنه
لا تقولين وايد .. مااقدر ...!!
انتي مو تبين تسمنين ...؟؟
ماتبين اللبس يصير حلو عليج؟؟
معالم الانوثه تطلع وتصيرين واو؟؟
ماتبين خدود حلوه ووجه مدور مثل القمر
اكيد انتي ذوق وكشخه وتشترين من احسن الماركات واحسن لبس
لكن الجسم مايساعد ...!!
بذمتكم
مو حرام
انا يابنات ماسويت نظام ولا مشيت على اي نظام غذائي واللي اقصده نظام اكل يتكون شنو اكل الصبح والغداء و... الخ
ولا ذبحت نفسي وضغطت على نفسي .....
دايم نشوف بالقسم مواضيع المسابقات صج انها حلوه ونفعت بنات
لكن في بنات مايقدرون يشاركون ليش
انا اقولكم .............
النظام والمسابقه تبي التزام ومتابعه يوميه
اكثر البنات ظروفهم ماتسمح لهم
او تكون البنت روتين حياتها اليومي صعب ولا تقدر تستمر
او النظام فيه اكلات معينه ماتحبها
والاسباب وايد
كل اللي سويته سهل ولا ياخذ منج وقت ولا يتعب
وبقولكم على نظامي بسيط وحلو واكلو اللي تحبونه
روتين اكلي تغير صرت احب الاكل واتلذذ فيه
اولا
روحي للطبيب وشوفي اذا فيج فقر دم ولا لأ واخذي حبوب حديد لان اكثر النحافه من الانيميا خاصه الحاده ...
غيري من نظام اكلج على قد ماتقدرين واضيفي الاكلات اللي تسمن والمفيده ...
تشربين مشروبات غازيه واكيد اكثر البنات غرامهم الببسي ضروري ضروري تتركينه
فكروا بنات معاي شنو فايدته عطوني فايده وحده بس ..؟؟؟؟!!
من تركته الغازات راحت صرت اكل وسمنت الحين صارلي 3 سنين ونص تاركته حتى العيله كلها صرت مااحبها السفن اب والميراندا... الخ
الوجبات الرئيسية مااطوفها والاكل بين الوجبات صار مهم بالنسبه لي وهذا اللي يسمن
العصائر صارت غرامي خاصه المانجو .. يكون احسن لو تتركين المشروبات الغازيه اللي مالها فايده
وتبدلينها بالعصائر مثل المانجو الكوكتيل يسمن حيل الجوافه البرتقال الفيمتو الفراوله
ضيفي اكلات جديده حتى لو ماتحبينها راح تحبينا مع التعود .. وراح اذكر لكم كل الاكلات الخفيفه وتسمن بالرد الثاني
اذا عندج عادات غذايه خاطئه لازم تغيرينها.....
مثال تاكلين وجبه وحده او وجبتين باليوم نفس الاكل وبشكل يومي ..!!
ماتحبين اكثر انواع الاكل ..!
ماتحبين حليب ؟ بدَليه بحليب كاكاو او حليب موز او فراوله
والحليب اهم شي لصحتنا ولبناء عظامنا ولاتنسون الببسي يسبب هشاشه عظام واذا ماتحبين الحليب وتشربين ببسي مااقول الا الله يعين عظامج
ماتحبين الفواكه ؟
الفواكه مهمه جدا جدا جدا لجسمنا فيها افضل انواع الفيتامينات المهمه اللي تساعد على فتح الشهيه والموز معروف يسمن
ماتحبين الخضراوات والاعشاب مثل الخس والجرجير والريحان
بالعكس لازم تاكلينها لازم يكون اكلج متوازن من كل شي
السلطات اللي يقول تضعف ترا خرابيط هالكلام
ليش قالوا تضعف لان فيها نسبه قليله من السعرات الحرارية تضعف مع الرجيم
ولا السلطات مفيده جدا خاصه سلطه الشمندر .. واي اموت عليها هالسلطه
وسلطه الخضار وسلطه البطاطا والكثير
خلي اكلج متوازن مثل ما قلت مو تركزين على اكلات معينه وكل يوم ضيفي شي جديد وابتكري من عندج دخلي مواقع طبخ شوفي اكلات سهله وحلوه
عشان تكسرين ثبات الوزن وجذي جسمج راح يستفيد اكثر واكثر
والاهم تركزين على الاكلات العالية السعرات الحراريه ..اذا ماتعرفين في مواقع مفيده وايد تعلمج على كل اكله وجم سعره فيها
وراح اذكر لكم جميع الاكلات المفيده وتسمن وخفيفه عليكم بالرد الثاني
الحين بقول لكم شسويت
قبل الرمضان نحفت حيل من شد التقويم الدكتور شده حيل وحط اشياء جديده لاني وصلت لنهاية التقويم وقريب بشيله
وبجذي مااكل اي شي بس اشرب سوائل وتعب وايد منه
وجانا رمضان وقلت بسوي لي نظام خفيف وحلو
نظامي يتكون من ..1-
حبوب سيبروفيتا فاتحة شهية
2-حبوب فيتامينات ومكمل غذائي
3-عسل مخلوط مع مكسرات (المفتقه)
شفتوا انه سهل وبشرح لكم كل نقطه من نظمي
بس بوضح لكم نقطه انا بديت بنظامي برمضان بطريقة ثانيه تعرفون صوم وجذي بديت فيه خامس يوم رمضان لاني ماحصلت المكسرات
ووقفته في خمسه وعشرين من رمضان ..
واحسبوا يعني استمريت عشرين يوم وزدت من خلاله 5 كيلو يعني ثلاثه اسابيع الا يوم بالضبط
5 6 7 8 9 10 11 12 13 14 15 16 17 18 19 20 21 22 23 24
وقفته لاني خفت اسمن اكثر ويخرب جسمي
وهالنظام طلعلي خدود حلوه وكبر صدري وايديني من فوق والمؤخره كبرت
(حبوب سيبروفيتا)Cypro-Vita
اكثر البنات اللي يعرفوني بالقسم يدرون اني اكل حبوب سيبروفيتا فاتحه الشهية وفيها فيتامينات تساعد على السمنه
وتعالج فقدان الشهية العصبي ...هالحبوب لو امدح فيهم طول اليوم مااوفيهم حقهم ...
انا سألت دكاتره قالوا مايضرون والله اعلم .. اللي خايفه تسأل دكتور وتطمن اكثر وابري ذمتي بنات من الحين انا اقولكم تجرتبي وبس
الحمدالله ماشفت مضره منهم مستمره عليهم من سنه ونص بس خلال هالفتره اقطع وارد ولا نقص الوزن والحين اكل حبه باليوم اول كل يومين حبه
والشهيه حلوه والحمدالله ويفتحون الشهيه حيل
طريقة الاستخدام ..
3 مرات باليوم حبه قبل وجبة بربع ساعة
او مرتين باليوم قبل كل وجبه بربع ساعه
(حبوب فيتامينات ومكمل غذائي)اسمهم Pharmaton Capsules
هذي حبوب حلوه حييل ومفيده للشعر والبشره والجسم بشكل عام وتسمن فيها كل انواع الفيتامينات والحديد والكالسيوم والزنك وحمض الفوليك
تبون اكثر من جذي بعد ...وتفتح الشهية وتعطي نشاط
طريقة الاستخدام :
حبه صباحا بعد الفطور (الريوق)
كل يوم
العسل بالمكسرات ( المفتقه )
عاد هذي يبي لها شرح طويل واهي السر بالموضوع
هذي اكله مصريه مشهوره اسمها مفتقه من خلال بحثي بالنت عرفتها لكن لصعوبة عملها مثل ما يقولون مافكرت اسويها واعرفها من سنين
واكثر الناس يوصون عليها من مصر انتوا ماشفتوا المصريات اجسام ماشاء الله خاصه المؤخره والصدر
المفتقه تسمن الجسم كله لكن اكثر شي الصدر والمؤخره والخدود يا سلام
مثل ماقلت لكم اعرفها من سنين وصعوبة عملها وقفت عائق لي ..!
وبحثت عنها كثيرا ولقيت طريقة عملها سهله جدا .. وشرح بالتفصيل الممل وتقدرين تسوين الكميه اللي تبينها وسهله ماتبي شي
وترا تسمن حيل حيل انا مااستمريت لاني خلاص وصلت لوزني وفوقه حبتين وقفت وخفت اخرب جسمي
قبل لا احط الطريقة مو تقولون صعبه مانقدر ياربي الريحه والطعم طعمها مقبول وحلو انا حبيته بصراحه
المقادير :
------------
كيلو عسل اصلي
نصف كوب حلبة مطحونة ( بودرة )
2 ملعقتي دقيق
كوب صغير زيت زيتون
نصف كوب سمسم
كوب او اكثر حسب الرغبة مكسرات مطحونه
كازو+ لوز+ جوز+ فول سوداني + بندق
الطريقة :
-------------
1--ضعي العسل في اناء علي النار حتي يسخن لاتتركية يغلي بمجرد ان تري الفقاقيع اغلقي النار
2-- احضري الحلبة المطحونة ورشيها على العسل وقلبيهم جدا ليمتزجوا واشعلي النار مرة اخرى
وبمجرد ظهور الفقاقيع اغلقي النار
3-- في اناء اخر ضعي الزيت وضعي علية الدقيق ليصبح لونة اشقر فاتح ثم ضعي السمسم
والمكسرات ليشقر لونهم ايضا لا تحمريهم كثيرا في الزيت
4-- ضعي خليط الزيت والدقيق و السمسم و المكسرات علي مزيج العسل و امزجيهم جيدا جدا
و اتركي الحلبة المعقودة لتبرد
5-- صبي الحلبة في برطمانات زجاجية
ملحوظات هامة :
------------------
1-- قوام الحلبة يكون غليظ نوعا ما
2-- لا تتركي العسل يغلي علي النار كثيرا لان ذلك سوف يغلظ من قوام الحلبة جدا ويجعلها
قاسية ويحول طعمها لطعم به مرارة
3-- في حالة اصبح قوام الحلبة قاسي جدا يمكن اضافة كمية من العسل ولكن بعد تسخين العسل علي النار
طريقة الاستخدام:
ملعقة كبيرة بعد الاكل
3 مرات باليوم
اذا ماحصلتي المكسرات اللي ذكرتهم انا حصلت بس الكازو والجوز واللوز هذولا عاد حلوين وايد خاصه الكازو يسمن الوجه
عاد انتي حطيه كميه من كل نوع بكاسه شاي(بياله )واطحني وبعدين خلطوهم كلهم مع بعض راح يطلع لج اكثر من كوب حطي كل الكميه يعني كوب ونص
ترا الطريقة سهله مو تشوفون الكلام شطوله والطريقة بالتفصيل الممل والشرح واذا في نقطه مو فاهمينا قولولي وبشرحها لكم
على فكره
انا قللت من كمية الحلبه عشان ريحتها واذا متزوجها او تكرهين الحلبه انا اقول لو ماننقص منها احسن لانها اهي السر بالخلطه
واذا كلش كلش كلش ما تقدرين على الحلبه لا تحطينها لان باقي المكونات مفيده منها المكسرات والعسل وزيت الزيتون
نظامي وايد سهل وحلو النتيجه مضمونه بإذن الله تعالى ...
يلا بنات كلنا نقول وبصوت واحد
نبيه يزيد .. نبيه يزيد.. نبيه يزيد .. نبيه يزيد .. نبيه يزيد بس بس سمعتكم ههه فديتكم
ملاحظة هامة جدا جدا جدا للبنات
بخصوص..
الأسالة المعتاده.!
جم كيلو زدتي ؟
جم كيلو زدتي بالأسبوع ؟؟
متى بينت النتيجه ؟؟
الصراحة بنات انا ما اهتم من هالناحية ولا اوزن دايما ..لان جذي ما اتحطم اذا ما زاد وزني وراح استمر واستمر
والاحظ السمنه على نفسي بدون ميزان .. ولا اهتم جم كيلو زدت بالأسبوع واحسب وحالتي حاله جذي اتعب نفسيا
اخليها على الله احسن
واخيرا باقي اقولكم عنوان الموضوع اخذته من حملة سيئاتك بدَلها حسنات هالحملة ناجحه جدا جدا جزاهم الله خير
الصراحة ماكو انسان بهالدنيا مو محتاج تبديل بحياته سواء كانت دينيه او حياتيه او سلوك سيئ بالانسان ومحتاج انه يبدل للأحسن...
حياتك لا تمللها من ذنوبٍ تضللها
لجل هذا يا باغي الراي على الطاعاتِ بدلها
وهذا لكلام اعجبني من موقع بدَلها
.
.
.
هل يوجد انسان لا يحتاج الى تغيير ؟؟ ..
فالانسان بطبيعة شخصه و فطرته يحب ان يغير من حياته..
فان كانت من ناحيه حياته العاديه فيكسر الروتين الذي تعود عليه كل يوم محاولا تغيير او إضفاء شيء جديد و مفيد لحياته لم يفعله من قبل ..
و أما إن كان في الجانب التعبدي فيحاول ان يزيد من الطاعات و العبادات و تقوية علاقه العبد بربه ..
فمن لم يزد شيئا في الحياة كان زائدا فيها ..نريد الذي يغير من نفسه و يرقى فيصبح متميز في جوانب حياته ..
فالتغيير لا ينحصر على الجوانب الماديه و الحسيه في الحياه فقط ..
بل حتى في الجوانب الروحيه و التعبديه في حياة المسلم .. و هذه هي الشريعة الاسلامية , تغطي جميع جوانب الحياه ..
في الختام اسال الله العظيم رب العرش العظيم ان يرزقنا اخلاص العمل لوجهه العظيم.. فوالله ما جاء هذا المشروع لغرض دنيوي ولا لمصلحه ,
بل جاء لتوعية الناس و تذكيرهم بالله عز و جل (وذكر فان الذكرى تنفع المؤمنين)
للموضوع بقيه تابعوني
ولا تنسونا من صالح دعائكم لنا بظهر الغيب
بنات محتاجه دعائكم اني انجح باالاختبار واتوظف
ملاحظه: التواقيع الخاصه للبنات العصاقل الى الان ماحصلت احد يسوي لنا
واذا وحده من البنات الحلوين العصاقل تكرم وتسوي لنا وتاخذ اجر بإذن الله

سوري بنات ما اضفت طريقة استعمال العسل بالمكسرات
الطريقة:
ملعقة كبيرة بعد الاكل بدون اضافة حليب لكن يفضل بعد اكل العسل شرب كوب حليب
وهذي اهي الاكلات العالية السعرات الحرارية
الاندومي
الدونات
الكيك بأنواعه
الحلاوة الطحينية
القشطه والاجبان بأنوعها
المعكرونية بالبيشاميل
شراب الفيمتو
سطلة الشمندر مفيده جدا جدا للانيميا الحاده
الشوكولاته بأنوعها خاصه الباونتي يسمن حييل والكيندر بوينه فيه 500 سعره
الكورن فليكس
كاكاو نسكويك حق اللي ما تحب الحليب
دجاج ساديا بالخضار والانواع الثانيه
المايونيز
فول سوداني بالفستق او ساده
نوتيلا بالبندق يسمن حيل
الصمون بأنواعه
الفطائر والبيتزا
النقانق
الذره بالزبده او بروحها
الكريم كراميل
بسكوت بالكريمة
البسبوسه
عصير مانجو يسمن حييل
حليب كاكاو
بطاط شبس
بطاط ليز وكل الانواع الحلوه
اذا تحبين القهوة كابتشينو وابتعدي عن النسكافيه يسد الشهية
حليب كامل الدسم ضروري
حليب بالموز ولو يكون طازج افضل ويسمن الوجه
كوكتيل روعه ويسمن
سلطة فواكه
سبع تمرات مع لبن
الفواكه .. تفاح ,موز,مشمش,برتقال,توت,فراوله والابتعاد عن التفاح الاخضر والاناناس
ام واذا تذكرت شي بضيفه ..
وبعطيكم امثله شنو تاكلين بين الوجبات ..
كيك + عصير مانجو+ باونتي
او
شبس+ فيمتو+سنيكر
او
4 شرائح توست مطحونه بالقيمر ونوتيلا او نوتيلا وفول سوداني+ كوب كبير حليب كامل الدسم+ سلطة فواكة
وبالنهاية انتي اختاري الاكلات اللي تحبينه بس اهم شي تكونين حريصه على نوعية الاكل ويكون عالي السعرات الحرارية
المواقع بتساعدج اكثر
بالنسبه للحلبه مثل ماذكرت بالموضوع
الحلبه يابنات معروف عنها اطلع ريحة بالجسم والكثير من البنات مايحبونها بسبب ريحتها
وخلطه العسل فيها حلبه بس انا بطريقتي الخاصه ماطلعت بجسمي ريحة اقولكم شلون
اخذ شاور جل يوميا
وسويت لي حمام مغربي هم بطريقتي ومخلوط وياه شغلات تبيض وتنظف عدل
اول شي اغسل شعري عدل واحط حمام زيت
وبهالحاله اكون مغسله جسمي بالماي الحار وتفتح المسامات بعدين احط على كل جسمي من الصابون المغربي واخليه شوي
واتفرك بالليفه المغربيه او ليفة بدي شوب بعدها اغسل جسمي عن الصابون
بعدين اسنفر جسمي بسنفرة المشمش احبها هالسنفرة تشيل خل الجلد الميت وتنعم الجسم
واتفرك مره ثانية بشاور جل الديتول بس هالمره بليفة ناعمة لان معروف الصابون المغربي يجفف الجسم
ومرات اتفرك بشاور معطر مال العطور الفرنسيه او جونسون
واغسل شعري عن الحمام الزيت
واخر شي ادهن جسمي من بيبي اويل هذا روعه يعطي نعومه حلوه للجسم
واغسله بالنهاية بجذي خلصنا من الاستحمام
وانشف جسمي عدل ارطبه بجرجنز بريحة المسك روعه اموت عليه بعدها ابخ على جسمي عطور حق الجسم
مثل كلونيا جونسون حلوه او بخاخ المسك من القرشي والبس وابخ هم على شعري من التوت البري بخاخ حلوو لتشابك ولمعه لشعر واهم الريحة
واو روعه شوية عليها ...
ام وبعدها البس واتعطر بعطر فرنسي واتبخر ما انسى مسك العروس دهن عوود ريحته ريحة نظافه
واتحداج تشمين ريحة حلبه بجسمج
نسخته وحطيته مثل ماهو ان شالله اكون افدتكم ولاتنسون تدعون لي

سبحان الله ما احد عاجبه نفسه
بنات احمدوا ربكم على الصحه والنحافه بكرا اذا تزوجتي وحملتي تصيرين فيل
انا زواجي بعد شهر ونص وقاعده احاول انحف في نفسي بس ما بينزل وزني كثير
على كل حال الحل عندي
انا مستعده اتبرع لكل نحيفه في هذا الموضوع ب 50 كيلوا