الله يخليكم ساعدوني

كم تدفعين اقصى حد ؟ عطيني سعر معين عشان اعطيك افكار على قد سعرك لهديتك

كأقصى حد 1000

حبيبتي اتمنى اساعدك عندك يأنك تشترين لها من لعربية للعود يجيكي صندوق وفيه كذا كم خلطة بس جنان تنهدي روعة بصراحة او قميص نوم بس حلو وحطيه كذا بصندوق ري وحطي بداخلة احجار ممكن تشتريها من سيتي بلازا او عطور من قزاز تجي كذا مع لوشن واشياء وغلفيها ودخلها هيك بصندوق دلعي شوي او انك تهدينها شي هي تبغاه يانك تجبيلها المصورة او اوتجراف حق المدخل لزواج مع تبعه الاشياء الي بنشوفها في الزواجات او .....ام....بعد ماتتزوج وتروحين بيتها ممكن تشوفي وش الناقص بيتها ولون ديكورها وتشتريلها اياه وخلاص خلصت افكاري اتمنى افيدك ودعواتك ربي يسر امري ولا يعسر قولوا امين يالمتصفحين لي ولكم طبعا

مشكورة غاليتي اسيرة هوايا والله يسعدك ويوفقك

والله انا زيك محتاره زواج اخت زوجي بعد شهر وما ادري ايش اهديها

ياتاخذين لها مجموعه وتغلفينهم في صندوق او في برواز تجيبنه من اي محل عادي وتودينه محل تغليف وتخلينه يحط في زواياه ورد طبيعي ,, ثم ترتبين الاشياء وبالسولفان ,, مره رايقه هالحركه ,,
بس خليه يكثر الورد وبشكل مرتب وحلو .....
هالمجموعه ( قميصين نوم ) عندك الماركات مسويين تخفيضات حلوه ,,, عطورات من الماجد ,, وبرضو مخفضين نص السعر +مجموعة حمام من زهور الريف
او تشترين لها المفرش وبس ,, المفرش شي اساسي انكانها مابعد شرت
او مثلا تشترين تعليقة كبيره وسلسلتها تكون لولو ,, هذي بصراحه ذوق وبتعجبها مره
وتحطينها في علبه ذوق ,,, عندك محل في حياة مول ,, في الدور الثاني وانتي راقيهمع السلم الكهربائي اللي يوديك مباشره للمطاعم وصالة الالعاب ,, اول ماترقين لفي يسار وامشي قدام بيجيك محل ايس كريم وجنبه محل عنده حركات تجنن ,, بتعرفينه من شغلاته اغلبها تناسب العرايس ,, اختاري لك علبةعليها مجسم عروسه ,, وحطي التعليقه فيها ,,
صدقيني لاتفوتك العلب حقته مره ذوق ,,
وام هذا اللي طرى على بالي الحين ,, ان شالله اعجبتك الافكار
وان طرى شي جديد جيتك اعلمك

تسلمين يامهاوي بصراحة افكارك مرة ذوق وتجنن من جد خيال بدون مجاملة
بس إذا تعرفين اسعار التعليقات ياليت تفيديني ووين القى التعليقات الحلوة فيه إذا كنت شايفتها
وبروح للماجد واشوف وإذا كنت تعرفين اشياء معينة عندهم أو اشياء ريحتها حلوة ياليت تخففين علي التدوير
ولك مني جزيل الشكر والدعاء

افكار مهاوي خيال
مابقت لنا شي

ولاتنسين تحطين مع الهدية التقويم الهجري وافتحي على التاريخ اللي هو وقت زواجها ولصقي اللي قبل بحيث اول ماتفتح على طول على يوم زواجها
وغلفيه بنفس تغليفة الهدية من بره وحطي بطاقه على الجهة اليمنى
في هذا اليوم ............ مع بيت شعر
اتمنى تكون واضحه