الله يخليكم هل هالمعلومة صح

عن نفسي مافي فرق بيني وبينه
واكيد اذا اعطيتيه راح تكبري في عينه
بس بشرط لاتنقي وتلمحي وتبغي مقابل
للشي هذا او تنتظري يرجعها لك صدقيني
راح يرجعها لك وزياده اذا عرف انك
ماتدوري الا سعادته ولا همتك الماده
واذا طلبتيه في وقت نازله السوق راح يعطيكي اكثر من طلبك
صدقيني من تجربتي ..
انا اشوف متزوجين لما تحكي لي زوجته
انهم يتحاسبو حتى لو 50 ريال
ليش طيب الي بينهم اهم من الماده الي تروح وتجي اهم شي السعاده والرضى
والعشره الطيبه..
قرقرت واجد ان شاء الله افدتك
ماادري يكن البنات يختلفوا معايه بس هذي وجهة نظري ..

يلا ابي تفاعل على هذة الموضوع
وكل وحدة تقول رايها وبكل صراحة

حبيبتي من وجهة نطري يا قلبي في هالزمن الريال صعب صعب ترضينه او اتحسسينه انك اتدوري سعادته وراحته
ومن المفروض المفروض اهو اللي يصرف اهو الل يعطيك وهو الكل في الكل انتي راتبك المفروض يكون لنفسك او على الأقل اشتري له هدية كل شهر وكذا ولا اتخلين الروتين يقضي عليكم انتي اقي على الروتين سوي شي بدل لا تعطينه من الراتب
غيري ايامكم وحياتكم
ابغا اعرف كيف يرضى ياخذ منك اللي تعطينه من الراتب؟؟؟؟؟
غلط ومليون غلط
ياما وياما سويته وكنت بدل لا اعطيه من الراتب اعطيه حتى من مهري
قام يتغير وصار بارد معي بدرجة ما تتصورينا
لكن يوم وقف وبديت اغير الروتين واشتري هدايا له بس من دون ما اعطيه قام اييب لي بالمثل وهو قام يسوي حركات جديدة وحلوة
هاي وجهة نظري وهو راتبك وانتي حرة فيه يا قلبي
وانتي ادرى بزوجك اكثر منا يا عيني

عيبي الطيب والله ان كلامج صح اللي ينعطون وية والله انهم يركبون راسنا

وانا اعمل ومحتارة هل اساعد زوجي شهرياً ولا لا؟ أتمنى كل وحده تعطينا تجربتها عشان نستفيد

مرجبا اختي..
شوفي انا مو متزوجه لكن اشوف تجارب اللي حولي..
المهم
اغلب الرجال اذا تعود على زوجته تعطيه من راتبها مع الوقت ينسى نفسه و يعتبره شيء
واجب عليها انها تشاركه في الصرف و هذا مو في شرع الله..
على العموم الرجال يختلفون و انتي تعرفي زوجك..
فيه رجال يبان فيهم المعروف و يرجع اللي اعطته زوجته و فوقه زياده..
وفيه رجال يتغيرون و تصير علاقته مع زوجته "عطيني اعاملك زين ما تعطيني اسود لك عيشتك"
وفيه وحده زوجها يتسلف منها و يوثق المبلغ و عليه شهود.. وهي مو بخلانه عليه لكنه انسان حقاني و ما يبي يضيع حقها..
الخلاصه..الرجال هو اللي عليه الصرف..
وتقدرين تساعدينه بدون ما تمدين له من راتبك بانك تخففين الطلبات الغير ضروريه..و الحياة تمشي
الله يصلح زوجك و يجعلكم قرة عين لبعض.. ويرزقني الزوج و الذريه الصالحه

حبيبتي من وجهة نطري يا قلبي في هالزمن الريال صعب صعب ترضينه او اتحسسينه انك اتدوري سعادته وراحته
ومن المفروض المفروض اهو اللي يصرف اهو الل يعطيك وهو الكل في الكل انتي راتبك المفروض يكون لنفسك او على الأقل اشتري له هدية كل شهر وكذا ولا اتخلين الروتين يقضي عليكم انتي اقي على الروتين سوي شي بدل لا تعطينه من الراتب
لا تدلعي كتير هوو الرجال وعليي المسؤليية انا متل الاميرة نايمة مرتاحة وكله لعندي

انا من وجهة نظري انك ما تعطيه مبلغ ثابت شهريا هذا هو المفروض يسويه اذا بغيتي تساعديه اشتري اغراض لك او للاولاد يعني تخففي عليه مصاريفك او مصاريف اعيالك بس مو الاشياء الاساسية عشان ما يحس ان هذا شئ مفروض عليك بس احذرك انتبهي لا تمنين عليه وتقولين فلوسي فلوسي كل مرة حسسيه انك تحبيه وتساعدينه مو اجباري وهذا وجهة نظري وانت ادرى بظروفك
سلام

والله ياقلبي ماله داعي تعطينه من راتبك ليش تصرفين عليه؟
اللي اعرفه ان هو اللي يعطيك موياخذ منك يابنات ياما عرفت حريم ساعدوا ازواجهم او ان الصرافة تكون بيد الزوج واخرتها يتزوج عليها مثل ماصار مع اختي ماقصرت عليه بشي ابد
راتبكم خلوه لانفسكم واذا على مساعدت الزوج كافي انك ماتطلبين منه شي لنفسك اشتري اغراضك من راتبك وبكذا تكونين ساعدتيه ووفرتي راتبه لنفسه مو تعطينه من الراتب اسمعي نصيحتي خلي فلوسك لك الدنيا مالها امان