الله يخيليكم ساعدوني

انا متزوجة عمري 24 لي سنه وشهرين من زواجي عندي بنت عمرها شهرين زوجي قلبه طيب بس اهله يااثرون عليه اناتزوجت في شهر 7 ورجعت اكمل جامعه في الرياض كان باقي لي ترم وزوجي في الشرقية اروح له خميس وجمعه وكنت حامل واتوحم وتعبانه بعد فتره خلصت وقعدت عنده كنت في الثامن ودايم تعبانه المهم رحنا نتقضى لنونو امه لحقتنا الى الباب تقولي انتي تعرفين تتقضين وبنته زيي بكر وحامل معي راحت تقضت لحاله زوجي بخيل شوي تضايق انه دفع عشان اللملابس ثاني يوم راح يكلم وحده يعرفها قبل الزواج قطريه يوم سالته ليه قال انتي ضايقتيني ومخزنها فديت قطر وانا رقمي بدون اسم ويوم قعدت اصيح حلف مايكلمها مره ثانيه وانا ماادري عنه المهم بعد ولادتي صارت مشاكل كبيره بيني وبينه انا ساكنه مع اهله حتى حمام خاص ماعندي وخواته ثلاث كلهم شقق لحالهم وهم في الرياض ودايم كل اسبوعين يجون حتى تمايم بنتي سواها هناك على رغبة اهله ويوم تمايم ولد بنتهم كلهم جو الى الرياض والله مااضلمهم عمتي تفتش غرفتي واخته انا عندي ملح في غرفتي اتوضا فيه عشان الالتهاب طللبته مني والبقاله جنب البيت ووشلون درت انه عندي ملح والله يجيب بيبسي وجالكسي لى تقوله عطني من اللي جبت بنات اخته يفتحون على الباب وانا نايمه مااحد يكلمهم ابوها يقولي يدخللك المقاضي قدام اخوانه احمدي ربك يمن علي بالببسي اغراضي اذا جيت من السوق تفتشها وتسال عن كل شي تتسمع علي وانا بغرفتي تتكلم فيني هي وبناته وتطبخ قليل وتهدد لااحد يطبخ في الليل تقصدني وعندها حمام في غرفتها والله وهي نايمه تقوم تدخل الحمام اللي قدام غرفتي وحطت فيه غساله البيت التلفزيون مااجلس علية اذا حطيت على شي يغيرونه بعد الاربعين رفض يجي ياخذني حجزلي بالقطار وجيته بناء على تعليمات ابوه انا وياه مانطلع من البيت نتمشي لا اصلن هو دايم برى البيت وطلبته تلفزيو ن وزعلت وكلمت ابوي وجابه عمي وحطه في غرفتي المهم صرت مااطلع اقعد برى بغرفتي اتحشى عمتى وبناته ودقها بالكلام وانا مااعرف اعرف في الشرقية ولا ازور احد واذا احد من جارتها عزمني تعتذر عني وتروح هي وربي مجنتني تنتقد لبسي عطري كل شي حتى كيف العب مع بنتي وتحرض زوجي بطريقه غير مباشرة واي شي يصير بيني وبينه تتدخل فيه وتدق وتعلم بناته وهم ينشرون السالفة كل وحده مرتاحه ببيتها وانا سالفتهم والله يتكلم على قدمهم وماعمري اكلت معها ياكلون كلهم هي وزوحها وعياله وبناته وتبغاني اذا قاموا اكل والله اقعد 4ايم مااكل شي عمي يمن على حتى بالغرفه يقول انتي اخترتيها وانا هو ارسلي صور وقالي اختاري صورتين واخترت وحده والمكيف يمكن له عشر سنوات قبلي حتى قديم وحار وقعدت شهر بغرفتي بدون ستاره وحط لي ستارة الصالة القديمه لة7 سنين وانا عروس عشان يرضي امه والله هي وبناتها حتى مفرش سريري راحت شرت زيه لها ولبناتها واول رمضان صار خلاف بيني وبينه والباب مفتوح جت امه وقفت تتسمع انقهرت قلت له صك الباب نسولف على راحتنا رفض وقال مافي احد غريب وزعلت ولميت شنطي وجاء وشافني ماحاول يراضيني او يسال ليه قال البسي اللحين اوديك للرياض وجابني هو وابوه وامه اول مطلعت دخلت فتشت غرفتي وشالت ملابس ولدها النظيفة وغسلتها وكوتها وكل شوي تدق عليه وش تبي تاكل وش اسويلك تبي تبين انها تهتم فيه اكثر مني وعندها شباب 3 في البيت ماتسوي لهم نفس الشي وربي مجنتني ابسط شي تتدخل فيه يخصني يخص بنتي لو ابي اطلع مستوصف تلحقنا الى الباب وين ليه وشفيها واسئله الى بكره بناته مرتاحين وانا مبهدلتني حتى ابوه يتكلم على احس انه زوجي ماله شخصية مع اهله يسمع منهم ولايقوبهم لا قعدت و21 يوم وجاء الرياض ياخذني كنت اكلمه الفتره ذي وارسل له رسايل رومانسية وحب عشان كذا جاء وطلعنا نمنا في شقة وبعدين رجعني لاهلي وراح باع سيارته انا زعلت وقلت انت جاي تاخذنا كيف قال انا ابي احجز واروح بالقطار وبعدين اجي اخذك حجته عفشي كثير قلت له اخذ الاالضروري واخلي الباقي والبقوة اقتنع وطلبت منه طلب بمسج ورفض قمت ارسلت له رسالتين عتب فيهم كل المواقف اللي سواها لي وماني قادره انساها قام طنششني والغى حجزي وادق عليه قال اقعدي انا بكيفي اذا بغيتك جيت اخذتك وماراح تروحين مع اليوم وش مايصير وادق عليه واحاول فيه قلت له اذا قعدت اقعد على طول قال اقعدي ولا عاد تدقين على ياويلك ورجعت دقيت قلت خلاص ماتبغني خذ بنتك انت ربها قال اذا اخذتها والله ماتشوقينها ارسل اخوه ورفض اخوه يااخذها وهو سافر دقيت عليه قلت له حرام عليك مجهزة نفسي واغراضي قال انا بالقطار يالله انا انقهرت قلت له كل ............ سبيته وصكيت في وجهه انا احبه وابغاه بس هاذي ماهي حياه هو من النوع الكتوم انا مايتكلم معي ولا يناقش يتصرف على طول ورسايلي مخلي ابوه يقراهم واهله من اول يكرهوني واحس اني الرسايل تاثر الحلوه فيه بس مايبين ولا يردعلى مسجاتي
واحس انه مايحب الرومنسيه الله يخليكم ابي حل له ولاهله وهو رافض انا نطلع بيت رغم انه وضعهم المادي ممتاز هو وكيل ابوه عنده معرض سيارات وموسسه مقاولات يمسكون 10 فلل مع بعض والله ومحلات وعمرتين شقق موجره وهو طالب يدرس دبلوم احاول ادلعه انا لو اسوي له فطور عمتي وش تسوي تصحي عيالها اللي نايمين عشان يفطرون معنا وتخرب عليه وفي شغاله بالبيت بس هي تحب تنكد على يااخساه طيبتي معه والهدايا اللي بدون فايده