اللولوه

وقفت قدامي صوب المنظره
وقفت الساعه تتنسل
واتعدل
وانا قاعد انأمل في الجمال
قلت لها:
من غير تنسل أو تعدل
إنتي في عيني الكمال
إنتي ورده في خميله
خلي شعرك عجفتين
لاتقصصينه يا جميله
وإنتي للحين ماكبرتي
انتي مازلتي في عيني اصغيره
في سن الطفوله تذكرين اشقد لعبنه
تذكريناشقد تسابقنه وركضنه
تذكرين كم ساعه في حوشكم
تعدنه
نلعب الصميده والخشيشه
نلعب كل شي
كنت الف الفتره فوق عينك واَقول :
صيد يا عمي
كم في ليوانكم مع اصفار الفريج
كم تعدنه انمثل ادوارنه البريئه .
انا وانتي
انا معرس وانتي في دور العروس
والطبل صينيه من بيتكم
أوبيب مقضوض وطوس
من زمان ويهج على قلبي انرسم
من زمان يا أحلى من كل البنات
من زمان وانتي في دمي
تركضينويا النسم
انتي لعبه
وجه ملاك ماييته يوم الاابتسم
في اذني صوتج
في اذني صوتج احلى من احلى نغم
انتي شي
عن عيني مايغيب كل مكان
انتي شي
ماينسى طول الزمان
انتي دانه لولوه مايابوها نلس
يا بوها جان
انتي وصف ماينتهي
صبري علي
انا في يوم باكتب ان عنيك قصيده
تنكتب في كل جريده
وتنقري ابكل لسان
وتبقى شي ماينسى
طول الزمان
في كل زمان