الم وحنين قصه حلوه موت لا تفوتك قصة اجزاء قصة حب حجازيه

ركبوا السيارات وراحوا البيت ولما وصلوا لقوا وليد ومشعل دوبهم جاين ومعاهم عهد ورانيه
سارة- ماشاء الله مع وليد جاين طيب قولولي
رانيه- لا والله ماكنا ندري بس السواق مع ماما ومالقينا احد يجيبنا
عهد- ونحنا جينا مع احد غريب مع ولد عمنا
وسلموا كلهم على بعض
وليد- يلا ابل بيز لحسن انا وميشوا ميتين جوع
مشعل –ايوه الله انا خلاص مره طالعه معايا
ام وليد طيب خلاص نروح في سيارتين بلاش ناخذ يور
وليد- طيب انا ومشعل وسارة ورانيه مع بعض وامي وعهد وريناد مع محمد يلا
ووصلوا المطعم وطلبوا وهيصوا وجلسوا احلى جلسه
عند بيت ابو وليد
ام وليد- محمد اطلع اسهر معانا
محمد – لا والله مااقدر ورايه قومه الصبح
وليد- ها حمود منك ناوي تغير البورش حقتك
ام وليد- ايوه الله مره صغيره اليوم بالقوه دخلنا كلنا ونحنا اربعه
محمد- الا والله ان شاء الله ناوي لوميناss وانت ياابو الشباب مو ناوي ماطفشت من اللكزس
وليد-والله عاد داه راجع لا مي وابويا
مشعل- وجبتوا سيرة السيارات قوم يا وليد وديني عند سيارتي زمانها خمجت عند الفيفا
محمد- وانت ياميشوا مو ناوي تغير دوج تشارجر بتعتك يابني
مشعل- لا حبيبي مرتاح بيها
سارة وريناد ورانيه وعهد دخلوا البيت وهما جالسين يحشوا في الولد الا كان في ستار بكس
رانيه- يارتني كنت معاكي كان ماخليت فيه شي وحشيتوا
سارة- انتي انتي انا خلاص توبه منك ومن ريناد وربي عليكم حش في خلق الله مو طبيعي خرب مطنكم
رانيه- ههه
ريناد- ههه
عهد- كان جبتي رقموا اتسلينا عليه شويه
سارة- لا اجيب رقموا ولا يجيب رقمي بلا كلام فاضي اصلا محد يطل في شكلوا
وليد ومشعل يجوا باقصه سرعه في رجولهم ودوفوا البنات ويطلعوا الدرج وطبعا رانيه ماترحم احد الله يكسر رجولكم وعهد مااستنت احد وحطت رجولها هيا كمان وجريت وراهم تاخذ حقها
ريناد- ربي يسعدك ياعهد وحقي معاكي كمان
رانيه- اقول والله اليوم جايبين فلم توم كروز الجديد في الشوتايم
سارة- لا تقولي حرب العوالم
رانيه- ايوه
ساره- يلا بسرعه نروح نتفرجوا
ام وليد- انتوا ايش موقفكم هنا يلا اطلعوا
وطلعوا البنات وجلسوا يتفرجوا على الفلم ومشعل ووليد كانوا طالعين بس لما شافوا الفلم بطلوا وجلسوا
وليد- واله الفلم شكلوا اليم
مشعل- ياشيخ دوبوا نازل في السنمه
عهد تقرب من سارة
عهد- سارة اقولك ولد خالتك محمد مو طالع كمان
سارة باستغراب- لا ليش
ريناد سمعت الكلام بس كانها ماسمعت شي وطلت في ساغرة كانها تقولها انا فاهمه عهد ليه سالتك داه السؤال
ام وليد- اف ايش الفلم داه مه مقرف انا اقوم انا احسلي علشان بكره اقوم بدري واصحيكم وطل فيهم بلءم
البنات كلهم طلوا فيها كانهم فاهمين ايش راح تسوي ام وليد فيهم
ومشعل ووليد بيضحكوا
سارة- ارحموني ياخوففه مره عجبتكم يعني
عهد- ههه
رانيه- شوفي كل واحد فيهم كيف فاشخ فموا 7فوقو8تحت0
مشعل- يلا روحوا ناموا
ريناد- اوف خلاص خلونا نكمل الفلم
وليد- ايوه صح
رانيه- ههه اما ياسارة اخوكي داه فله
الساعه2 اخر الليل والفلم دوبوا مخلص
وليد وهوا قايم من فوق الكنبه يلا ياميشوا عند الشباب
رانيه- استنه وصلنا معاك
سارة- ليش والله ماتروحي باتي معايا انا وريناد
ريناد- ايوه اصلا ايش يوديكم في اخر الليل خلاص باتوا والله فله
عهد- رنوا خلاص خلينا نبات
رانيه- بس انا ماقلت لماما
سارة- عادي دقي عليها انا اكلمها
رانيه- اوكي خدي
سارة- الو كيفك خاله
ام رامي- اهلين سوسو كيفك حبيبتي
سارة- الحمد لله خاله خلي رانيه تبات عندنا انا عندي ريناد والله ننبسط
ام رامي- بس هيا مااخذت ملابسها معاها
سارة- عندي اديها من عندي
ام رامي – طيب بس عدين انتوا تجوا تباتوا عندنا طيب
سارة- من عيوني
سارة قفلت السماعه – خلاص اهي امك رضيت
رانيه- خلاص اوكي
عهد- فله
وليد- يعني خلاص انا اروح
مشعل- ايوه ماسمعتها تقولها امك رضيت عيني خلاص يلا
سارة- يلا بنات نطلع غرفتي
ريناد الا كانت مره ماهي مرتاحه ل عهد من الؤال الا سالتوا ل سارة
سارة على طول شغلت المسجل الا كان فيه شريط راشد الماجد نسيناكم
(وقدرتوا الوفاء والحب الا جالكم منا حسافه ما تفاهمنا خلاص اليوم نسيناكم )
رانيه- ياامي ايش الكابه دي حطي ش اكشن
سارة- طيب خلي الاغنيه تخلص بس بليز
وبعين البنات جلسوا يشغلوا اغاني ويرقصوا الين اذان الفجر
ريناد- خلاص سكوا الاغاني الفجر بياذن
قاموا البنات وصلوا الفجر وبعين جلسوا يتكلموا
ريناد تطل في الساعه – يا بنات الساعه 8 ونص
سارة- طيب قوموا نروح نفطردحين انا ادق على يور اقولوا اوكي يلا قوموا البسوا
رانيه- طيب فين وليد
ريناد- وليد ومشعل مايجوا دحين مع اصحابهم في الشاليهات
رانيه- يابختهم
سارة- بنات يور مو في
عهد ايش الحظ النحس ووليد كمان مو فيه اوف يربي
ريناد- يلا دوروا مين يجي يفطرنا
عهد- طيب دقي على محمد ولد خالتك يا سارة
سارة- لا ماابغه استحي داه الوليد ترى مو زي مشعل مو دايما اتكلم معاه ولا حتي اشوفوا
ريناد وموخها يلف ويدور من كلام عهد- لا اصلا محمد قال انوا مشغول امس
عهد- طيب جربوا يمكن يكون فاضي
سارة- انا ماراح اكلموا
رانيه- ريناد تكلموا
ريناد- بس مو من جوالي لا نوا مفصول
سارة- يخرب مطنك في احد يفصل جوالوا في الاجازه خذي داه جوالي
ريناد- الو صباح الخير
كان محمد دوا صاحي من النوم وصتوا كلوا نوم- صباح النور مين معايا لو سمحتي
ريناد وهيا فاتحه عيونها على الاخر- اخص عليك ماعرفتني دي انا ريناد
محمد- هلا والله ماعرفتك لا نوا الرقم مو عندي انتي غيرتي رقمك
ريناد- لا انا رقمي مفصول داه رقم سارة
محمد- اها لا انا ماعندي رقم سارة
ريناد- المهم شكلك دوبك صاحي من النوم
سارة تاشر لريناد يلا بسرعه اختصري الكلام
محمد- ايوه الله
ريناد- طيب فين رايح دحين
محمد- المعرض ليش
ريناد- ماراح تفطر
محمد وضحكه خفيفه على شفتوا مستغرب من كلام بنت خالتوا- اا طبعا ليش
ريناد- طيب ايش رايك تجي تاخذنا وتفطرنا وتفطر انت كمان
محمد- اخذك انتي وسارة
ريناد- الا في كمان عهد ورانيه بنات عم سارة
محمد- ام اوكي دحين اقوم واجيكم
ريناد- خلاص نحنا نستناك
محمد ما عمورا طلع مع بنات خالتوا قال خليني دي المره اطلع معاهم انا ماعمري طلع بس خليني اتعود عليهم شويه لانوا علاقة محمد ماهي قويه مع بنات خالتوا بس مع بنات عموا
سارة- لا يكون الولد مالوا نفس يطلعنا بس انكسف
ريناد- لا والله بالعكس حسيتوا هوا يبغه يطلع معانا
رانيه- يااختي اهم شي نطلع وخلاص
عهد- اصلا انا حسيتوا حبوب
__________________
لبسوا البنات بس باقي العبي وجالسين في الصاله يتفرجوا تلفزيون ويرن جوال سارة وطلع رقم محمد سارة رمت الجوال على ريناد وكلهم قاموا يلبسوا العبايه
ريناد- اوف ردي منك شايفتني بالبس
سارة- وانا كمان ابغه اقوم البس
ريناد- الو ايوه حمودي خلاص دحين ننزل
محمد- اوكي يلا باي
عهد جالسه تحط ميك اب وريناد وسارة دخلوا عرض معاها
سارة- اديني مرطب او روج أي شي
ريناد- انا ادوني كمان اوف فين نظارتي
رانيه- سارة عندك نظاره
سارة- ايوه ذكرتيني فوق في الدرج وجيبيلي النظاره السودا
ريناد- يلا يا بنات الولد تحت
عهد لبست وواقفه تستناهم
رانيه- سارة مني لاقيه النظاره السودا
سارة- لا ياشيخه اوف ماقلت لماما طيب انتوا روحي وانا اقل لماما وادور على نظارتي
ريناد- طيب يلا يا بنات
ونزلوا البنات
محمد- بدري يا بنوتات
ريناد- سوري والله بس سارة جالسه تدور نظارتها ونسيت تقول لامها
وركبوا البنات وري وجلسوا يستنوا سارة
وجات سارة وفتحت الباب السيارة الا وري
رانيه- يلا ضفي وجهك على قدام مافي مكان ليكي
سارة وهيا بتطل فيهم كانها بتقلهم قوموا قام محمد لاحظ انوا سارة ماتبغه تجلس قدام
محمد- سارة ماتبغي تجي قدام
سارة- الا عادي وسكت الباب وراحت قدام
محمد قال في باله خليني اسليهم شويه- ايش تبغوا تسمعوا
ريناد- أي اغنيه حلوه
محمد- ساره افتحي الدرج وطلعلي أي شريط يعجبك
سارة فتحت الدرج ولقت اشرطه كتيره قدمت عهد وجلست تطلع على الاشرطه وقالت لسارة
عهد- شغلي روبي
سارة- اوكي
ودخلت سارة الشريط بس ماهي عارفه كيف تشغلوا قام محمد قلها دقيقه وجلس يشغل الشريط وحطلهم اغنية غاوي وكانت روبي تغني ومحمد يدق على الدركسون
والبنات الا ورى بيرقصوا كانت سيارة محمد مظلله من وري بس وكانت سارة ماهي مغطيه وجهها
محمد قرب من سارة –سارة ممكن تغطي وجهك
سارة- طلت في محمد وغطت وجهها وهي ساكته
سارة متعوده ماتغطي وجهها وهي لابسه نظاره لانوا نظارتها كلها كبيره سارة اتنرفزت من حركة محمد
سارة تقول في بالها- ياربي داه اول مره يخرج معنا وكيده سوه انا اخلص من Boyالا عندي يجيني داه ياحبيبي فرحني والله
وصلوا للمطعم ودخلوا وكل واحد جالس يطلب الا يبغاه ولما جوا يبغوا يدفعوا محمد مارضي لاحد يدفع ودفع هو الفاتوره
محمد- يلا مشينا
البنات- يلا
ريناد مقربه من سارة وبتكلمها بصوت واطي وهم ماشين عللى السيارة- سوسو ليش مااتكلمتي وقلتيلوا نحنا ندفع
سارة- وانا قادره اتكلم معاه واصلا بعد ماقلي غطي وجهك انا خلاص نفسي اخقوا
ريناد- ليه هوا قلك كيده ماسمعت
سارة- ايوه بس بصوت واطي
كان محمد سامع كل الكلام بس ماحب يبين وركبوا السيارة
ريناد- خلوا اماكنا زي ماجينا
سارة- لا انا ابغه اركب وري
محمد- خليها وري يمكن تبغه تكشف وجهها
سارة صار لونها احمر واخضر واصفر وكل الالوان
سارة- لا ابغه اجلس قدام كان في سارة عناد مو طبيعي ابدا
رانيه بصوت واطي- عندت سارو
عهد- والله انا حاسه السيارة راح تنقلب بينا من سارة ومحمد الاتنين معندين
ريناد- انكتمي منك ليها لا يسمعنا محمد
محمد انقهر من حركة سارة وكل ماله وسرعه السيارة تزيد ومحمد كاتم في نفسه
سارة- اه
ريناد- محمد انتبه
رانيه قاعده تضحك وتصفق
محمد انتبه انوا قدامه سيارة وخفف السرعه في اللحظه الاخيره
سارة معصبه من محمد- انت اشبك تبغه تقتلنا ماتشوف قدامك
محمد اتفاجئ من ردة فعل سارة وطل فيها باستغراب
سارة- طل قدامك لا تسوي فينا حادث مره تانيه
رانيه- خلاص ياسارة صار خير
ريناد حس بتوتر الجوا –محمد ممكن توقفنا في أي سوبر ماركت معليش نبغه نشتري شي قبل مانروح البيت
محمد- عادي دحين اوقفكم
وقفهم محمد ونزلوا البنات واولهم سارة
محمد- انا رايح اشرب ستار بكس احد يبغه
عهد- لا تسلم
سارة- طنشتهم ودخلت السوبر ماركت لوحدها
ريناد- نحنا نخلص ونجيك اوك حمودي
محمد- طيب
دخلوا البنات السوبر ماركت
ريناد- سارة سارة وقفي الناس بيطلوا فينا
سارة- نعم
ريناد- سارة ايش الا سويتيه داه
رانيه-احسن يستاهل محد قلوا يسرع ارواح نحنا ----------<دايما ضد الاولاد
عهد- لا ماكان لازم تعصب
سارة- انتوا ايش قصتكم بس تدافعوا عنوا وبعدين هوا مالوا دخل اغطي اكشف مالوا شغل لاني حبيبتوا ولا حتي خطيبتوا ولا زوجتوا
ريناد- الولد خايف علينا
سارة- مني طالبه خفوا عليا
رانيه- من جد مالوا شغل----------<ايش سولك الاولاد
عهد- يلا لا نتاخر قوموا نشتري أي شي
سارة- انا ابغه بيره هولستن تفاح
ريناد- بيبسي دايت----------<من تخنك
عهد- من جدك انتي دايت الا يشوفك يقول نفيخه
ريناد- اوكي انا رايحه اجيب نبغوا تجوا معايا ولا تستنوني
عهد- انا جايه معاكي رانيه شوفيلي مجلة زهرة الخليج بليز
رانيه- اوكي بس بسرعه مو كل شي تشوفوا تقعدوا تستخيروا عليه -------حلوه
خلصوا البنات وراحوا للسياره لقوا محمد مو موجود
سارة- فينوا داه
رانيه- ايوه صح فينوا والله قلت حيا
عهد- انتي اشبك سارة ماتقول كلمه الا انتي تزيديها اخر شي راح تقومي تنطي في حلق الولد
رانيه- وانتي اشبك تدافعي عنوا ريناد تدافع لانوا ولد خالتها
ريناد في قلبها- يسلم فمك
سارة- روحي يا ريناد ناديه لحسن السمش روعه
راحت ريناد ولقت محمد جالس شافها محمد وعلى طول قام
محمد- معليش اتاخرت عليكم
ريناد- لا عادي دوبنا خرجنا من السوبر ماركت محمد لا تزعل من سارة ترى هيا كيده عصبيه
محمد مارد عليها وركب السيارة
سارة- ريناد اركبي قدام انا مني راكبه
محمد سمع بس ماكانه سمه شي
ريناد- طيب
وركبوا البنات وكان جو السيارة هدوء ريناد حبت تغير الجوا وشغلت المسجل على اغنية ليه بيداري كيده
وصلوا البيت ولا احد اتكلم نزلت ريناد ونزلوا البنات وراها
عهد- شكرا
ريناد- معليش تعبناك حمودي
محمد –لا عادي ان شاء الله دايما نخرج انتوا بس لما تبغوا تخرجوا قولولي
سارة استحت تطلع من السياره من دون ماتقول شي – شكرا محمد
محمد من دون مايطل فيها- عفوا
طلعوا البنات وراح محمد لانو اتاخر على المعرض وهو في الطريق حس انوا غلط لما سرع وكان المفروض ينتبي للطريق ومايطل في سارة بداك الشكل
محمد في باله- بس كمان سارة غلطت ليش العصبيه ديك كلها ماكنت اتوقع انها عصبيه بداه الشكل
بس سارة صغيره واكيد ماهي متعوده تركب مع احد يسرع اكيد خافت وقت ماسرعت والله مشكله البنات اول مره يركبوا معايا وانا سويت كيده والله اني حمار على بالي وليد وميشوا معايا
قرر محمد اليوم يدق عليها ويتاسف ليها لانو مو ضامن سارة تروح تقول لامها وتقول امها لام محمد والله ساعتها لبشه مين راح يفكني من امي اصلا امي زي سارة تعصب لما انا اسرع
في بيت ابو وليد
سارة ولا كانوا صار شي اليوم- يابنات انا داخله انام
ريناد- ماشاء الله ولا كانك عصبتي زعلتي الولد وبس
سارة- والله محد قلوا يسرع وبعدين نحنا بنات مو وليد وميشوالخبل
وفجئه يدخل فارس اخوا سارة الضغير وهو يرقص كالعاده
فارس- اسبك سارة معصبه
رانيه وهيا مبسوطه- اهلين انا اقلك اخت ليش معصبه محمد سرع بالسياره واخت خافت وعصبت عليه
فارس- محمد مين
ريناد- ولد السواق --------<تستهبل
فارس- من جد-----------<غباء
ريناد ونفسها تخنقوا- غبي انته يواد اهبل محمد مين يعني محمد ولد خاله اهبل
فارس- بس انتوا كل شي عندكم اهبل اهبل اهبل ايش داه اف عليكم ويغني هما ملهم فينا ياليل
عهد- واله انك طعم وتروح تبوسوا
سارة- انا طالعه انام مين تجي معايا
ريناد- خذي رانيه رانيه روحي طبطبي عليها الله يخليكي ههه
سار وبضحكه هبل- ههه ياخفيفه
رانيه- روحي نامي عادي نحنا نجلس البيت بيتنا
فارس-ها لا والله البيت بيتنا نحنا
عهد- كسحههه
رانيه- يعني مره عجبتك يا ستي عهد سوسو انا جايه معاكي
ريناد- ايوه الله اتوصي فيها الله يرضي عليكي
رانيه-ههه ياخفيفه
الساعة 5ونصف العصر
(خليني معاك اوعه تسبني حبيبي انا نفسي ارتاح انا شوقي ليك بعذبني)
تقوم سارة على صوت جوالها طلت سارة في الرقم لقت الرقم غريب ردت وهي ساكته ماتتكلم
محمد- الو
سارة ساكته ماترد بتستوعب الصوت
محمد- الو سارة
سارة وهي مستغربه- مين
محمد- انا محمد
سارة متفاجئه- اها اهلين محمد
محمد- نايمه
سارة- ايوه
محمد وفي صوته شوية تردد- طيب انا اتصلت بس علشان اعتذر ليكي على الا صار اليوم الصبح من جد انا ماكنت اتوقع انك مره خوافه كيده
سارة- ههه حلوه خوافه
محمد- ههه لا والله بس يعني اتذكرت انك صغيره واموره كيده تخافي
سارة- ههه صغيره
محمد باستهزاء- ايوه صغيره ليش على بالك كبيره مره يعني ياماما انتي لسه ماطلعتي من البيضه
سارة وخلاص بدات تعصب وعفويه- ياي ياكبير طيب على فكره البنات يبلغوا قبل الاولاد
محمد متفاجئ- ههه ههه ههه اموره والله انك اموره موت ههه
سارة باستهزاء- مره عجبتك يعني الا يشوف يقول قلت نكته
محمد ولسه فيه ضحك- لا انتي ماقلتي نكته بس قلتي كلام ماينقال اصلا والله طلعتي جريئه يا بنت
سارة وهي بتفكر في الكلام الا قالتوا – عادي ماقلت شي
محمد- انتي شايفه ماقلتي شي
سارة- اف كورس
محمد- والله شكلك لسه ماصحيتي طيب انا اقلك الكلام الاقلتيه جريئ ولا لا اوكي
سارة- اوكي قولي ياعم
محمد- بامانه برحمت اغلي انسان عندك تجاوبيني بامانه وبصراحه
سارة- وانا احلف بالله اني اقول الصراحه
محمد- متي اخر مرره ماصليتي فيها
سارة بكل برائه- قبل اسبوعين تقريبن
محمد- لي يش ماصليتي
سارة ووجهها احمر وماهي عارفه ايش تقول- ام
محمد- انتي حلفتي يلا جاوبي
سارة- يعني عاملين فيها اهبل يواد اركز شغل اللف والدوران مايمشي علينا انا
محمد-ههه شوفتي انحرجتي علشان المره التانيه تنتبي على كلامك
سارة- لا انا اعرف انا ايش اقول بس انته عصبتني
محمد- المهم انا لازم اقفل لانوا جاني زبون دحين اهم شي ماتكوني زعلانه مني انا اتصلت واتاسفت
سارة- لا خلاص مدام انت دقيت انا مسامحتك
محمد- اوكي سوسو اهم شي الكلام لا يوصل لاامي اوكي
سارة- ههه دحين داه كلوا علشان امك اه ياخسيس
محمد- لو فيه واحد من اخواني ممكن لاكن مافي احد يعني لو مسكتني ماراح تسيبني ولا راح احد يفكني منها
سارة- ههه اوكي ولا يهمك ماراح اقول مو علشان شي علشان بس حزنتني
محمد- اوكي خير ان شاء الله نتفاهم بعدين يلا باي
سارة- باي
سارة ماكانت تتوقع انو محمد يكون طيب وحبوب لدي الدرجه كانت اخذه عنوا فكره انوا واحد جدي موت
في مكان ثاني مع الزبون الاجالس يتفرج على السيارة محمد كان واقف مع الزبون بس بالاسم لاكن افكاره كلها كانت عن سارة الا فاجئته مع جميع النواحي ماكان يتوقع عنها كيده عصبيه وخوافه وحبوبه وطيبه

وين ردودكم

هلا قطره من ندى
القصه رروعه
بس لانها في البدايه الاحداث لسى ماوضحت
وتسلمي ياعسسل
منتظرينك

مشكورة على المرور