المبادره من الزوجه ايش رايكم

مبادرة الزوجة مافيها شي غلط بلعكس شي حلو و يعجب وايد ازواج
بس اذا كان الوظع على طول جذي و الزوج مايطلب ولا يبادر الزوجة هاذه موب طبيعي
بلعكس في اغلب الاوقات تكون المبادرة من الرجل خصوصا في بداية الحياة الزوجية
مادري حبيبتي يمكن في حالتج يكون زوجج مرتاح من هالشي و انتي موب مقصرة معاه يعني قبل مايطلب تعطينه
انتي اذا تبين تعرفين جربي ماتبادرين هالمرة و جوفي اذا هو طلب منج او ماهتم للموظوع>> اذا طلب منج معناته كل شي طبيعي
بس اذا ماهتم للموظوع و ماطلب منج شي او مابادرج معناته في شي غلط لئن الرجل بطبيعته يلح اكثر و يطلب الجنس اكثر من المراة ولوكانت شهوانية
بس عموما حلو يكون في توازن في المبادرة بين الزوجين يعني مرة انتي و مرة هو
و الله يكتب لج السعادة وياه و يرزقج الذرية الصالحة

السلام عليكم ورحمة الله وبركاته
أحس فيها شيء من الغرابة لأن الرجل دائما هو اللي يطلب عني أنا ماأحب أكون جريئة لهالدرجة هذا رأيي وأنت بكيفك لأنك صاحبة الشأن..................................

أختي الغالية....بالنسبة لمبادرة الزوجة أنا شخصيا ماأشوف فيها شئ.....بالعكس تحسس الزوج بأنها
راغبة فية.......وتزيد من مكانتها عندة......وذا الشئ مو غلط ولا عيب.......بس مايكون بجرأة زايدة......
يعني تقدرين تكونين المبادرة بس بشوي خجل وبعض الرموز او الحركات الي توضح للزوج رغبتك ..وبعدين تقدرين توزنين هالشئ يعني اذا انتي بادرتي مرة او مرتين أتركي المرة الثالثة المبادرة تجي من الزوج.....
أتمنى اكون افدتك ولك مني خالص التحيات.....

أختي الغالية....بالنسبة لمبادرة الزوجه حلو بس مو باالكثره
يعني تكونون متفاهمين انتي معه
تحياتي لك واتمنى لك السعاده الابديه

السلام عليكم ورحمة الله وبركاته ، اختي من وجهة نضري الخاصه انه عادي الوحده تبادر زوجها لاكن مو كل مره ، مره هي ومره هو بس تجي عفويه ، واقول الوحده تبادر زوجها لما يمونون على بعض وتبادره بالتدريج اول شي التلميح ومع العشره بالتصريح ولا زم الوحده تحط في بالها الرجال ماهم زي بعض والعقليات والبيئات تختلف فيه رجال يتقبل انه زوجته تبادره من الشهور الأولى وفيه رجال يتقبل بعد سنه وفيه بعض يتقبل بعد اول طفل .......الخ فكل وحده ادرى بزوجها من اي نوع وشكرا

من اول الزواج اشوفها صعبه شوي لكن بعد فتره مايمنع انها بين فتره واخرى تبادر بهالشي ومو شرط يكون بالتصريح يكون بالتلميح

مشكوين حبيباتي على الاهتمام والردود الحلوه....
رايكم اشوفه صايب<<<ببتدي اتغلى شوي الحين واشوف

كثير من الازواج يتمنون انه المبادرة تكون من الزوجة
لكن انا رايي انه في بداية الحياة الزوجية وحتى سنوات الزواج الاولى الافضل انها ما تبادر ابدا والا بيصيرثقيل عليها
والله اعلم

انا رايي من راي اختي ام عبدالله "انا من قطر " لانه لو تعود انتي اللي راح تتعبين بالاخر ويمكن يعتبرها نقطه ضعف منج 00