المدارس الاهليه الأفضل الأسوء والاسعار المبالغ فيها

السلام عليكم ورحمة الله وبركاته
صباحكم / مسائكم ورد ونرجس وزهور
صديقاتي الفراشات لي اسبوع تقريبا وانا بس افرفر في هالقايله
ادور لي على مدرسه صاحيه لاولادي
صحيح ان المدارس كثير تلقى في كل زاويه وحده رازه وجهها
بس للاسف ان المدرسه الي توادي دورها بكل امانه من جميع الجهات تكاد ان تكون مفقوده
اسبوع كامل وانا ابحث ما خليت موقع ولا جريده ولا اعلان الا ومر علي حتى المدارس مريت عليها
وحده وحده حتى معارفي وصديقاتي وجيراني سئلتهم واستفسرت منهم
اسئل عن افضل مدرسه من حيث :
1- مستوى التعليم ( وهذا اهم شي )
2- الكادر الاداري
3- هيئة التدريس
4- الرسوم الدراسيه
5- المبنى<<<< طبعا انا هنا اتكلم عن المدارس الاهليه
مو قصراً في المدارس الحكوميه بس انا يهمني ان اولادي يتعلمون اللغه والرياضه كمادتين اساسيتي
المهم نرجع لموضوعنا
بعد ما داخ راسي من الفرفره والسؤال رسيت على كم مدرسة معينه وحطيت عيني عليهم
وقررت اني اروح اسجل لاولادي فيهم ، جهزت ملفاتهم واوراقهم وطلعت علشان اسجلهم
اول مدرسه صدمتني بالرفض ليه لان مافيه مكان شاغر قالت لي انت على قائمة الويتنق ليست فيه قبلك
2طالبه انتظار يعني انا 373 في الطابور قالت التسجيل مقفل من فبراير
هذي كانت اول مدرسه الي هي ( New World ) ' طبعا هذي المدارس بالشرقيه
سحبت نفسي ورحت للمدرسه الثانيه الي هي ( المنارات ) اول ما وقفت عند مدارس الاولاد
انصدمت من المبنى قمة في الخرابه قلت طيب بكيفه بس اهم شي التعليم عندهم كويس
رحت وسئلت عن المدرسين حقت قسم الانترناشينول لاني ابي ولدي يدرس فيها لقيتهم كويسين بعدين
سئلتهم عن قسم البنات فدلوني عليها ورحت كانت قريبه منها مو بعيده
بس ياللهي من جد يااللهي وش هذي المدرسه شي يقرف
والله ثم والله لو كانت ببلاش ما دخلت بنتي فيها يعني لو اقول لكم زباله ( وانتو بكرامه ) ما يوفي حقها
المشكله ان الرسوم الدراسيه غاليه بنتي ثاني ابتدائي ب 18000 هذا غير رسوم التسجيل
المهم طلعت ورحت مدرسة الحصان هذي انترنشينول على طول قالو انتو في قائمة الويتنج لست
يعني مالنا امل ودلتني وحده سوريه في المدرسه على مدرسة في الخبر اسمها ( IPS )
كلمت المدرسه قالت احنا انترناشينول سكول قلت طيب كويس وش مدرسينكم
قالت من كندا وامريكا قلت حلو ورحت على طول عليها ابي اسجل ولدي فيها وبنتي ولدي اول ابتدائي
وبنتي ثاني لما رحت قالت البنت مالها مكان حتكون في الويتنج لست بس الولد ممكن اذا اجتاز امتحان
القبول قلت بكيفه بس اخلص من هم واحد فيهم وبديت اعطيها الاوراق وصدمتني لما قالتلي عن
سعر الرسوم الي هو 38000 ريال ثمانيه وثلاثين الف كان بيغمى علي بس ربك ستر
قلت لها ليه الرسوم مره مبالغ فيها قالت احنا مو اي مدرسه ومدرسينا من اكفى المدرسين وقامت تبربر
علي وانا مو فاضيه لها وكان زوجي معاي في المدرسه فقالها اوك خلاص ودفع رسوم التسجيل
وانا مو راضيه معصبه بس هو يقول علشان ولدي ياخذ اللغه
عطاها الفلوس وطلعنا في رحلت البحث عن مدرسه لبنتي
المشكله ماخليت مدرسه حتى الخايسه رحت لها وكلهم يقولون تدفعون رسوم تسجيل
وبعدين نسوي امتحان لها واذا اجتازته تدخل المدرسه واذا لا نرجع لكم الفلوس الا 1000 الف ريال
تبقى عندنا حقت الاختبار
رحت للبسام ورحت لحدائق البيان ورحت للفيصليه ورحت كل المدارس
رسومهم لا تقل عن 30000 ثلاثين الف من غير مبالغه لا ويقولون بعد الامتحان نحدد اذا تبقى او لا
خرجت المدارس عن هدفها الاساسي وسارت تجاره واسعار مو معقوله
ولا فيه هيئه تراقب هذا الاستغلال وترفضه
اكيد كثير منكم يحس اني مبالغه في الموضوع بس انا المدرسه تهمني كثير يهمني كيف تعليم اولادي
يكون
اخر شي ياليت كل وحده تكتب عن افضل مدرسه _ رسومها _ مبناها
علشان الكل يستفيد
من تجربتي
1-المنارات رسوم 22000 انترناشينول و18000 وزاري - تعليم كويس - مبنى رايح في خرايطها
2-البسام رسوم 22000 انترناشينول -رسوم التسجيل 3000 - تعليم ممتاز - مبنى راقي
3- حداثق البيان 32000رسوم - رسوم التسجيل 4000 - تعليم ممتاز - مبنى راقي
4- IPS رسوم 34000 - رسوم التسجيل 4000 - تعليم ممتاز لكن الدين حصه في الاسبوع فقط -
مبنى امريكي بحت في وسط كمباوند
5-تلال الظهران رسوم 10000 - منها حجز مقعد 2000 - تعليم ممتاز - مبنى حلو و شرح
طبعا كل المدارس لازم اذا بتسجلين تدفعين لهم رسوم التسجيل واذا ما نجح الطالب في اختبار القبول
يرجعلك الفلوس ناقص 1000 ريال
ياليت الكل يتجاوب ويفيدنا بخبراته
وعذرا على الاطاله واي استفسار عن المدارس انا جاهزه