المشقره حق الوجه ضروري ادخلوا

من راي انا عندي الشمع افضل من الحلاوة وبكثير
اما المشقر فهو مع الاستمرار يزيد من كثافة الشعر فانصحك بالشمع

بصراحه انا مافهمت عن ايش تتكلمون ممكن توضيح قصدكم على المشقر حق الحواجب ولا شي ثاني

نصيحه لاتشيلين شعر وجههج بالشمع او الخيط ماعليج والله يخترب ويهج
والمشقر مايطول الشعر ولايكثره عن تجربه 9 سنوات ... لوجهي استخدم مشقر جوليان .... بس للحواجب انصحج بمشقر بلوندر بس اخلطيه مع شوية حليب بودره ...

الغاليه لا تقربي الشمع او الحلاوة من ويهج لانه بيحسس وبيطلع لج حبوبه وبعدين بيترهل ويهج الويه منطقه حساسه ما يتحمل الشد وانا شخصيا استخدم الخيط احسه افضل للوجه بس لازم تعتنين ببشرتج ام المشقر فبعد فترة بيزيد شعر ويهج والله بتندمين
اخت Milli ذكرت انه من 9 سنوات تستخدم وما زاد لها شعر الويه بس ترا يختلف من شخص لثاني بس الاغلبيه يقول انه يزيد الشعر وانا شخصيا بعد جربته ووايد زاد شعر ويهي اكثر من اول بس شوفي الي يناسبج وسويه

هلابك يالغاليه
انا ماانصحك تستخدمين الحلاوة ولا الشمع ولا الخيط لانه بعدها يخرب وجهك ويطلع حبوب بالوجه نصيحه لاتستخدمينها
اما على المشقرة فيه حلوه مرة للوجه تخلي وجهك صافي وناعم وكاانك حاطة كريم اساس بوجهك من النعومه وانا لي سنتين استخدمها بس ماهو اللي بالصيدليه 3 حباات ملونه مع بعض لا هذي تزود الشعر
المشقرة اللي عند الكوافير اللي تشبه السكين الصغيرة من عند خوجه هو الوحيد اللي تباع عنده
تعبت وانا ادور عليها اخر شي سالت الكوافير قالت احنا نشتريها من الطائف وما توجد الا بالطائف ورحت الطائف واشتريها
ب120 ريال من سوق قزاز عندهم بالطائف اذا تعرفينه
عشان انا استخدمها لي لما اروح الكوافير عشان تكون شخصيه لي وحدي
وفيه تفصيل يفصلك اياه لو تبي يعني على حسب الطلب يالغاليه
وانشالله اكون افدتك

ممكن اعرف شنو المشقره

يابنات لحظه فيه ناس مخربطه
المشقرة هي مثل الموس
المشقر هو الي يشقر الحواجب
!!!!
والبنت تقصد المشقرة فهمتو عليه
بالنسبه للمشقرة يمدحوونها جدا
لاكن رأيي أنا أفضل الخيط "الفتله" مرة حلو
ينعم الوجه ويصفيه بجد حلو
وموفقه حبيبتي

طيب هذي المشقره مثل الموس تطلع الشعر متين و غامق...ولا غير؟ ويصلح نستخدمها للجسم؟ ومتى يبدا ظهور الشعر؟

يا اخواتي شنو المشقره؟
انه اعرف المشقر اللي اهو نوع الكريم او اشقر الوجه
بس شنو المشقره وشلون مثل الموس؟
هل له اسم ثاني؟