المطلقة وعندها اطفال ترد

تعودي بالله اختي ليش تنوين تنفصلين ؟
احكي لي يمكن اساعدك
انا اختي مطلقة ببنتين وهلا تعبت من الدنيا ومقاسيها
وكمان بنتها الكبيرة توها عمرها 5 سنوات وتعبانة

الله يهديك ان شاءالله
والحياة أخذ وعطاء
والزواج لازم فيه تضحيات من كلا الشريكين أو أحدهما
واصبري عشان أولادك بكره يكبرون ويعوضونك إن شاءالله

والله يا طويلة العمر انصحك بالاستخاره ولكن الطلاق انقلاب حياه كامله يعني وضعك كله بيتغير وبتتعبين تعب مو صاحي

اكتبي مشكلتك ونساعدك
والطلاق انسيه
نار الزوج ولاجنه الاهل
اصبري على زوجك وادعي ربي يسخره لك ولعيالك

لالاتتهورين فكري زين وصلي وادعي الله يهديه الاالطلاق وربي ضياع وتشتت حتى الاطفال بيتعبون انا مطلقه وعندي بنت اتعب اذا اخذها ابوها بس افكر يمكن يصير لها شي نصيحه لك كل شي بيتغير خليك بيتك احسن لك

تعوذي من ابليس لا يلعب عليك
صعب صعب تتطلقين بالذات اذا عندك عيال
اذا زوجك فيه عيوب ما فيه انسان خالي من هالعيوب كل ما جاك ابليس وذكرك بعيوبه وغلطاته وزلاته اذكري محاسنه لو هي قليله بتكبره بعينك
ليش الطلاق صعب ؟؟
لانك بترجعين بيت اهلك وترجعين تتعودين انك مو عايشه بمملكتك الخاصه بكل ما فيها من حريه
وترجعين تستلمين مصروفك من اهلك مثل قبل واذا عندك عيال لابد تجيك حاله تحسين بحرج من اهلك لو نقص عليهم شي بالذات ان الرجل من يوم يطلق يبدأ يلعب بسالفةالمصاريف وبتتعب نفسيتك لان الاولاد مالهم ذنب
انا مطلقه وعندي بنوته واهلي معطيني الحريه التامه وبنتي عايشه معي وابوها شهر يصرف وثلاث اربع شهور لا
ما اقولك اني مو مرتاحه لا مرتاحه لكن بطبع الام احيانا تشتهي تجيب لبنتها وتحط لها وتسوي لها واهلي ما بيقصرون لكن انا استحي اطلب وارضى باللي يجي منهم يعني مثلا مصروفي الشهري 1000 ريال ومسجله بالجامعه وادرس برسوم يدفعونها لي اهلي وبنتي ما ينقص عليها شي بس برضو احس بنقص يعني ودك كذا تحسين انك تنفعين اهلك مو حمل عليهم انا وبنتي وعلى فكره اهلي من تطلقت ما حسسوني اني عبء عليهم بالعكس
بس بعد غصب احس هالاحساس يعني كبرت وصرت ام واتمنى ادخل على اهلي بشي حلو واهدي لامي والا ابوي مو اخذ منهم حتى لو اهديت لهم هديه بيصير مثل المثل اللي يقول يقطع من اذني ويحط بفمي لانها اصلا فلوسهم
يمكن كل اللي قلته لك ماديات وابليس بيقول لك عادي المهم يرتاح بالك
لكن وانا اختك هذا فيض من غيض وبعض من معاناة المطلقه مهما كانوا اهلها واقفين معها وبصفها لابد تشتاق المره لرجل يضلل عليها يعني تشتهين تقولين بزور اهلي بسوي كيكه واروح اتقهوى مع امي وخواتي تشتهين وانتي عند امك والك يرن وفي احد بانتظارك وتشتاقين تحسين ان في احد ممكن يفكر يهنيك بالعيد ويكون اسلوبه معك خاص غير عن اسلوب الكل
وهالشي مستحيل تلقينه الا عند الزوج
مهما كانت عيوب زوجك اذكري محاسنه لو تكتبينها بورقه وتخلينها قدامك صدقيني بيكبر بعينك وتحبينه وعيالك اولى بحياتك من انك تضحين فيهم وتشتتينهم وتحسسينهم باليتم بسم الله عليهم
طولت عليك بس اسفه سامحيني
ربي يوفقك ويهديك ويهدي لك زوجك ويسخره لك ويكفيكم شر الشيطان ووساوسه

m!ss Fun
الا الطلاق دام عندك عيال

حبيبي دام انك لسا تفكرين يعني ممكن تتحملي يالغلا
الطلاق يكون حل لما خلاص ما تقدري تتحملي
أصبري و أحتسبي الأجر من الله سبحانه و تعالى فكري بأولادك كيف حيتشتتوا بين أم و أب
و حيصيروا معقدين من الزواج لان امهم و أبوهم كانوا منفصلين ..
و إذا ما تقدري تصبري شوفي وضعك كيف حيكون و انتي مطلقه ببيت اهلك
و أستخيري و ادعي كثير و قرري بعدها

m!ss Fun
ما قصرت الا خت في ردها كفت ووفت وفي النهاية اني ادرى بمصلحتك ومصلحة عيالك