الى بنات الاحساء ارجو المساعده

بنات 9 زيارات ومحد قدر يكتب كلمه :(
بنات بليز ابي مساعده ضروري قبل العيد عشان الحجز
بس اسم مشغل بالاحساء يسوي مكياج اعراس حلو
بليز بنات حتى الي تسمع وماشافت بليز تقولي انتظركم لاتخلوني :(

يقولون انا ماشفت مشغل الاحلام حلو
والقمه يمدحونه بس انا اشوف بعضهم حلوين وبعضهم يخرعون
وفيه مشغل السحاب حلو
سمعت عن مشغل ايمان بعد يمدحونه
ومشغل الفراشه فيه واحده عندهم مكياجها روعه عندم بس ناسيه اسمها ..

تسلمين ياحياتي الله يوفقك على هالرد الي اثلج صدري بس بغيت استفسر وين صاير فيه مشغل القمة والسحاب وهم الفراشه ياليت توضحين لي ياقلبو .... ومشكور وعسى ربي يوفقج دنيا واخره

السلام عليكم شوفي اختي في كثير مشاغل حلوة الاحساء والاكثر شهرة الفراشة والقمه والسحاب والجازي وفي الاحلام انا جربت الاحلاممرة مكياجهم روعه على حسب الطلب اذاكنت تبينه خفيف او الالوان اللي تبينهاوكل هذي المشاغل في الهفوف و الاحلام في شارع السويق
ان شاء الله تستفيدين
تحياتي :
مها...

تسلمين ياقلبي المها يعلني مانحرم منكم بنات بس حددولي الفراشه والقمه وين بالضبط اي شارع وشنو المحل الي يمه عشان يدل الي بيوديني .
مشكورين وماتقصرون ياحبايبي

الفراشه في شارع الماجد في السويق
اما القمه ماعرف اوصفه بس برضوا هو في السويق روحي جنب بو خضر للعطور وسألي اي حد واكيد بيدلونك هو تقريبا مقابل محل لفسلتين الاعراس اسمه مون على مااعتقد مو متأكده

انا مع كلي دلع
الصراحة القمة روعة
وسحاب روعة
والاحلام كمان
وكلهم تقريبا يتشابهون ( ميكياجهم )
وانتي اختاري اي واحد وروحي وانشالله ماتندمين بس انتي قولي لهم كيف تبغينه ( ثقيل , ناعم . )
علشان مايلعبوون علي واخر شي مايعجبك .......

بصراحة السحاب روعة عندهم المكياج

احسن مشغل مشغل الفراشه انا رحت بخطوبتي عندهم بس شغل عدل يجنن واطلبي في المكياج (مشاعل) شغلها يجنن بالمكياج اما التسريحه فكل البنات شغلهم حلو وانا من الاحساء وماانصحك بالسحاب ولا الاحلام دفاشه وموحلو اتكلم بصراحه وفيه مشغل بالسلمانيه اسمه (نيو لوك) مكياج يجنن يجنن يجنن روحي نيولوك وحطي تجربه مكياج عادي وبتشوفين الروعه وبتدعين لي نيو لوك في السلمانيه عند مستوصف الهدى في عماره صلاح الدين ياليتك قريبه كان وريتك شغل المشغلين لاني مداومه عليهم شغلهم شي وبالتوفيق ان شاء الله