الى كل من دخلت الحياة الزوجية

1. مثلآ


2. (( لا يأكل طعامك إلا تقي ))

بسم الله الرحمن الرحيم
أولا يا بنات الموضوع مو لي
أنا فقط أعجبني ونسخ ولصق
ادعو لصاحبته
وادعوا لي بعد والمسلمين
الزوآج نعمه من الله اذا توفرت عوامل نجاحه او نجحنا في التعامل معها
اللي كلها عارفينها طبعآ
وخليك متفآئلة بحيآتك الزوجية
(( تفآئلوا بالخير تجدوه ))
فعشآن تريحين رآسك وما يجيك يوم تندمين فيه
اذا كنتي خايفة من بكره وبعده
فعليك أختي الحبيبة بالآتي
الزوج هو ليس كل الحياة
وأنما هو شريكنا في الحياة
لذلك خليكِ وسطية في كل شي
وريحي راسك
لآ تعطين الزوج أكثر من حقه وتضحين بزيادة عن اللأزم وتتنازلين عن كل حقوقك (( الصحية والنفسية والدينية والماليه ...))
ويجيك يوم تندمين (( لا قدر الله ))ولاتقصرين مرة .. وتصيرين لا مبالية
ويجيك يوم تندمين بعد وتتحسفين
قومي بواجباتك اللي عليك نحوه وبنفس الوقت خذي حقوقك
الحقوق تؤخذ ولآ تعطى
(( خذيها باللتي أحسن وبدهاء الأنثى ))
وخلي لك أهداف بالحياة
توزعين أهتمامتك فيها

مثلآ

1- هدف ديني .. خلي لك في كل يوم جزء من العبادة ولو بسيط وتلذذي بذلك وخليه يكون طريقك الى ((الفردوس الأعلى ))
2- هدف صحي .. مثلآ الوزن راقبي وزنك كل يوم (جمعه مثلا )والشعر والبشرة والأسنان أهتمي فيهم وخصصي لهم وقت زيارة لطبيب الأسنان .. وهكذا فجمالك ايتها الأنثى في جسدك لا تنسين وتلهيك الحياة (( ان راح جسمك يمكن يشوف غيرك ))
3- هدف شخصي .. طوري من نفسك (لا تقعد ريما على حآلتها القديمة) ترى الدنيا تمشي وانتي حآولي تمشين معها .. مثلآ في الطبخ تعلمي كل شهر طبخة جديدة ونوع من الحلى او السلطة .. وبكذا في السنة اتقنتي 12 طبخة على الأقل ولو كانت 3 مقبول << احسن من لآ شي أو مثلا الميك اب تفرجي على الرسمات الجديدة واطبعي بعض الصور ولو تطلعين برسمتين للعين مثلآ بالسنة حلو تقدرين تكشخين وتتفلسفين فيهآ
4- هدف أسري .. زيارات أسبوعية . عزيمة شهرية تكسبين مودتهم وصلة الرحم وبر الوالدين00000
5- هدف أجتماعي .. مثلآ جيرانك صاحباتك تطلعي لعلآقآت جديدة (( مع الأجدر بالثقة ))

(( لا يأكل طعامك إلا تقي ))

6- هدف علمي ..الدراسةوالتعليم حاولي تكملين تعلميك انتساب او مدرسة خاصة او تحفيظ يكمل عقلك ولا يوقف على اول يوم دخلتي فيه البيت .. طوري ثقافتك (( ندوات _ أشرطة _ كتب _ قنوات هآدفة )).. مهارات جديدة تعلم أي مهارات في الكمبيوتر (( وهذا انا تعلمت وصرت أكتب في المنتديآت ) ها ها ها .. تنمية هوايتك .. رسم او تطريز اللي يجي معاك

• 7هدف مالي .. (( خآصة اذا كنتي موظفة )).. مثلآ ضعي تآريخ لشي تبين تشترينه .. وحاولي ما يعدي التاريخ هذا وانتي ما وصلتي لهدفك المآدي .. يعني خذي ورقة وقلم وقسمي مرآحل وصول الهدف .. واذا منعتك الظروف مهي مشكلة لو تأخري بس اهم شي حققتي هدفك ..

وانتي بعد ياللي تقرين شاركينا بأفكارك اللي
إن شاء الله ندعليك عليها ونستفيد منها
وعلى كل حال بادري بالحركة
الحركة فيها بركة
ترى اللي يركض يوصل
واللي يهرول يوصل بعد
واللي يمشي واللي يحبي
وبعد اللي يزحف
كلهم ذولي رح يوصلون
وبتكون لهم ثقة بنفسهم

• -

ولكن
اللي واقف
وطآيرتن عيونه وبوهته بعد
ومتردد
يبتل(( يعني يستمر أو يضل ))
واقف
والعالم تمشي وهو بعد واقف وصدقيني الزوج كل مهو مسؤول عن تغيير حيآتك وتطوريها انتي المسوؤلة
وهو اذا شافك كذا يبي يستانس ويفتخر فيك
وأنتي سوي هذا عشان تفتخرين بنفسك
وبكذا
يكون زوجك اضافة جميلة لحياتك
وإن تغير عليك (( الله لا يغير على احد ))
ما تتحسفين وتلطمين
ان شاء الله تكون هذي من الافكار الجميلة والمفدية
واللي تنظم من حياتك
\
منقول