الي قدرت تقنع زوجها يترك الدخان او الشيشة او المعسل تدخل والله لها الأجر

الله يصلحهم لابد من العزيمه عشان يقتنعون بهالشيء..
والله يرفع عنهم جميعا..

اه ياختي جيتي على الجرح والله ايام الملكه كان يقولي خلاص بخفف وتزوجنا حتى شهر العسل شالها )الشيشه) معاه فبلي والى الان كليوم لازم يشيش ادمان والله الله يفكو منها هو واخوي وزوجك وجميع شباب المسلمين

الحمدلله خطيبي ساب الدخان من نفسه قناعه المعسل في اوقات متباعدة يعسل صرت اكلمه يسيبها وكذا يقولي والله مادور عليها بس وبعدين زميله ملتزم بالعمل نصحه وبطل منها والله يثبته وانا احاول اشغله دايم فيني بس اشوف قناعته اهم

ماشاء الله تبارك الرحمن
الله يزيدكم يارب ويهدي ازواجكم يارب

الله يصلح قلوبهم ويهديهم لكم

والله زوجي طايح فيها بس قدامي لازم يقولي معليش ادخن بس قبل الاكل وبعده
تقولين فرض واجب خ واذا كان متضايق من شئ لازم يدخن
بس مره قلت له لا مافيه تدخين والله وعاند ودخن قلت ابغى خمس ريال
قال ابشري وعطاني واخذ الولاعه واشبها الخمسه وهو عيونه فيني وبالفلوس
طايره مو مصدق قال وش تسوين
قلت حط بين قوسين ( المعنى مختلف والهدف واحد ) وافهمها
قال تبغين عشره عطيتك حطمني بصراحه بس

والله ياقلبي كان زوجي يدخن بس شهرين بس ما كان يدخن قدام ولا كنت اعرف انه يدخن بس كنت اشم فيه يقول لي لالالامين قال اني ادخن بس الله يصلحه زميلي كنت معه في سيارته وكتمني بدخان قلت طيب ومشيتها ومره نزل البقاله وافتش في السياره والقي البكت واشيله في الشنطه حقتي يوم جاء قلت له اشتر لك دخان علشان الدخان حقك رميته قال ايش قلت الي سمعته وقتها احنا ريحين الي اهلي وهو خايف اني لو رحت ماارجع فقال ليش تفتشين في السياره حقتي خلاص مافيه روحه لاهلك قلت عادي جدا بس انت ليش تزعل اني فتش اواني كشفتك بس عادي ياقلبي نا مابحرمك منه بس انا بقول لك خيارين وبس وعد منى مااحد يدري ولاعاد افتح لك الموضوع مره ثانيه بس بشرط انك ضروري تختار واحد بس منهم قال ابشري ماطلبتي شي اتكلمي قلت بس لالالاتزعل لن يمكن تكون قويه لك بس ماهي اقوى من صدمتي اني لقيته قالت اسمع تبغاني او تبغا الدخان قال اكيد انتي قلت خلاص معك الي يوم الجمعه اذان المغرب مابطلته انت تحرم عليه كما تحرم على امك وبروح لاهلي قال غيري الثاني قلت ما اقدر احس اني مصدومه مره وما يبرد خاطري الى كذا قال خلاص اتفقنا قلت خلاص اتفقنا وكمان نسيت اقول لكم انه هددني وقالي قبل مانتفق جهزي ملابسك من الحين قلت خلاص ابشر يبغاني اتنزل بس كان الشطان ركب راسي واتفقنا للمعلومه كنا في يوم الاربعاء في وقت كافي وجاء يوم الخميس وقال هيا نروح البحر وكان حجز شاليه ماكنت ادري وصلنا ودخلنا الشاليه قلت في نفسي بس اكيد بيختار اني اروح الي اهلي علشان كذا يبغايقظي ليله حلوه وجاء يوم الجمعه وانا اقول في قلبي ليتني سمعت كلامه وغيرت وجات الساعه 3 العصر وطلعنا من الشاليه ونتمشا شويه وراح الوقت سوليف ودلع وحب وانا اردد في خاطري واقول شكله اليوم الختامي وجات الساعه 5 وقالي بنزل ادخن عن السياره واجي قلت طيب وخلاص وجاء وانا على اعصبي واحنا على الطريق اذن المغرب وقال لي الصدمه يوه اذن المغرب ماقد رحنا البيت قلت عاي نصلي في الطريق قال لالالالانسيتي الوعد قلت ايوه قال على العموم جهزتي ملابسك قالت ايه وصلنا البيت وقلبي يدق بسرعه واقول وش الفايده الحين واش اسوي يارب استر وش اقول لاهلي ونزلنا ومسك ايدي وعلى طول على غرفت النوم وقال لي هذي اغراض كلها قلت ايه البقي في السياره قال عادي وبعدي قال لي اذا انتي ماتبغيني ولقيت ليك سبب علشان نتفارق فانا اقول من اليوم الي يوم القيامه الدخان حرام عليه ماشاء الله تبارك الله وانا اختارك انتي والله يوفقنا لبعض وانا عارف انك ماتدوري الى مصلحتي وهنافرحت مره وصار الي صار ...........والحمد الله انه ماصار الي في بالي وللمعلومه هذا الكلام قبل 7 سنوات اول ايام زوجنا ما شاء الله تبارك الله والله اني ماني مصدقه انها عدت على خير واسفه علي الاطاله واعطيتكم القصه بتفصيل من الصدمه والله اني ماانساها ماشاء الله تبارك الله

اه ياليت زوجي يكترك الدخان طفشت وانا اتكلم معه<<الله يصلحه

ما شاء الله تبارك الرحمن الله يثبته يارب
اخواتي لازم نلاقي حل و الله يوفق الجميع