اليوم بداية الشهر من تبدأ معي برنامج للشعر

هلا وغلا أختي
أم أنا شعري منعدم
والله والله والله إني مليت من خلط الزيوت الله يتوب علي كلها بالزباله
ملوله جداً ومافيه تشجيع فأتحطم
فكرتكِ عجبتني
أنا صار لي أسبوع حآيسه بغير نوعية الشامبو
وأبي حمام زيت مفيد
حالياً انا استخدم زيت ام الجدايل من وادي النحل
عاد من شريته حلفت اخلصه وباقي فيه نص العلبه
توني حطيت خلطه على كشتي ومن ضمن مكوناتها بيض انا اكره ريحته ولااطيقها بس
لاشفت البنات يمدحون فيه يغروني :((( وعلى فكره شعري يميل للجفاف ومزاجي شهر ناعم وحلو وشهر كاش ونافش
تعبني والله ومالقيت شي ناسبني جاني الاكتئاب
صاحبة مشغل شعرها لاإله إلا الله روعه
قالت الجرجير
ومن خلال فرفرتي بالمنتديات وحده تقول جرير ونارجيل اللي علبته خضرى حديديه
حسيت راسي انقلب
مدري وش أسوي بالضبط ؟
وانا ناويه ابدأ كورس عنايه لأن شعري يشتكي وينوح خ

انا ابي ابدا معكم بس يوم الخميس بروح لم اسوق او اشريهم
يسلمو
انا شعري جاف مره الله يعيني علي
بس المهم كم ساعه اخليه بشعري

تبين الحق النارجين اللي علبة معدن مرة روعة حتى ينعم لا حطيه ووش يمنع اخلطيه مع زيتك وماراح تخسرين
بي ادخلي معانا بالبرنامج واستمري وان شاء الله بتلقين نتيجة
لا لليأس نعم للشعر الصحي
ههه
بالتوفيق

لالا خلي هالزيت يخلص وراح ابدا معاكم
فيه وحده شدني طريقة ماسك تضعه لشعرها
تحمست له بصراحه
ملعقه نسكافيه 2ملعقه مايونيز 2ملعقه عسل 1علبه زبادي 1ملعقه مسحوق قشر البرتقال المجفف 1فنجال زيت زيتون 1ملعقه خل التفاح>>> احطه على شعري لمدة ساعه واغسله
تمدحه بشكل موب طبيعي
وشرايكم فيه ؟؟

والله اول مرة اسمع عنها اكيد حلوة كلها اشياء طبيعية

وش فايدة النسكآفيه للشعر ؟؟
وسوري طولتها وقلبت الموضوع لشآت (^_*)

والله فكره حلوه
شوفوا ياحبايبي أنا بأبدأ معكم وبقولكم برنامجي وقولوا لي رايكم فيه
طبعا الكل يعرف إن سر جمال الشعر في التغذيه الصحيحيه
وها التغذيه لازم تحتوي على الفاتمينات اللي تساعد على نمو الشعر>>>>>خلصينا ياكثر كلامك
والدكتور القحطاني يقول أفضل شي للشعر إنك تاكلين كل يوم لمدة شهر "حبة خياره" و:حبة جزره": "وشوي جرجير"
وبناء على استنتاجاتي من كلام البنات قررت أبدأ من هالشهر وبرنامجي كالتالي:
أولا:طبعا كل يوم آكل خيار وجزر وجرجير
ثانيا:استخدم عشبة الآس>>>>والله رهيبه للشعر
وطريقتي أضع ملعقه مطحونه من الآس وضع هليها مقدار كأس من الماء المغلي
وأتركها لما تفتر وتبرد ثم أصفيهاواضعها على شعري ولا أغسل شعري بعدها أصلا ريحتها حلوه في الشعر وماتحتاج غسل
طبعا هذا كل يوم
وقبل ماأتسبح أزيت شعري بزيت عافيه وأدلكه لمدة عشر دقايق
وترى هاذي الطريقه قايلها الدكتور جابر القحطاني ويقول ممتازه لترطيب الشعر
وبس ياالله أبغى أشوف آرائكم

مشكورة ياقلبي على الفكرة وسبقتيني فيها لاني من زمان هالفكرة على بالي ومحتاجة حد يشجعني وبصرااحة شعري مرة يتساقط وقلت لازم اجرب وصفة القحطاني اللي قالت عليها حبيبتي شادن
بس رايحة استخدم زيت زيتون وزيت اللوز المر وزيت خروع وزيت نارجين هاذي يقول القحطاني انها مفيد مين تبدا بسم الله بس لاتنسوني اذا قررتوا تبدا ارسلوا لي لو رسالة خاصة انا بنتظاركم

مرحبا إختي "ليله عطرها باقي"
أنا إن شاء الله ببدأ من اليوم
يالله من يبدأ معانا
وينك ياصاحبة الموضوع"نسائم الود" تبدين معانا