الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
01-12-2022 - 02:31 pm
السلام عليكم ورحمة الله وبركاته
كيف حالكم
بنات انا عندي مشكله وابيكم تساعدوني محتاره من اقوله قل مراح اقول الا لفراشاتي اهم الي بيساعدوني
بذكر مشكلتي من بدايتها
بدايتن كان يوم الاربعاء اللي فات كنت انا وزوجي بنصوم ايام تطوع وقال يبي سحور شغلت عليه وقالي روحي ارقي لمرت اخوي هناك امي وخواتي اتحمد لها بالسلامه جايه من شهر العسل ورحت بس حدي قلت لولدي عمره سنه ونص قم العب شف تلفزيونهم تبين وايراته يعني كلام بين ام وولدها خرابيط ماله داعي ام زوجي تقط وجهها الا قامت تقول انا عيالي اذا رحت مكان اقولهم لايخربون ولايعفسون من وهم صغار وعيال هادين وجلست تمدح في عيالها مع ان الحقيقه انا اشوف عيال بناتها شر لان عيالها كبار متزوجين بس عيالهم شر شياطين وقالت بعد ولدش طالع على اهلك شر الظاهر انتو شياطين ماطلع علينا المهم انه كلامها المفروض ماينتواخذ اخذه من اذن واقطه في الاذن الثانيه بس انا والله توني حامل وحامل غصبن عني مو باقيه هالحمل لانه ولدي صغير بو سنه ونص ووعندي دراسه اخر ترم في الجامعه ابي ادرسه وانا مرتاحه اشوي وحدي حامل في اول شهوري يعني كلش تعبانه والنفسيه زفتوجا يوم الخميس وجلست اشكي لزوجي عن امه وعن تصرف اخته لانه طلع تصرفات من اخته وانا منفعله قلت امك ماتستحي على وجهها بس والله هذا اللي قلت وقام يضربني وعصب ودخلني الغرفه بالقوه وكمل ضرب وانا الصراحه دافعت عن حالي وضربته بس شوهه وجهي سوا فيني علامه ويدي علامه وضل طول الخميس مايكلمني والجمعه وانا اللي احاول اتقرب منه واراضيه لان عندي ولد والثاني في الطريق مابي اعيش مشتته وضايعه اسكت على مراره المهم انه ليله السبت يعني رجع يكلمني وراح السبت دوامه وبيجي الاربعاء يعني تخيلوا مااشوفه الا خميس وجمعه ونص قعدته عند امه والله العظيم انه امه واقفه عظم في البلعوم كانها مرت زوجي مب اخوي صاير يجلس معاها اكثر مني هالفتره مو فارقه عندي لانه اتوحم علي ماطيق اشوفه اذا شفته تلوع شبدي
بس الحين ابي اكلمه كلمتين عشان مايضربني ابي احسسه بتأنيب الضمير لانه تعرفون الواحد اذا مد يده مره مدها عشر مرات واهو بعد مدها قبل كذا وقالت للشيخ وقال مراح يمدها مره ثانيه بس الظاهر من وهو صصغير امه ربته على الطق على كذا كبر يطق لانه مره قالي الولد انطقه اذا نبيه نربيه
التعليقات (9)
هلا أختي
هداك الله هداك الله كيف تقولين (ماتستحي على وجهها )
ولمين هاه ؟
لوالدته !!
ياقلبي شي طبيعي أنه يترفز ويرفع يده وأعرف لك واحد والله والله طلق زوجته بسبب
هالكلمات الجارحة
أختي لو أعتبرتي انك ماقلتي شي فهم يعتبرونها مصيبة وتعتبر هدر لكرامتهم
وكمان مافي داعي تضربيه يالله
أصبري وأتحملي وطنشي أي شي جارح من والدته وحقوقك لاتتركيها
ولا تتهاوني بدون ظلم ولا جرح لزوجك
أقهري الشيطان وراضي زوجك وحاولي تكسبيه وأبعدي عن زلات اللسان
لان السبب الرئيسي لاأي مشكلة زوجيه هو عناد الزوجة وطولة لسانها
دعواتي لك بالتوفيق
هداك الله هداك الله كيف تقولين (ماتستحي على وجهها )
ولمين هاه ؟
لوالدته !!
ياقلبي شي طبيعي أنه يترفز ويرفع يده وأعرف لك واحد والله والله طلق زوجته بسبب
هالكلمات الجارحة
أختي لو أعتبرتي انك ماقلتي شي فهم يعتبرونها مصيبة وتعتبر هدر لكرامتهم
وكمان مافي داعي تضربيه يالله
أصبري وأتحملي وطنشي أي شي جارح من والدته وحقوقك لاتتركيها
ولا تتهاوني بدون ظلم ولا جرح لزوجك
أقهري الشيطان وراضي زوجك وحاولي تكسبيه وأبعدي عن زلات اللسان
لان السبب الرئيسي لاأي مشكلة زوجيه هو عناد الزوجة وطولة لسانها
دعواتي لك بالتوفيق
يا قلبي وش تبينه يسوي يوم تقولين له امك ما تستحي , هذي امه الله يسلمك لو حتى كسرت راسك بتضل امه وانتي الغربيه ويقدر يبدلك بغيرك عشر بعد , المفروض تكسبيها في صفك وخليها هي الي تمدحك قدامه لو ايش ما يكلفك ,ادري طبع الحريم الكبار صعب ,اتحملي وانا اختك عادي اعتبريها امك واي شي تقوله خرجيه من الاذن الثانيه والله تقدري تكسبيها ,احسن من انك تعاديها وبعدين تزن على اذن ولدها وتشجعه على انه يعرس عليكي والله بعدها تموتين من الندم , فطالما ضربك علشان امه فهذا يدل على انه يحب امه ويحترمها, يعني لو كسبتيها وضمنتيها في صفك فأبشري بلي توقف معاكي ضد ولدها وتحليكي في عيونه بعد .المهم حاولي الحين تتقربي من امه وتراضينها وكل ما شافك يلقاكي عندها تبريها واشتري لها هديه هو عقبها يستانس وينسى كل شي صار ,الرجال وانا اختك اهم شي عندهم اهلهم واحترام الاهل وهذا المفروض تسوينه اتحملي واتنازلي يا قلبي والله يوفقك ويفك عنك ضيقتك يارب .
والله العظيم شقول احاول اتقرب لها ومن بدايه زواجي اروح بيتها وانضف وامسح مطبخها واطبخ معاها واغسل بس والله ثم والله انها وحده ماينقع قي عينها شي والله كلن يتكلم عنها ويقول انها شينه والله اذا دقت عليه جوال وشاف اسمها ينتفض شنه سعفه يخاف منها
انا ادري اني غلطت وقلت هالكلمه بس مو المفروض انه يضربني وانا حامل وعندي ولد كافي اني بجيب له عيال
استغفر الله احيانا افكر اقول خلاص مابي اعيش معاه في هالمرار تعبت تعبني وتعبوني اهله معاه لو اصير خدامه تحت ارجول امه مراح ينقع في عينها ماينقع في عينها الا التراب صعبه والله صعبه
انا ادري اني غلطت وقلت هالكلمه بس مو المفروض انه يضربني وانا حامل وعندي ولد كافي اني بجيب له عيال
استغفر الله احيانا افكر اقول خلاص مابي اعيش معاه في هالمرار تعبت تعبني وتعبوني اهله معاه لو اصير خدامه تحت ارجول امه مراح ينقع في عينها ماينقع في عينها الا التراب صعبه والله صعبه
الحمل أثر على نفسيتك حاولي هالفتره ماتجتمعين ب أهله وانتي مو ملزومه تخدمين أهله عليك في بيتك وعيالك وزوجك
وانتي غلطتي بكلمتك بس خلاص ما ينفع الندم الأن وأخذتي عليها علقه خلاص وش مزعله حاولي تتخطين هالأزمه بالصبر ولاتفتحين الموضوع معاه
ويبيلك تتعلمين ضبط نفسك .. ومهما تكلمت أمه وانتقدت طنشيها وريحي رأسك
وانتي غلطتي بكلمتك بس خلاص ما ينفع الندم الأن وأخذتي عليها علقه خلاص وش مزعله حاولي تتخطين هالأزمه بالصبر ولاتفتحين الموضوع معاه
ويبيلك تتعلمين ضبط نفسك .. ومهما تكلمت أمه وانتقدت طنشيها وريحي رأسك
امك ماتستحي على وجهها
شو بدك يعمل يصفق لك ويقول ايه نعم امي ما تستحي ؟؟
الي سواها محد يلومه هذي كلمه كبيره بحق عمتك وقدام مين قدام ولدها
وترى ع فكره كل الحريم الكبار يقطن كلام عادي كلام ما راح يلصق فيك ولا بولدك
واذا قالت ولدك شقي قوولي الهادي الله
لقالت شي اسكتي وعامليها با الطيب وراح تشوفين كيف بتحترمك وبتحبك اكثر
نصيحه مني احترمي امه واهله وعامليهم بما يرضي الله
راح تنبسطي وترتاحي مع زوجك
واذا ما تبين زوجك يمده يده احفظي لسانك
انا قريت الموضوع ع السريع ولا قريت الردود
وهذا الي قدرة اكتبه
ووفق الله لما يحبه ويرضاه
شو بدك يعمل يصفق لك ويقول ايه نعم امي ما تستحي ؟؟
الي سواها محد يلومه هذي كلمه كبيره بحق عمتك وقدام مين قدام ولدها
وترى ع فكره كل الحريم الكبار يقطن كلام عادي كلام ما راح يلصق فيك ولا بولدك
واذا قالت ولدك شقي قوولي الهادي الله
لقالت شي اسكتي وعامليها با الطيب وراح تشوفين كيف بتحترمك وبتحبك اكثر
نصيحه مني احترمي امه واهله وعامليهم بما يرضي الله
راح تنبسطي وترتاحي مع زوجك
واذا ما تبين زوجك يمده يده احفظي لسانك
انا قريت الموضوع ع السريع ولا قريت الردود
وهذا الي قدرة اكتبه
ووفق الله لما يحبه ويرضاه
والله مشكله الله يعينك ... بس برضو امه لازم تكون مقدره هي وبنتها
وماتحط حرتها ف حريم عيالها .. والي ماترضاه على بناتها لا ترضاه على بنات الناس
انا عني صراحه ما اقدر اتحمل زي كذا
الله يعينك ويصبرك يارب
وماتحط حرتها ف حريم عيالها .. والي ماترضاه على بناتها لا ترضاه على بنات الناس
انا عني صراحه ما اقدر اتحمل زي كذا
الله يعينك ويصبرك يارب
ياقلبي مهما يصير مايسير تقولى على امة ماتستحي على وجها مرة كبيرة انتي ترضي احد يقول عن امك كذا
الله يهديكي
الله يهديكي
اعذريني انتي جاهله تقولين للزوجك امك ماتستحي ؟؟؟
والمصيبه تقولين بس هذا الي قلته
وش خليتي ؟؟؟
شر البليه مايضحك
امك زوجك بمقام امك
الله يهديك ويصلح بالك وانا اقول راجعي تصرفاتك يمكن الغلط فيك
والمصيبه تقولين بس هذا الي قلته
وش خليتي ؟؟؟
شر البليه مايضحك
امك زوجك بمقام امك
الله يهديك ويصلح بالك وانا اقول راجعي تصرفاتك يمكن الغلط فيك
غيرتي على زوجي ستدمرني ارجو ا المساعده→
ه الكلمه مو تخليك تنضربين الا تروحين بيت اهلك
هاذي امه
وين الجنه؟؟
تحت رجولها
حتى لو صارت كأنها ضرتك وجارتك وعدوتك
تراك حرمه والحرمه تتبدل
الام ما تتبدل
ولو انا منك احب راس زوجي والله
ان فيه خير و وبر لامه