ام زوجي كل البلد اقاربها

فعلا
كأنك سامعتني
انا كنت قبل شوي اتكلم بموضوع ام الزوج مع مامتي
حسيت من رد ماما انو الحق كلوو مع ام الزوج وانو لازم يكون كل شي بعلمها بس مو عارفه كلاام ماما تقنعني بي وتكبر صورة مامت زوجي
للعلم انها طيوبه الحمد لله وانا ف مدينه وهي بمدينه..
وربي يفرجها على صاحبتك وتسكن لوحدها وتحس بالزواج لانو مارح تحس بي الا لما تستقل لوحدها ف بيتها ومع زوجها
واتمنى للكل الحياة الزوجة السعيدة
تقبلي مروري..

هلا بك ياحلوه
ويارب يستجيب دعوتك
ودعوة حارة لك ولها بحياة طيبة هانئه
وللجميع يارب

الحياة مع اهل الزوج مهما كانوا طيبين ويحبوك
الا انها تدمر وتلغي كل حياتك اللي تكون مقتصرة على غرفة نومك ..
ووش رايك بالاهل اللي يرفضوا حتى انه شقتين جنب بعض!
ربك كريم =(

ووش رايك بالاهل اللي يرفضوا حتى انه شقتين جنب بعض!
الله يعين المسلمات المبتليات

للأسف.. أهل الزوج.. ولو طيبين ..ومهما ساوا وفعلو ... ماراح تتقبلهم زوجة الأبن أبدآ
مع ان الزوجة بتجبر زوجها بتقبل أهلها بعيوبهم !!
ممكن بسبب غيرة وحب تملك لزوجها لوحدها ..
ونسيت أنه له أم وبيت كّبر وأتّربي فيه واتعلم
وتعبو فيه لحد ماوصل لباب بيتها عشان يتزوجها
زيها بالضبط !!
او من وهيا في بيتها ونصايح الناس وحكاويهم الي حوالينها عن ام الزوج والضغينه والحقد والدسائس والخطط الماكره
اللي تُحيكها أم الزوج مع أخواته أو أقاربه لخطف زوجها منها وتخريب حياتها !!
اتناست أنها هيا اللي ساعدت واختارتها لولدها ..
وتناسو أن الناس تختلف أطباعهم عن بعض .. حتي لو تشابهت طرق حياتهم وكانو في بيت واحد
وأذا فعلآ في ناس بتتعامل بالطريقه هادي مع وحده .. فاصابع يدك مو سوا
البنت نفسها يختلف ردة فعلها عن غيرها ؟؟
فتدخل وهيا كارهتهم من قبل ماتعاشرهم .. وتتحسس من أي كلمه أو فعل منهم
هادي هيا المعادله الغريبه ؟؟!!
والواقع اللي كل يوم نشوفه
نجي للموضوع .. راح أعلق من بعد أذنك بصفه عامه أول
مشكلة السكن مع أهل الزوج مشكله مره كبيره لو مافي حكمة وصبر وتعاون
وبيعاني منها الطرفين مو بس زوجة الأبن ..
والله في زوجات .. بتخرب علاقة عائلة كامله وهيا قاعده حاطه رجل علي رجل
والعكس كمان
ومافي خصوصية ولا حريه .. وخصوصآ الأخوان
هادا غير أن كل واحد راح يفهم الطرف التاني علي كيفه وتبدأ المشاكل اللي ماتنتهي
والكره والتعامل بطريقه منفره
وعلي فكره الوقت دا كترو الأهل الي بيسّكنو أولادهم معاهم .. عشان الظروف الضيقة الي انتو شايفينها للشباب ..دحين مو زي زمان ..الرجال يلاقي وظيفه وراتب محترم
يقدر يكفيه ويكفي بيت وزوجه واولاد
الله ييعن ويساعد بس ..
يعني لازم أي وحده تفهم أذا وافقت علي كدا
أن أنتي وزوجك اللي قاعدين في بيت له قوانينه ولو عوايده
وانتو مجبروين دامك عايشين معاهم أنكم تتأقلمو وتحترمو الأشخاص الموجودين مهما كانو
لحد ماربي يفرجها
يمكن زوجك يكون مرتاح أكتر لانه متعود
لكن انتي لو قبلتي من اول علي دا الوضع لازم تتعودي انتي كمان ولا تتذمري
فياليت أي بنت قبل ماتتزوج تفكر في نفسها وطريقتها ومصلحتها .. مليون مره قبل ماتوافق
.. إذا انتي عارفه ومتاكده انك ماراح تقدري .. وماهتّقدري الظروف الي انتي راح تعيشيها اللي ممكن هاتطول ..
أقعدي في بيت أهلك ولا تتزوجي .. ولا تقولي زواجه والسلام.. وتقولي بعد الزواج راح اخليه يسكّني لحالي !!
لاتظلمي حالك وتظلمي الناس معاكي !!
من جهه ثانيه
عجبني تعليقك حبيبتي الأخير بقولك" ..
نصيحه
افردي مشكلتك على طاولة الحوار مع من يخصه الامر
ولو وجدتي مسمارا واحدا يعيق حركتها في تقرير مصيرها كما تريديه
فاعيديها ادراجها وادعي الله العوض
وانتظري الفرج
بالذات
حينما
يتعلق الامر
ب ام الزوج
فعلا لازم نتكلم ونّدور علي حلول ومانسكت
وما نفقد الأمل لو قابلنا رفض
أذا مابغي أخسر بيتي و حياتي وزوجي لا زم أحاول مره واتنين
لازم كل وحده فينا تفكر بعقلها قبل قلبها ولا تقارن نفسها بغيرها وظروفهم أبدآ
وتحاول تتوكل علي الله في كل امورها عشان لا تنظلم ولاتظلم
وصح خصوصآ مع أم الزوج مو عشان المجتمع ولاغيره
عشان هيا الأساس بحياة زوجي .. ورضاه من رضاها ..لانه يبغي الجنه
جدة أولادي .. وست كبيره
ربي راح يأجّرني علي كل فعل راح اساويه معاها .. ويعوضني بأولادي وقت ما أزوجهم ببنات الحلال الي راح يخافو الله فيني
حتي لو شريره لنفسها ولأولادها ..
انا ليا فزوجي وبيتي وأولادي .. وراح أكبر راسي عن كل شئ
وما اخلي مجال لأحد يسبب لي مشكله مهما كان
ولو صار
مالي إلا ربي أدعيلو وياخد حقي علي كل من ظلمني
الدنيا دواره يا أخواتي .. وعامل تعمل
صح مافي أحد في الدنيا راح يكون زي مامتك
وهو كمان مافي وحده راح تكون زي مامته .. حتي انتي
حاولي تكوني منصفه .. ولا تقارني حالك فيها
بالنسبة لتعليقي الخاص علي الموضوع ..
الله يعينها ويساعدها علي الوضع الي هيا فيه .. من جد وضع صعب والله يأّجرها عليه
وبصراحه مافهمت هيا عايشه بنفس البيت ولا في نفس العماره ببيت تاني
لأن الوضع راح يختلف !! ..
بس
اللي تتزوج أتمني انها تحط في بالها أي شئ ممكن يحصل
ويجبرها الوضع علي التعايش مع أهل زوجها مهما كانو..
اتوقع ان الوضع الي هيا فيه مؤقت .. لأن من كلامك واضح انها ماكنت عندهم من اول
وما تجبرت عليه هيا وزوجها إلي أكيد هو كمان مو مرتاح كأي شخص غيره
إلا لظروفهم الماليه ..
وممكن تكون الام هيا الي متضايقه من قعدتهم معاها كمان
هادا بيت أمه وهيا حّره تستقبل فيه الي تبغاه ..
بيت الأم بيكون بيت العائله شئ طبيعي
الأخ والاخت وأولادهم وأزواجهم في بعض الاحيان بيكونو هناك
يعني فين هايروحو ويرتاحو وبيت أمهم الله يحفظها موجود؟؟
صدقيني مو ذنبهم انها متضايقه من الوضع اللي المفروض انه طبيعي
الله يعينها ويصبرها ..اتحطت في الوسط ومن دون ذنب
مشكلتها مو أم زوجها .. مشكلتها الاساسيه الناس الي طالعه نازله من البيت
ومالها إلا الصبر والدعاء ..لو بيتها كان الوضع اختلف
..لازم تتكلم مع زوجها يشوفو حل كيف يخرجو لسكن لحالهم
ويبدأو من دحين ..
والأفضل لو تتفاهم مع ام زوجها وتفهمها بهدوء عن الي هيا حاسته
وأحفادها كمان واللي محتاجينو من دراسه وراحه وتربيه
يتفقو علي جدول مواعيد للزياره أو أيام معينه
يكون في وقت محدد للراحه والدراسه لأولاد
وماعتقد انها راح تكره راحتهم .. او تتعمد أزعاجهم ومضايقتهم
الله يكتبلها ويكتبلنا اللي فيه الخير .. ويصلح أحوالنا للأحسن
ويرضي علينا دنيا وأخره يارب

مشكورة أختي على الطرح
كان الله في العون
أم الزوج ليست كالأم ولكنها أم زوجك وإمرأة كبيرة بالعمر ويجب مراعاة مشاعرها
احترامها وعدم جرحها والصبر عليها
تقبلي مروري

هلا بالجميع
شاكره تعليقاتكم
التي تدل على وعي ورحمه
...
توته الهلوبه
بالنسبه لصديقتي ساكنه بنفس البيت مع ام زوجها لان الاب متوفي والولاد كلهم متزوجين
وحالتهم المادية تمام وبالذات الام ماشاء الله
مداخلتك كانت رائعه
شكرا لك
...........

موضوع الكنة والعمه هذا يرجع للطرفين وانسانية كل وحده فيهم
بنسبة لصاحبة القصه صح ان حياتها كذا صعبه لان وش فايدة البيت دوون خصوصية الزوجه واجوائها الخاصه مع عائلتها واطفالها وزوجها
بس بنفس الوقت في امور تقدر تسويها وتكسب كل الاطراف لمصلحتها
زي مثلا تبني جزء في البيت مثل غرفه حمامها ومطبخها وصالتها لعمتها بحيث ان العمه لا تستقل عنهم ولا تزعجهم بنفس الوقت
وبكذا ترتاح وتريح
وارجع واقول ان الحياة دين وسلف والله يسخر الناس لبعضها
مشكوره تعب ع الطرح

هلا بك التونه
مبروك الحمل
الله يتمم لك بخير
...
شاكره تعليقك الانساني .....
مشكورات جميعا